2 Kɔrɩntɩ Nɩaa 11:3 - WƖA TENIŊ

³ Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

2 Kɔrɩntɩ Nɩaa 11:3 ပူးပေါင်းရင်းမြစ်များ

WƖAA DƖ-SUOMUŊ 3:1

Dɩmɩŋ nɛ fa kɛŋ wʋjɩmɩŋ a kɩɩ pʋsʋ-la kala La TƖƖNA Wɩa sɩ ŋaa. Ʋ pɩɛsɛ haal-la, “Wɩa sɛnɛ sɩ má sɩ́ tɩa-la sɩ hɛ ŋmaŋkaaŋ deeŋ tʋɔŋ nɛnɛɛ dii nɛɛ?”

WƖAA DƖ-SUOMUŊ 3:13

Ŋɩɩ nɛ La TƖƖNA Wɩa pɩɛsɛ haal-la, “Bɛɛ nɛ ŋ ŋaa ŋ-la?” Ʋ sɩ, “Dɩmɩŋ nɛ nyɩsɛmɛ mɩ dii tɩɩnɛŋ-la.”

WƖAA DƖ-SUOMUŊ 3:20

Adam hɛ ʋ haala yɩrɩŋ Hawa, ʋ nɛ ŋaa nʋʋkala nahɩma.

WƖAA DƖ-SUOMUŊ 3:4

Ŋɩɩ nɛ dɩŋ-la bʋla pɩ haal-la, “Ma sɛnɛ bɩ jaŋ sʋʋ.

WƖA YƖƖLAA 119:53

Dɩ mɩ nɛ na nɩbɔŋŋɔɔ dɩ baa chei ŋ wombii-la ŋ sɩ bile dɩ la tuto, mɩ baanɩŋ yie chaasaa sii nɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Rom Tɩŋŋaa 12:8

Dɩ ŋ nɛ kɛŋ doluŋ dɩ ŋ wuo dɩdagɛ nɩaa a leŋ dɩ ba nyuŋ nyɩnyaasɛ, ŋ ma ŋɩŋaa ŋɩɩ. Dɩ nʋʋ nɛ kɛŋ zile a pɩpɛ nɩaa lɛ, ʋ ma ŋɩŋaa ŋɩɩ arɩ tʋɔ-bala. Dɩ ŋ nɛ ŋaa sɩpaalaarʋ, tɩtɩŋ arɩ sɩɩfɩɛsɩŋ. Dɩ ŋ nɛ kɛŋ doluŋ a fɩfá nɩaa nenige, ŋɩŋaa ŋɩɩ arɩ tʋɔtɔrʋŋ.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 11:20

Dɩ nʋʋ ma nɛ kɛmma bɩrɩmɛ ʋ yosuŋ, koo dɩ ʋ nɛ kɛŋ ma kɩaa kala lɩlaa, koo dɩ ʋ nɩɩ gʋrɛma, koo dɩ ʋ nɛ leŋe ma ŋɩŋaa wɩalɩŋ ʋ sɩɩ chɛ, koo ʋ nɛ fallɛma, ma yie tɔrɛ ma niiŋ nɛ.

2 Kɔrɩntɩ Nɩaa 11:29

Dɩ nʋʋ nɛ bɩ doluŋ kɛnɛ, mɩ ma bɩ doluŋ kɛnɛ. Dɩ ba nyɩsɛ nʋʋ dɩ ʋ ŋaa wʋbɔŋ ma, mɩ tʋɔŋ yie faasa chei nɛ.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

Galiisia Nɩaa 1:6

Ʋ kperimi nɛ ma sɩ bɩ diene aŋ vɩa nɩɩ-la sɩ yɩrɛma Kirisito lahɔrɩmɔ lɛ, aŋ bɩra tuto wombii-wogo.

Galiisia Nɩaa 2:4

Arɩ ŋɩɩ kala, nɩaa dɔnsʋŋ fa bʋla arɩ Taatɩs maga ʋ keri ʋ peniŋ nɛ. Nɩaa deemba fa fugo arɩ ba ma laa Yesu wɩaa dii nɛ a ŋaa la naambiiriŋ. Ba fa kʋ guoli la tʋɔŋ dɩ ba na arɩ laa to Juu tɩŋŋaa naabalɩmaba wombii-la nɛ koo la bɩbaa to. La sɩ laa Yesu Kirisito wɩaa dii ŋɩɩ, ba faa chɛ dɩ ba na ŋɩɩ la sɩ lɩɩsɛ la tɩtɩa Juu tɩŋŋaa naabalɩmaba wombiiŋ lɛ nɛ. Ba fa cho dɩ la to Juu tɩŋŋaa naabalɩmaba wombii-la nɛ a ŋaa yosi ʋ lɛ.

Galiisia Nɩaa 3:1

Ma-na Galiisia nɩyaara! Kʋbɛɛ nɛ bugumima? La sɩ kɔ ma teeŋ, mɩ dagɛma woruŋ ŋɩɩ Yesu sɩ sʋʋ daagɛsɛ nyuŋ, ma jɩŋ ʋ bʋbʋɔŋ.

Galiisia Nɩaa 4:11

Ma leŋe fawʋllʋŋ kɛmmɛ nɛ arɩ tɩntɩmɩɩ-la mɩ sɩ tɩma ma teeŋ ŋaa pɛɩ nɛ.

Ɛfɛsɩs Nɩaa 4:14

Ŋɩɩ-na la bɩra bɩ jaŋ ŋaa hambiisi Wɩa wɩaa lɛ, dɩ wʋwogusu-la nɩaa dɔnsʋŋ sɩɩ dagʋ a mʋ tɩgɛ Wɩa wɩaa lɛ kɛnla begili. La bɩ jaŋ to nɩalɩŋ sɩɩ nyɩɛ wɩaa, a kɛŋ badɛrɩŋ nyɩnyɩsɛ nɩaa, dɩ ba joŋ wɩalɩŋ ba sɩ laa dii ta.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

Koloosi Nɩaa 2:18

Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.

Koloosi Nɩaa 2:4

Mɩ bʋl ŋɩɩ pɩpɩma dɩ nʋʋkala sɩ́ wuo nyɩsɛma arɩ nii-sɩma.

Koloosi Nɩaa 2:8

Má sɩ́ leŋe dɩ nʋʋkala nyɩsa kɛsɛma dɩ ma tou. Baa dagɛma nuhuobiine wʋjɩmɩŋ nɛ, aa nyɩsɛma arɩ wɩalɩŋ sɩ bɩ bʋbʋɔ kɛnɛ. Ba to nuhuobiinee naabalɩma wɛnɩŋ nɛ a dagɛ dɩ-suomuŋ wɩaa dʋnɩa nɩaa sɩɩ to. Wɩaa deemba bɩ Kirisito teeŋ lɩa.

1 Tɛsalonaaka Nɩaa 3:5

Mɩ sɩ nyalɩma lɔl dɩ mɩ kʋ nama, ŋɩɩ nɛ mɩ tɩŋ Timoti dɩ mɩ jɩŋ ŋɩɩ ma sɩ chɩna a mʋ tɩgɛ wɩalɩŋ ma sɩ laa dii lɛ. Mɩ bɔyɛ faa joŋ nɛ arɩ Sɩtaanɩ jaŋ magɩsɛma a ŋaa dɩ ma joŋ wɩalɩŋ ma sɩ laa dii ta. Dɩ ma nɛ ŋaa ŋɩɩ, tɩntɩmɩɩ-la la sɩ tɩma ma teeŋ jaŋ ŋaa pɛɩ.

1 Timoti 1:3

Bʋa-la lɛ la fa sɩ hɛ Ɛfɛsɩs lɛ, mɩ bʋla pɩŋ dɩ ŋ hɔŋ nɩmɛ, aŋ ka dɩ mɩ mʋ Masidoonia tinteeŋ. Nɩaa dɔnsʋŋ hɛ nɩmɛ aa dagɛba wʋnyɩɛrɩŋ. Bʋla pɩba dɩ ba leŋ wɩalɩŋ.

1 Timoti 2:14

Sɩtaanɩ bɩ Adam nɛ nyɩsa. Hawa nɛ ʋ nyɩsɛ ʋ ŋaa wʋbɔŋ a chei Wɩa niiŋ wɩaa ʋ sɩ bʋla pɩba.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Taatɩs 1:10

Nɩalɩŋ sɩ laa Wɩa wɩaa dii yʋga a bɩ chɛ dɩ ba tuto nɩhɩasɩŋ niiŋ wʋbʋlaa, a saa wasa nyaŋ Juu tɩmma-la sɩ laa Yesu wɩaa dii. Ba ŋaa wʋbʋl deeŋ deeŋ tɩmma nɛ, aa nyɩsɛ nɩaa.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.

2 Pɩɩta 3:17

Ma-na mɩ naambii-kpɩanaba, ma paala jɩŋ arɩ wʋnyɩɛraa deemba jaŋ kɔ. Ŋɩɩ wɩaa, má pɔ ma tɩtɩa lɛ dɩ nɩalɩŋ sɩ bɩ Wɩa niiŋ ka to sɩ́ wuo nyɩsɛma dɩ ma to ba wʋnyɩɛrɩɩ-la harɩŋ, aŋ joŋ wɩalɩŋ ma sɩ laa dii a chɩŋ ba lɛ ta.

2 Pɩɩta 3:3

Mɩɩ chɛ dɩ ma laa sɩpaaŋ jɩŋ arɩ bʋa-la lɛ dʋnɩa sɩ jaŋ kʋ kpagɛ dɩdɛrɩŋ, nɩsieree jaŋ to ba tʋɔtɔrɛ wʋŋaalaa lɛ a sisierima lɛ.

1 Jɔɔŋ 2:18

Mɩ biiriŋ, dʋnɩa dɩdɛrɩŋ kpaga nɛ. Ma nɩa arɩ Kirisito dʋndɔŋ-balɩŋ jaŋ kɔ. Bʋa deeŋ lɛ Kirisito dʋndɔŋŋɔɔ paala yʋgɛ nɛ a kɔ. Ŋɩɩ wɩaa, la jɩma arɩ dʋnɩa dɩdɛrɩŋ kpaga nɛ.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

Juud 1:4

Mɩ bʋl wɩɩŋ deeŋ pɩpɩma, bɛɛ wɩaa nɩaa dɔnsʋŋ sɩ bɩ Wɩa ka fá lʋara jʋʋ ma tʋɔŋ nɛ. Ba bɩ Wɩa wombiiŋ ka to, ŋɩɩ wɩaa Wɩa jaŋ dɔgɩsɛba a leŋ dɩ ba sʋʋ. Wɩa teniŋ tʋɔŋ ba bʋl faafaa kala nɛ dɩ Wɩa jaŋ ŋaa ŋɩɩ nɩbɔŋŋɔɔ lɛ. Wɩa sɩ fá la nenige a laala ta, ba to ŋɩɩ a kɛŋ Wɩa wʋzɔmɔ-la kaa bɩrɩmɛ a ŋɩŋaa wʋlɩɩlɩŋ. Ba yie bʋl arɩ ba bɩ Yesu Kirisito jɩŋ, Nɩɩ-la sɩ ŋaa la kala Tɩɩna.

Jɔɔŋ Wʋnaalaa 12:15

Ŋɩɩ nɛ lɩɩŋ lɩɩ dɩŋ-la niiŋ lɛ a nagɛ fuoŋ, a kire to haal-la harɩŋ dɩ ʋ pɛllɛ joŋu.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 20:2

Ŋɩɩ nɛ ʋ kɛŋ dɩŋ-la, dɩŋ-la fa sɩ hɛ nɩmɛ bumbuŋ, a vɔbʋ bil jɩsɩŋ bʋɩ. Dɩŋ-la nɛ ŋaa Sɩtaanɩ.