2 Kɔrɩntɩ Nɩaa 11:25 - WƖA TENIŊ

²⁵ Naansɩɩŋ butori nɛ Rom tɩŋŋaa vɩɩrɛmɛ arɩ chɩba. Bʋa kʋbala ma lɛ Juu tɩŋŋaa paa tabɩaa yagɛmɛ dɩ ba kpʋ. Mɩ sɩ jʋʋ lɩɩŋ daborusuŋ a vɩvɛŋ, butori nɛ lɩɩŋ daborusu-la chei lɩɩŋ tʋɔŋ, chɛɛ kʋbala mɩ hɛ lɩɩŋ tʋɔŋ wɩɩhɛyɛ arɩ tɩtaŋɩŋ kala a nɩnɛrɩgɛ dɩ mɩ lɩɩ.

2 Kɔrɩntɩ Nɩaa 11:25 ပူးပေါင်းရင်းမြစ်များ

Matiu 20:19

aŋ kɛmmɛ kaa mʋ hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ. Ba jaŋ mɔmmɛ, a vɩɩrɛmɛ aŋ kpaasɛmɛ mɛrɛ daagɛsɛ nyuŋ, ka dɩ mɩ sii sʋʋŋ lɛ tapʋlaa batori chɛɛŋ.”

Matiu 21:35

Ba kɛŋ dɔŋɔ a ŋmobu, a kpʋ dɔŋɔ, a yagɛ dɔŋɔ arɩ tabɩaa a kpʋʋ.

Tɩntɩŋŋaa 14:19

Dɩ Juu tɩŋŋaa dɔnsʋŋ lɩɩ Antɩɔk, Pisiidia tinteeŋ lɛ, a ma kɔ. Dɔnsʋŋ ma lɩɩ Ikooniam a kɔ. Ba kʋ kɛsɛ nɩalɩŋ pɛ ba tɩtɩa lɛ a yagɛ Pɔɔl arɩ tabɩaa, a kɛnʋ lɛrɛ lɩɩ ba tabal-la tʋɔŋ, a bɩɩnɛ arɩ ʋ sʋba nɛ.

Tɩntɩŋŋaa 14:5

Ŋɩɩ nɛ nɩalɩŋ sɩ bɩ Juu tɩŋŋaa ŋaa arɩ Juu tɩŋŋaa arɩ ba sɩpaalaaraa wʋwalɩmɛ dɩ ba dɔgɩsɛ Pɔɔl arɩ Banabas aa chɛ dɩ ba paa tabɩaa yagɛba.

Tɩntɩŋŋaa 16:33

Tɩtaŋ-la tɩtɩa nɛ nɩtɔɔrɩ dɩa bibennu-la kɛmba a chɛsɛ ba yaraa naawɩɩlaa, ka ba fo ʋ dɩ ʋ dɩa nɩaa kala Wɩɩchʋɔlɛ lɩɩŋ.

Tɩntɩŋŋaa 16:37

Ŋɩɩ nɛ Pɔɔl bʋla pɩ porisi-hɩasɩ-la, “La ŋaa Rom tɩmma nɛ ka ba vɩɩrɛla nɩaa tʋɔŋ, a kɛnla tɔ dɩa aŋ bɩ la sarɩya die a dagɛ wɩɩ-la la sɩ cheye. Ka lɛɛlɛ baa chɛ dɩ la lʋara viiri. Aɩ, la bɩ sɛɩ. Ʋ maga dɩ Rom nɩhɩasɩ-la tɩtɩa kɔ daha nɛ a kʋ lɩɩsɛla.”

Tɩntɩŋŋaa 22:24

Ŋɩɩ nɛ Rom laalɩyuoroo kʋhɩaŋ-la bʋl dɩ laalɩyuoro-la kɛŋ Pɔɔl kaa jʋʋ laalɩyuoroo dɩɩ-duo-la. Ʋ sɩ dɩ ba vɩɩrʋ aŋ pɩɛsa na wɩɩ-la sɩ tɩɩ nɩalɩŋ kala lɩɩ ʋ harɩŋ aŋ ŋɩŋaa goŋ ŋ-la.

1 Timoti 1:19

Chɩŋ wɩalɩŋ ŋ sɩ laa dii lɛ a leŋ dɩ ŋ tʋɔbɩɩnaa chesi. Nɩaa dɔnsʋŋ bɩra bɩ ba tʋɔbɩɩnaa lɛɛ to, ŋɩɩ nɛ tɩɩ ba joŋ wɩalɩŋ ba sɩ laa dii ta.

Hiburu TƖŊŊAA 11:37

Ba yagɛ dɔnsʋŋ arɩ tabɩaa, a kɛŋ dɔnsʋŋ keri balɩa balɩa, aŋ kpʋ dɔnsʋŋ ma arɩ tokobiee. Ba dɔnsʋŋ faa laalɛ piesee arɩ bʋʋnaa jɛŋŋɛɛ nɛ, a ŋaa summo. Ba to naasɩŋ dɔgɩsɛba, ba na hɛɛŋ.