2 Kɔrɩntɩ Nɩaa 11:4 - WƖA TENIŊ

⁴ Mɩɩ bʋl ŋ-la, bɛɛ wɩaa dɩ nʋʋ dɔŋ nɛ bɩra kɔ ma teeŋ a bʋl wʋtanɩɩ a mʋ tɩgɛ Yesu wɩalɩŋ la sɩ bʋla pɩma lɛ, ma yie laa dii nɛ. Dɩ ba nɛ bɩra bʋl dɩŋ-wogo ma wɩaa sɩ tuo Wɩa Dɩŋ-zɔmʋŋ ma sɩ laa, ma yie sɛɩ nɛ. Dɩ ba nɛ bɩra bʋl wʋwogo ma sɩ tuo Wɩa wʋzɔmɔ-la la sɩ bʋla pɩma, ma yie chagɛ laa nɛ lɩma lɩma.

2 Kɔrɩntɩ Nɩaa 11:4 ပူးပေါင်းရင်းမြစ်များ

Maak 7:9

Ʋ bɩra bʋla pɩba, “Ma yie bɩɩnɛ ma kɛŋ wʋjɩmɩŋ nɛ a vɩa Wɩa wombiiŋ aŋ tuto ma naabalɩmaba wombiee.

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

1 Kɔrɩntɩ Nɩaa 3:11

Wɩa laa sɩpaaŋ nɛ a joŋ Yesu Kirisito dɩ ʋ ŋaa ʋ dɩa-la gentine. Nʋʋkala bɩra bɩ jaŋ wuo bil dɩa-la gentine doho.

2 Kɔrɩntɩ Nɩaa 11:1

Mɩɩ sʋlma dɩ ma dii kenyiri mɩ teeŋ. Dɩ mɩɩ bʋl nɩyaarɩ wɩɩ ma, má jegile nɩɩ.

2 Kɔrɩntɩ Nɩaa 2:12

Mɩ sɩ kɔ Tʋrɔwas tinteeŋ dɩ mɩ bʋl Kirisito wʋzɔmɔ-la a pɩba, La Tɩɩna suri wombiiŋ pɩmɛ nɛ,

Galiisia Nɩaa 3:2

Má leŋ dɩ mɩ pɩɛsɛma wɩɩŋ deeŋ: Wɩa sɩ joŋ ʋ Dɩŋ-zɔmʋŋ dii zile ma lɛ, ʋ ŋaa ŋɩɩ a tɩŋ ma sɩɩ to wɩalɩŋ Mosis fa sɩ bile dɩ nɩaa tuto nɛ, koo a tɩŋ ma sɩ nɩɩ Wɩa wʋzɔmɔ-la a laaba dii nɛ tɩɩ?

1 Timoti 1:3

Bʋa-la lɛ la fa sɩ hɛ Ɛfɛsɩs lɛ, mɩ bʋla pɩŋ dɩ ŋ hɔŋ nɩmɛ, aŋ ka dɩ mɩ mʋ Masidoonia tinteeŋ. Nɩaa dɔnsʋŋ hɛ nɩmɛ aa dagɛba wʋnyɩɛrɩŋ. Bʋla pɩba dɩ ba leŋ wɩalɩŋ.

1 Timoti 2:5

Wɩa ŋaa kʋbala nɛ. Nɩbala ma nɛ hɛ Wɩa arɩ nuhuobiine pɛgɛ dɩ ʋ kɛmba kaa hɛ dɔŋɔ lɛ. Nɩɩ-la nɛ ŋaa Kirisito Yesu.