2 Kɔrɩntɩ Nɩaa 12:1 - WƖA TENIŊ

¹ Ʋ maga mɩ sɩ bigisi mɩ tɩtɩa lɛ, arɩ ŋɩɩ sɩ bɩ jaŋ pɛ mɩ lɛ ma, ama mɩ ha jaŋ bigisi mɩ tɩtɩa lɛ a bʋl wɩalɩŋ Wɩa sɩ leŋe mɩ na a nagɛ duosoo tʋɔŋ, arɩ wɩalɩŋ ʋ sɩ joŋo dagɛmɛ.

2 Kɔrɩntɩ Nɩaa 12:1 ပူးပေါင်းရင်းမြစ်များ

ƐZƖKƖƐL 11:24

Wɩalɩŋ mɩ fa sɩ na arɩ duosoo tʋɔŋ, Wɩa Dɩma-la jommi kaa mʋ nɩalɩŋ sɩ hɛ yoŋ-baga lɛ Babɩlɔŋ tinteeŋ. Ŋɩɩ nɛ wɩalɩŋ mɩ fa sɩ na a nagɛ duosoo tʋɔŋ lɛl.

NAMBABA 12:6

ʋ bʋl, “Má jegile nɩɩ wɩalɩŋ mɩ sɩɩ chɛ mɩ bʋl. Dɩ nʋʋ nɛ hɛ ma tʋɔŋ a ŋaa mɩ wʋlaabʋllʋ, mɩ yie kɛŋ mɩ tɩtɩa dagʋ a nagɛ duosoo tʋɔŋ nɛ, aŋ bʋl wɩaa pʋ duoso lɛ.

Jɔɔŋ 16:7

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ.

Jɔɔŋ 18:14

Kayafas nɛ fa laa sɩpaaŋ bʋla pɩ Juu tɩŋŋaa arɩ nɩbala nɛ laa tinteeŋ nɩaa kala nyuŋ sʋʋ, ʋ nɛ kpɩa nɩ-daŋ sɩ sʋba.

Tɩntɩŋŋaa 18:9

Tɩtaŋ kʋbala Pɔɔl na arɩ duosoo tʋɔŋ dɩ Wɩa bʋla pʋ, “Sɩ́ fawʋllʋŋ fá. Ha bʋl wɩaa pɩpɩ nɩaa a sɩ́ leŋ.

Tɩntɩŋŋaa 23:11

Ʋ taŋ sɩ bire, tɩtaŋ-la tɩtɩa La Tɩɩna Yesu kɔ Pɔɔl teeŋ, a chɩna kpagʋ, a bʋla pʋ, “Nyɩrɛ ŋ bɔyɛ. Ʋ maga dɩ ŋ ŋaa nɩɩ-la sɩ pɛ na mɩ wɩaa nɛ bʋlba Rom lɛ arɩ ŋ sɩ bʋl mɩ wɩaa ŋɩɩ Jerusalɛm lɛ.”

1 Kɔrɩntɩ Nɩaa 10:23

Mɩ jaŋ wuo ŋaa wɩɩkala, ama ba kala bɩ jaŋ wuo pɛ mɩ lɛ. Ba kala bɩ jaŋ wuo ŋaa dɩ mɩ waa Wɩa wɩaa lɛ.

1 Kɔrɩntɩ Nɩaa 14:6

Mɩ naambiiriŋ, dɩ mɩ nɛ kɔ ma teeŋ a bʋbʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ɛɛ nɛ mɩ jaŋ ŋaa a pɛ ma lɛ? Mɩ bɩ jaŋ wuo pɛ ma lɛ, see dɩ mɩ bʋl wɩɩ-la Wɩa sɩ joŋo dagɛmɛ a pɩma, koo dɩ mɩ jɩŋ wɩɩ a kaa kʋ dagɛma Wɩa doluŋ lɛ, koo dɩ mɩ nɛ bʋl wɩaa Wɩa Dɩŋ-zɔmʋŋ doluŋ lɛ, koo dɩ mɩ joŋ Wɩa wɩɩ dɔŋ a dagɛma ʋ doluŋ lɛ.

1 Kɔrɩntɩ Nɩaa 6:12

Mɩ jaŋ wuo bʋl arɩ dɩ mɩ nɛ cho, mɩ jaŋ ŋaa wɩɩ-na kala mɩ sɩɩ chɛ. Wʋtɩtɩɩ nɛ, ama wɩɩ-na kala bɩ jaŋ ŋaa wʋzɔŋ a pɩmɛ. Mɩ jaŋ wuo bɩra bʋl arɩ mɩ nɛ cho, mɩ jaŋ wuo ŋaa wɩɩkala, ama mɩ bɩ jaŋ sɛɩ dɩ kʋŋkala kɛŋ doluŋ mɩ lɛ.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

2 Kɔrɩntɩ Nɩaa 12:5

Mɩ jaŋ bigisi baala deeŋ lɛ, mɩ-na bɩ mɩ tɩtɩa lɛ wuo bigisi. Ama dɩ mɩ nɩɩ bigisi mɩ tɩtɩa ma lɛ, mɩ jaŋ bigisi mɩ tɩtɩa lɛ a mʋ tɩgɛ kɩalɩŋ sɩ daga arɩ mɩ bɩ doluŋ kɛnɛ lɛ.

2 Kɔrɩntɩ Nɩaa 12:7

Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

2 Kɔrɩntɩ Nɩaa 8:10

Wɩɩ-la tʋɔŋ, wɩɩ-la mɩ-na sɩ na arɩ ʋ maga dɩ ma ŋaa nɛ ŋ-la, dɩɩmɩŋ ma sɩ suomi wɩɩ-la, ma ŋaaʋ a mʋ dɛrɛ. Ma nɛ laa sɩpaaŋ kɛŋ tʋɔŋ dɩ ma kɩɛsɛ kɩaa kaa mʋ pɩ Wɩa nɩalɩŋ, aŋ sɛnɛ ŋaa ma.

Galiisia Nɩaa 1:12

Nuhuobiinee dee bɩ joŋo pɩmɛ, nuhuobiinee dee bɩ mɩ daga. Ama Yesu Kirisito nɛ joŋ wɩalɩŋ dagɛmɛ.

Galiisia Nɩaa 2:2

Mɩ sɩ mʋ lee-la, Wɩa nɛ dagɛmɛ mɩ mʋ. La sɩ mʋa, mɩ dɩ nɩalɩŋ sɩ laa Yesu wɩaa dii kʋhɩasɩŋ dʋndʋŋa nɛ hilime. Ŋɩɩ nɛ mɩ bʋla pɩba wɩalɩŋ mɩ fa sɩ bʋla pɩpɩ nɩalɩŋ sɩ bɩ Juu tɩŋŋaa ŋaa a tɩgɛ Wɩa wʋzɔmɔ-la lɛ. Mɩ bʋl ŋɩɩ pɩba dɩ tɩntɩmɩɩ-la mɩ fa sɩ tɩma aŋ haa tɩŋ sɩ́ pɛɩ ŋaa.

Ɛfɛsɩs Nɩaa 3:3

Teŋ-la mɩ fa sɩ ŋmʋnsa pɩpɩma mɩ bʋl wɩaa mʋa, a dagɛ ŋɩɩ Wɩa sɩ kɛŋ wɩalɩŋ fa sɩ faa a kaa dagɛmɛ nɛ.

1 Tɛsalonaaka Nɩaa 4:15

Wɩaa deemba la sɩ bʋlaa pɩma lɛɛlɛ, La Tɩɩna Yesu tɩtɩa nɛ dagɛla: La nɩalɩŋ sɩ laa Yesu wɩaa dii a hɛ la mɩɩsɩŋ lɛ, tapʋlɩɩ-la La Tɩɩna Yesu sɩ jaŋ mɩɩra kɔ, la bɩ jaŋ laa nɩalɩŋ sɩ sʋba sɩpaaŋ a mʋ Yesu teeŋ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.