2 Kɔrɩntɩ Nɩaa 12:14 - WƖA TENIŊ

¹⁴ Tori nɛ ŋ-la mɩ sɩɩ chɛ dɩ mɩ kʋ nama, dɩ mɩ nɛ kɔ, mɩ bɩ jaŋ walɩmɛma dɩ ma pɩmɛ kʋŋkala. Mɩ bɩ ma kʋŋkala ka chɛ. Ma tɩtɩa nɛ mɩ chɩchɛ, bɛɛ wɩaa hambiisiŋ bɩ jaŋ wuo chɛ kɩaa bil ba nyɩmmaba arɩ ba naamba lɛ. Ama hambiisiŋ nyɩmmaba arɩ ba naamba nɛ maga dɩ ba chɛ kɩaa a bil ba biiriŋ lɛ.

2 Kɔrɩntɩ Nɩaa 12:14 ပူးပေါင်းရင်းမြစ်များ

NAMAGABA 11:30

Tʋɔpʋl tɩɩna nagɛ tɩa-la sɩɩ pɩ mɩɩsɩŋ nɛ, nɩɩ-la kala sɩ laa nɩaa mɩɩsɩŋ tɩta ŋaa wʋjɩnnʋ nɛ.

NAMAGABA 13:22

Nɩzɔmʋŋ yie dii kɩaa aŋ ka bil ʋ nihee lɛ nɛ, ama dʋa-la nɩbɔmʋŋ sɩ sʋba aŋ ka bil jaŋ mɩɩra ŋaa tʋɔpʋl tɩɩna kɩaa.

NAMAGABA 19:14

Bie yie dii ʋ nyɩmma dɩa arɩ ʋ dʋa nɛ, ama La Tɩɩna nɛ yie joŋ ha-tɛŋɛ pɩ nɩa.

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

Tɩntɩŋŋaa 20:33

Mɩ ha bɩ ma kʋŋkala moribiee koo gɛnnɩŋ bɩɩna dɩ mɩ kaa laa.

1 Kɔrɩntɩ Nɩaa 10:24

Nʋʋkala bɩ maga dɩ ʋ ŋɩŋaa ʋ dʋndʋŋa tʋɔtɔrɛ wɩaa, ama ʋ maga dɩ ʋ ŋɩŋaa wɩalɩŋ sɩɩ tɔrɛ ʋ dɔnsʋŋ tɩŋŋaa ma tʋɔŋ nɛ.

1 Kɔrɩntɩ Nɩaa 10:33

Má ŋɩŋaa ŋɩɩ mɩ sɩɩ ŋaa. Wɩɩ-na kala mɩ sɩɩ ŋaa, mɩ yie chɩchɛ dɩ mɩ pɛ nʋʋ lɛ nɛ. Mɩ bɩ chɛ dɩ mɩ ŋaa wɩaa a tɔrɛ mɩ tɩtɩa tʋɔŋ. Ama mɩɩ chɛ dɩ mɩ pɛ nɩ-daŋ lɛ nɛ, dɩ Wɩa wuo laaba ta.

1 Kɔrɩntɩ Nɩaa 11:34

Dɩ losuŋ nɛ kɛŋ ma dɔŋɔ, ʋ maga dɩ ʋ dii kɩaa ʋ dɩa lɛ nɛ aŋ-na kɔ. Dɩ ma nɛ ŋaa ŋɩɩ aŋ hilimi, Wɩa bɩ jaŋ joŋ cheeriŋ pɩma. Wʋkaanala-na, dɩ mɩ nɛ kɔ, mɩ jaŋ dagɛma ba wombiiŋ.

1 Kɔrɩntɩ Nɩaa 16:5

Mɩɩ chɛ dɩ mɩ kʋ to Masidoonia tinteeŋ nɛ a mʋ lee. Dɩ mɩ nɛ kʋ to lee-la, mɩ jaŋ kʋ nama.

1 Kɔrɩntɩ Nɩaa 4:19

Dɩ Wɩa nɛ sɛyɛ, mɩ bɩ jaŋ dieni aŋ kʋ nama. Dɩ mɩ nɛ kɔ, mɩ bɩ chɛ dɩ mɩ nɩɩ deŋgiŋ tɩŋŋaa deemba wʋbʋlaa dʋndʋŋa, ama mɩ jaŋ chɩchɛ dɩ mɩ jɩŋ dol-la ba sɩ kɛnɛ,

1 Kɔrɩntɩ Nɩaa 9:12

Dɩ ma nɩɩ pɩ nɩaa dɔnsʋŋ kɩaa deemba, ʋ bɩ maga dɩ ma faasa pɩla a kɩɩbaa? Ama la-na bɩ ŋɩɩ joŋo ʋ ŋaa fʋgʋna, dɩ la sɩ́ wɩɩkala ŋaa kɛrɛ Wɩa wʋzɔmɔ-la sɩ tɩgɛ Kirisito wombiiŋ lɛ.

1 Kɔrɩntɩ Nɩaa 9:18

Ŋɩɩ wɩaa saa, bɛɛ kʋŋ time nɛ ba jaŋ joŋo timmi? Mɩ bɩ kʋŋkala ka chɛ. Mɩ tɩntɩmɩŋ nɛ dɩ mɩ bʋl Wɩa wʋzɔmɔ-la a pɩma, a sɩ́ kʋŋkala laa nʋʋkala teeŋ. Mɩ bɩ jaŋ laa kʋ-la sɩ maga dɩ mɩ na a tɩŋ mɩ sɩɩ bʋl Wɩa wʋzɔmɔ-la wɩaa.

1 Kɔrɩntɩ Nɩaa 9:19

Mɩ nɛ tɩɩ mɩ tɩtɩa, mɩ tuo nʋʋkala yoŋ. Ama mɩ kɛŋ mɩ tɩtɩa bɩrɩmɛ nʋʋkala yoŋ nɛ dɩ mɩ na nɩaa yʋgɛ dɩ ba kʋ to Wɩa.

2 Kɔrɩntɩ Nɩaa 1:15

Mɩ sɩ chaasa jɩŋ ŋ-la wɩaa nɛ tɩɩ mɩ faa chɛ dɩ mɩ kɔ ma teeŋ, dɩ ma wuo nɩɩ sɩma bʋlɩa.

2 Kɔrɩntɩ Nɩaa 11:9

Bʋa-la lɛ mɩ fa sɩ hɛ ma teeŋ, dɩ mɩ nɩɩ chɛ kʋŋkala, mɩ ha bɩ ma kʋŋkala baŋŋaa lɛ kɛnɛ. La naambiiri-la sɩ hɛ Masidoonia tinteeŋ lɛ nɛ faa pɩmɛ kɩalɩŋ kala mɩ sɩɩ chɛ. Mɩ fa bɩ chɛ dɩ mɩ ŋaa chʋga kʋŋkala ma lɛ. Mɩ saa bɩ chɛ dɩ mɩ ŋaa chʋga ma kʋŋkala lɛ.

2 Kɔrɩntɩ Nɩaa 12:13

Wɩalɩŋ mɩ sɩ ŋaa ma lɛ, ba tɩtɩa nɛ mɩ ŋaa nɩalɩŋ sɩ laa Yesu wɩaa dii aa hilimi lee-kala lɛ. Wɩɩ-la dʋndʋŋa mɩ sɩ bɩ ŋaa ma lɛ nɛ ŋ-la: Mɩ bɩ ma walɩma dɩ ma pɩmɛ kɩalɩŋ mɩ sɩɩ chɛ. Mɩ saa sʋlma dɩ ma joŋ wɩɩŋ deeŋ chɛmɛ.

Galiisia Nɩaa 4:19

Mɩ bii chooloo, ma wɩaa ka wɩɩmɛ nɛ woruŋ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ. Ma wɩaa jaŋ wɩwɩɩmɛ ŋɩɩ halɩɩ, see dɩ ma bɩrɩma a nagɛ Kirisito sɩ nagɛ ŋɩɩ.

Fɩlɩpa Nɩaa 4:1

Mɩ naambiiriŋ, mɩ choma nɛ kɩŋkɛŋ, mɩ yie bɩbɩɩnɛ ma wɩaa nɛ. Ma nɛ leŋe mɩ tʋɔŋ tɔrɔ, mɩ kɛmma ŋmuŋmoo bɔyɛ. Ŋɩɩ wɩaa mɩ naambii-kpɩanaba, má chɩŋ La Tɩɩna Yesu wɩalɩŋ ma sɩ laa dii lɛ kpaŋ kpaŋ.

Fɩlɩpa Nɩaa 4:17

Ʋ bɩ naga arɩ mɩ yie chɩchɛ dɩ mɩ laa kɩaa nɛ ma teeŋ, ama mɩ cho dɩ mɩ na arɩ ma time wasa yʋgɛ nɛ Wɩa teeŋ.

1 Tɛsalonaaka Nɩaa 2:11

La sɩ hɛ ma teeŋ, la kɛmma a nagɛ hambiisiŋ nyɩmma sɩ yie kɛŋ ʋ hambiisiŋ ŋɩɩ nɛ.

1 Tɛsalonaaka Nɩaa 2:8

La choma nɛ, ŋɩɩ nɛ tɩɩ la bɩ Wɩa wʋzɔmɔ-la dʋndʋŋa nɛ bʋla pɩma, ama la joŋ la tɩtɩa kala a pɩma nɛ. La ŋaa ŋɩɩ, bɛɛ wɩaa la chaasa choma nɛ.