2 Kɔrɩntɩ Nɩaa 11:26 - WƖA TENIŊ

²⁶ Mɩ sɩ vɛnɛɛ vɛŋ wombiiŋ ŋɩɩ, mɩ na hɛɛŋ nɛ woruŋ. Mɩ na hɛɛŋ fuonuŋ choluŋ lɛ. Mɩ na hɛɛŋ wɛmboriroo ma nɩsɩŋ lɛ. Mɩ na hɛɛŋ mɩ tɩtɩa nɩaa nɩsɩŋ lɛ, mɩ na hɛɛŋ nɩalɩŋ sɩ bɩ Juu tɩŋŋaa ŋaa nɩsɩŋ lɛ, mɩ na hɛɛŋ tabalaa lɛ, mɩ na hɛɛŋ tintee-hɩlɩŋ ma tʋɔŋ, mɩ na hɛɛŋ mʋgʋ-balɩŋ tʋɔŋ, mɩ na hɛɛŋ nɩalɩŋ sɩ nyɩɛ wɩaa arɩ ba ŋaa la naambiiriŋ nɩsɩŋ lɛ.

2 Kɔrɩntɩ Nɩaa 11:26 ပူးပေါင်းရင်းမြစ်များ

Tɩntɩŋŋaa 13:45

Juu tɩŋŋaa fa sɩ na nɩ-daŋ-la hilime ŋɩɩ, ba yaraa bibieri. Ba kɛŋ wɩalɩŋ Pɔɔl fa sɩɩ bʋl chichei aŋ tʋtʋʋsʋ.

Tɩntɩŋŋaa 13:50

Ama Juu tɩŋŋaa nyɩsɛ tabal-la nɩhɩasɩŋ arɩ haala-la sɩ ŋaa nɩbalaa a fɩfá Wɩa a hɛ. Ba dɩ Juu tɩŋŋaa suomo to naasɩŋ dʋdɔgɩsɛ Pɔɔl arɩ Banabas, a ŋaa ba lɩɩ ba tinteeŋ lɛ.

Tɩntɩŋŋaa 14:19

Dɩ Juu tɩŋŋaa dɔnsʋŋ lɩɩ Antɩɔk, Pisiidia tinteeŋ lɛ, a ma kɔ. Dɔnsʋŋ ma lɩɩ Ikooniam a kɔ. Ba kʋ kɛsɛ nɩalɩŋ pɛ ba tɩtɩa lɛ a yagɛ Pɔɔl arɩ tabɩaa, a kɛnʋ lɛrɛ lɩɩ ba tabal-la tʋɔŋ, a bɩɩnɛ arɩ ʋ sʋba nɛ.

Tɩntɩŋŋaa 14:5

Ŋɩɩ nɛ nɩalɩŋ sɩ bɩ Juu tɩŋŋaa ŋaa arɩ Juu tɩŋŋaa arɩ ba sɩpaalaaraa wʋwalɩmɛ dɩ ba dɔgɩsɛ Pɔɔl arɩ Banabas aa chɛ dɩ ba paa tabɩaa yagɛba.

Tɩntɩŋŋaa 15:40

Ka Pɔɔl ma kɛŋ Saalas. Ŋɩɩ nɛ nɩalɩŋ sɩ laa Yesu wɩaa dii jomba hɛ Wɩa nɩsɩŋ lɛ dɩ ba jʋʋ ʋ lahɔrɩmɔ.

Tɩntɩŋŋaa 17:13

Juu tɩmma-la sɩ hɛ Tɛsalonaaka lɛ sɩ nɩa dɩ Pɔɔl bɩra bʋl Wɩa wɩaa Biriya ma lɛ. Ba sii mʋ nɩmɛ ma a nyɩsɛ nɩ-daŋ-la hɛ.

Tɩntɩŋŋaa 17:5

Ŋɩɩ nɛ Juu tɩŋŋaa yaraa bibieri. Ba chɛ kɛsɛ nyu-duo tɩŋŋaa sɩ yie bɩbaarɛ wombiee arɩ yɔɔsʋŋ tʋɔŋ a pɛ ba tɩtɩa lɛ dɩ ba kɛŋ jaŋ-la hosi. Ba mʋ jʋʋ Jaasɩŋ dɩa dɩ ba chɛ kɛŋ Pɔɔl arɩ Saalas a kaa kʋ lɩɩ nɩ-daŋ-la tʋɔŋ.

Tɩntɩŋŋaa 18:12

Bʋa-la lɛ baal kʋbala baa yɩrɛ Galio nɛ fa chɩŋ Rom kuoru balɩŋ naasɩŋ lɛ aa beŋ Giriisi tinteeŋ. Ŋɩɩ nɛ Juu tɩŋŋaa sii hɛ dɔŋɔ a kɛŋ Pɔɔl kaa mʋ ba sarɩya dɩ-diiliŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

Tɩntɩŋŋaa 19:23

Bʋa-la lɛ yuo-bal nɛ fa sii Ɛfɛsɩs lɛ a tɩgɛ La Tɩɩna Yesu wombii-la tonuŋ wɩaa.

Tɩntɩŋŋaa 20:19

Mɩ chaasa kɛŋ mɩ tɩtɩa muuri nɛ a tɩma pɩ La Tɩɩna, a yel sɩlɩɩrɩŋ mɩ tɩntɩŋŋaa lɛ, a na hɛɛŋ ma Juu tɩŋŋaa nɩsɩŋ lɛ a tɩŋ ba sɩ vʋʋra dɩ ba kpʋmɛ.

Tɩntɩŋŋaa 20:3

Ʋ hɛ Giriisi tinteeŋ lɛ chɛnsɩŋ batori. Ŋɩɩ nɛ ʋ kɛŋ ʋ tɩtɩa hɛ dɔŋɔ dɩ ʋ jʋʋ lɩɩŋ daboro a mʋ Siiria tinteeŋ. Bʋa deeŋ lɛ nɛ ʋ nɩɩ dɩ Juu tɩŋŋaa vʋʋra dɩ ba kpʋʋ. Ŋɩɩ nɛ ʋ kɛŋ ʋ tʋɔbɩɩnaa bɩrɩmɛ a mɩɩra sii to Masidoonia tinteeŋ.

Tɩntɩŋŋaa 23:10

Ŋɩɩ nɛ ba kɛŋ wɩɩ-la faasa lɛrɛ, leriŋ kala hosi. Fawʋllʋŋ kɛŋ laalɩyuoroo kʋhɩaŋ-la arɩ ba jaŋ kɛŋ Pɔɔl lɛrɛ pʋɔsɛ. Ŋɩɩ nɛ ʋ ŋaa ʋ laalɩyuoroo jʋʋ nɩalɩŋ tʋɔŋ a lorigo laaʋ nɩalɩŋ teeŋ, a kɛnʋ kaa mʋ laalɩyuoroo dɩɩ-duo-la.

Tɩntɩŋŋaa 25:3

dɩ ʋ pɛ ba lɛ a ŋaa dɩ Pɔɔl kɔ Jerusalɛm. Ba fa vʋʋra nɛ dɩ ba lɩɩ faa wombiiŋ lɛ a kpʋʋ.

Tɩntɩŋŋaa 27:42

Ŋɩɩ nɛ laalɩyuoro-la vʋʋrɛ dɩ ba kpʋ nɩalɩŋ ba kɛsɛ tɔ bɩnɩŋ dɩa kala, dɩ ba kʋŋkala sɩ́ wuo lɩɩ a duori lɩɩ-la a fá lɛl.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Rom Tɩŋŋaa 8:35

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

1 Kɔrɩntɩ Nɩaa 15:30

Bɛɛ nɛ tɩɩ la nɩna hɛɛŋ bʋa na-kala lɛ?

1 Kɔrɩntɩ Nɩaa 15:32

La sɩ mʋ Ɛfɛsɩs, nɩaa hoso arɩ baga kɩaa sɩ hoso ŋɩɩ nɛ, a faa chɛ dɩ ba kpʋmɛ. Dɩ mɩ nɛ fa yuo yuosuŋ deeŋ dɩ mɩ laa yɩrɩŋ koo kɩaa nɩaa teeŋ, ʋ bʋbʋɔŋ nɛ bɛɛ? Dɩ Wɩa nɛ bɩ jaŋ chɩsɛ nɩaa sʋʋŋ lɛ, ŋɩɩ-na má leŋ dɩ la dii kɩaa aŋ nyʋa kʋnyʋalaa, bɛɛ wɩaa chie la jaŋ sʋʋ.

2 Kɔrɩntɩ Nɩaa 11:32

Mɩ fa sɩ hɛ Damasɩkʋs lɛ, bʋa-la lɛ dɩ baal kʋbala baa yɩyɩrɛ Ariitas nɛ fa dii kuoruŋ. Ŋɩɩ nɛ nɩɩ-la sɩ chɩŋ tintee-la kuoru-balɩŋ nyuŋ pɩ wombiiŋ dɩ ba pɔ taŋ-la boiŋ niiŋ a kɛmmɛ.

Galiisia Nɩaa 2:4

Arɩ ŋɩɩ kala, nɩaa dɔnsʋŋ fa bʋla arɩ Taatɩs maga ʋ keri ʋ peniŋ nɛ. Nɩaa deemba fa fugo arɩ ba ma laa Yesu wɩaa dii nɛ a ŋaa la naambiiriŋ. Ba fa kʋ guoli la tʋɔŋ dɩ ba na arɩ laa to Juu tɩŋŋaa naabalɩmaba wombii-la nɛ koo la bɩbaa to. La sɩ laa Yesu Kirisito wɩaa dii ŋɩɩ, ba faa chɛ dɩ ba na ŋɩɩ la sɩ lɩɩsɛ la tɩtɩa Juu tɩŋŋaa naabalɩmaba wombiiŋ lɛ nɛ. Ba fa cho dɩ la to Juu tɩŋŋaa naabalɩmaba wombii-la nɛ a ŋaa yosi ʋ lɛ.