2 Kɔrɩntɩ Nɩaa 12:16 - WƖA TENIŊ

¹⁶ Ʋ ŋaa wʋtɩtɩɩ nɛ arɩ mɩ bɩ ma walɩma dɩ ma pɩmɛ kʋŋkala, ama ma dɔnsʋŋ bʋla arɩ mɩ nyɩsa laa ma kɩaa nɛ.

2 Kɔrɩntɩ Nɩaa 12:16 ပူးပေါင်းရင်းမြစ်များ

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 11:20

Dɩ nʋʋ ma nɛ kɛmma bɩrɩmɛ ʋ yosuŋ, koo dɩ ʋ nɛ kɛŋ ma kɩaa kala lɩlaa, koo dɩ ʋ nɩɩ gʋrɛma, koo dɩ ʋ nɛ leŋe ma ŋɩŋaa wɩalɩŋ ʋ sɩɩ chɛ, koo ʋ nɛ fallɛma, ma yie tɔrɛ ma niiŋ nɛ.

2 Kɔrɩntɩ Nɩaa 12:13

Wɩalɩŋ mɩ sɩ ŋaa ma lɛ, ba tɩtɩa nɛ mɩ ŋaa nɩalɩŋ sɩ laa Yesu wɩaa dii aa hilimi lee-kala lɛ. Wɩɩ-la dʋndʋŋa mɩ sɩ bɩ ŋaa ma lɛ nɛ ŋ-la: Mɩ bɩ ma walɩma dɩ ma pɩmɛ kɩalɩŋ mɩ sɩɩ chɛ. Mɩ saa sʋlma dɩ ma joŋ wɩɩŋ deeŋ chɛmɛ.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

2 Kɔrɩntɩ Nɩaa 6:8

Nɩaa dɔnsʋŋ ka zilla, ka dɔnsʋŋ ma tʋtʋʋsɛla. Nɩaa dɔnsʋŋ bɩbɛsɛ la lɛ, ka dɔnsʋŋ ma bʋl wʋbɔŋŋɔɔ a tɩtɩgɛ la lɛ. Ba bɩɩna arɩ laa nyɩsɛ nɩaa nɛ, ama wʋtɩtɩɩ nɛ la bʋbʋl.

2 Kɔrɩntɩ Nɩaa 7:2

Má chaasa pʋllɛ ma tʋɔŋ pɩla. La bɩ wɩɩ ŋaa cheima, la bɩ ma nyuŋ ma cheye, la bɩra bɩ ma gʋra maa.

1 Tɛsalonaaka Nɩaa 2:3

La bɩ ma teeŋ kɔ dɩ la kʋ bʋl wɩalɩŋ sɩ bɩ wʋtɩtɩɩ ŋaa a pɩma. La bɩra bɩ tʋɔbɩɩŋ bɔŋŋɔɔ ma kaa kɔ. La bɩ maa nyɩsɛ ma.

1 Tɛsalonaaka Nɩaa 2:5

Ma saa jɩma arɩ la sɩ kɔ ma teeŋ, la bɩ nii-sɩma nɛ kaa kɔ. La bɩ kɔ dɩ la bʋl kanfugi wɩaa a laa ma kɩaa. Wɩa nɛ ŋaa la sɩada tɩɩna.

1 Pɩɩta 2:3

Má ŋaa ŋɩɩ, bɛɛ wɩaa ma tɩtɩa jɩma arɩ La Tɩɩna Wɩa kɛŋ zile ma teeŋ.