2 Kɔrɩntɩ Nɩaa 11:27 - WƖA TENIŊ

²⁷ Mɩ faasa tɩŋ nɛ woruŋ a kala lɔl. Tapʋlaa yʋga mɩ sɩ bɩ doŋ pɩna, losuŋ arɩ lɩɩnyʋasʋŋ ma kɛmmɛ, mɩ paala bɩ kʋdiilee kɛnɛ dɩ mɩ dii, a bɩ gɛrɩ-yuŋii kɛnɛ dɩ mɩ kaa tɔ waarɩŋ, ka waarɩŋ kpʋmɛ.

2 Kɔrɩntɩ Nɩaa 11:27 ပူးပေါင်းရင်းမြစ်များ

JƐRƖMAAYA 38:9

“Kuoro, mɩ nɩhɩaŋ, baalaa deemba ŋaa wʋbɔŋ nɛ ba sɩ ŋaa wɩalɩŋ kala Wɩa wʋlaabʋlla Jɛrɩmaaya lɛ. Ba joŋu yuo hɛ viliŋ lɛ nɛ. Ʋ jaŋ sʋʋ arɩ losuŋ nɩmɛ dɩ boroboro nɛ kʋ tuo tabal-la lɛ.”

Matiu 17:21

Ama Wɩa bɩ jaŋ pɩma doluŋ dɩ ma wuo kikiri jɩŋ-dosunuŋ deemba, see ma vɔɔ niiŋ aŋ pɛ chʋchʋɔlɛ Wɩa.]”

Tɩntɩŋŋaa 14:23

Lee-na kala nɩalɩŋ sɩ laa Yesu wɩalɩŋ dii aa hilimi, Pɔɔl arɩ Banabas yie lɩɩsɛ nɩaa ba tʋɔŋ dɩ ba ŋaa ba kʋhɩasɩŋ. Ba nɛ ŋaa ŋɩɩ, ba yie chʋɔlɛ Wɩa pɩba a vɔɔ niiŋ, aŋ jomba hɛ La Tɩɩna Yesu nɩsɩŋ lɛ, nɩɩ-la wɩaa ba sɩ laa dii.

Tɩntɩŋŋaa 20:31

Ŋɩɩ wɩaa, má beŋ ma tɩtɩa nyuŋ woruŋ. Má liliisi arɩ mɩ dagɛma nʋʋkala jɩsɩŋ batori nɛ wɩɩhɛyɛ arɩ tɩtaŋɩŋ kala, a yel sɩlɩɩrɩŋ ma woruŋ ma wɩaa.

1 Kɔrɩntɩ Nɩaa 7:5

Dɩ baala nɩɩ chɛ ʋ haala, ʋ bɩ maga dɩ haala vɩa, dɩ haala ma nɩɩ chɛ ʋ bala, ʋ bɩ maga dɩ ʋ bala ma vɩa, see dɩ ba kala sɛyɛ arɩ ba bɩ jaŋ jɩŋ dɔŋɔ a magɛ tapʋlaa baŋmɛnɛ, aŋ joŋ ba tɩtɩa kala hɛ Wɩɩ-chʋɔlʋŋ lɛ. Ama dɩ ma nɛ chʋɔlɛ Wɩa dɛrɛ, má bɩra suomo jɩŋ dɔŋɔ. Dɩ ma nɩɩ ŋaa ŋɩɩ, Sɩtaanɩ bɩ jaŋ wuo na wombiiŋ a jomma hɛ wʋbɔmʋŋ lɛ a tɩŋ ma sɩ bɩ ma tɩtɩa kɛnɩŋ jɩŋ wɩaa.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 6:5

Ba yie ŋmoola, a kɛnla tɔ dɩa, nɩaa hɛ yuosuŋ la nyuŋ, la yie faasa tɩtɩŋ nɛ, la bɩ doŋ pɩŋ, losuŋ ma kɛnla.

Fɩlɩpa Nɩaa 4:12

Mɩ jɩŋ ŋɩɩ ʋ sɩ yie nagɛ nɛ dɩ nʋʋ nɛ bɩ kʋŋ kɛnɛ, a bɩra jɩŋ ŋɩɩ ʋ sɩ naga dɩ nʋʋ nɛ kɛŋ kɩaa yʋgɛ. Mɩ gʋnnɛ wɩɩŋ deeŋ nɛ bʋa na-kala koo lee-na kala lɛ, dɩ mɩ vɔgɔ koo dɩ losuŋ kɛmmɛ, dɩ mɩ kɛŋ kɩaa yʋgɛ koo dɩ mɩ nɛ kɛŋ mʋa, mɩ sɩpaa tuo.

1 Tɛsalonaaka Nɩaa 2:9

La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.

2 Tɛsalonaaka Nɩaa 3:8

La fa bɩ nʋʋkala kʋdiilee die dɩ la bɩ tɩɩna time. La tɩma nɛ woruŋ a suoli wɩɩhɛyɛ arɩ tɩtaŋɩŋ kala dɩ la wuo nɩna la kʋchɛɛlɛɛ, dɩ la sɩ́ hɔnɔ gbɛrɛ ma kʋŋkala aa chɛ kɩaa ma teeŋ.

Hiburu TƖŊŊAA 11:37

Ba yagɛ dɔnsʋŋ arɩ tabɩaa, a kɛŋ dɔnsʋŋ keri balɩa balɩa, aŋ kpʋ dɔnsʋŋ ma arɩ tokobiee. Ba dɔnsʋŋ faa laalɛ piesee arɩ bʋʋnaa jɛŋŋɛɛ nɛ, a ŋaa summo. Ba to naasɩŋ dɔgɩsɛba, ba na hɛɛŋ.