2 Kɔrɩntɩ Nɩaa 12:18 - WƖA TENIŊ

¹⁸ Mɩ nɛ tɩŋ Taatɩs arɩ la naambie dɔŋɔ ba kɔ ma teeŋ. Taatɩs sɩ kɔ ma teeŋ, ʋ nyɩsa laa ma kʋŋ nɛɛ? Wɩɩkala la sɩɩ ŋaa lɛ, mɩ dɩ Taatɩs ŋaa kʋbala nɛ. La kala ka to wɛŋ-bala nɛ.

2 Kɔrɩntɩ Nɩaa 12:18 ပူးပေါင်းရင်းမြစ်များ

NƐHƖMAAYA 5:14

Bʋa-la lɛ ba sɩ lɩɩsɛmɛ mɩ ŋaa Juda tinteeŋ nɩhɩaŋ, dɩ kuoro Atazɛzɛs ma sɩ dii kuoruŋ ʋ jɩsɩŋ mara lɛ nɛ ŋɩɩ. Ʋ sɩ mʋ yi jɩsɩŋ mara arɩ fii arɩ balɩa lɛ, dɩ mɩ ma sɩ ŋaa Juda tinteeŋ nɩhɩaŋ ʋ jɩsɩŋ fii arɩ balɩa lɛ nɛ ŋɩɩ. Bʋa-la lɛ mɩ dɩ mɩ naambiiriŋ kʋŋkala bɩ leŋe ba kɛŋ kɩalɩŋ ba sɩ yie joŋo pɩ tinteeŋ nɩhɩaŋ kʋ pɩla.

NAMBABA 16:15

Ŋɩɩ nɛ Mosis chaasa na baanɩŋ, a bʋla pɩ La TƖƖNA, “Sɩ́ ba Wɩɩsʋlʋŋ laa, mɩ ha bɩ ba kʋŋkala kakumo kaa laa, mɩ ha bɩ ba kʋŋkala wɩɩ ma cheye.”

Rom Tɩŋŋaa 4:12

Ʋ nɛ ŋaa nɩalɩŋ sɩ keri ba penee ma nyɩmma. Ama ʋ bɩ naga ba sɩ keri ba penee dʋndʋŋa wɩaa nɛ tɩɩ ʋ ŋaa ba nyɩmma. Ba laa Wɩa dii nɛ a pɛ ba penee keriŋ lɛ, a nagɛ Abɩraham ma fa sɩ laa Wɩa dii ŋɩɩ, aŋ-na keri ʋ peniŋ.

1 Kɔrɩntɩ Nɩaa 4:21

Wʋbɛɛ nɛ ma cho? Mɩ kori chɩba kʋ vɩɩrɛma, koo mɩ kɛŋ chonuŋ arɩ sɩɩfɩɛlaa kɔ?

2 Kɔrɩntɩ Nɩaa 7:2

Má chaasa pʋllɛ ma tʋɔŋ pɩla. La bɩ wɩɩ ŋaa cheima, la bɩ ma nyuŋ ma cheye, la bɩra bɩ ma gʋra maa.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 8:6

Taatɩs nɛ suomo laa kɩaa deemba ma teeŋ. Ŋɩɩ wɩaa laa sʋlʋ, ʋ sɩ suomo ŋɩɩ, dɩ ʋ pɛ ma lɛ dɩ ma dagɛ chonuŋ deeŋ a mʋ dɛrɛ.

1 Pɩɩta 2:21

Wɩa paala yɩrɛma dɩ ma na hɛɛŋ nɛ. Má liisi arɩ Yesu Kirisito tɩtɩa na hɛɛŋ nɛ ma wɩaa a dagɛma ŋɩɩ ma sɩ jaŋ to ʋ naabʋɔsʋŋ.