2 Kɔrɩntɩ Nɩaa 11:23 - WƖA TENIŊ

²³ Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 11:23 ပူးပေါင်းရင်းမြစ်များ

JƐRƖMAAYA 36:5

Ŋɩɩ nɛ Jɛrɩmaaya bʋla pɩ Baruk, “Ba pɔ mɩ bɩra sɩ́ La TƖƖNA dɩɩ-bal-la jʋʋ nɛ.

Tɩntɩŋŋaa 14:19

Dɩ Juu tɩŋŋaa dɔnsʋŋ lɩɩ Antɩɔk, Pisiidia tinteeŋ lɛ, a ma kɔ. Dɔnsʋŋ ma lɩɩ Ikooniam a kɔ. Ba kʋ kɛsɛ nɩalɩŋ pɛ ba tɩtɩa lɛ a yagɛ Pɔɔl arɩ tabɩaa, a kɛnʋ lɛrɛ lɩɩ ba tabal-la tʋɔŋ, a bɩɩnɛ arɩ ʋ sʋba nɛ.

Tɩntɩŋŋaa 20:23

Mɩ ta jɩŋ nɛ arɩ taŋ-na kala lɛ mɩ sɩɩ mʋ, Wɩa Dɩŋ-zɔmʋŋ yie bʋla pɩmɛ sɩɩfɩɛsɩŋ arɩ wɩaa jaŋ jʋʋmɛ, dɩ ba kɛmmɛ tɔ dɩa ma.

Tɩntɩŋŋaa 21:11

Ʋ kɔ la teeŋ a laa Pɔɔl damɛrɛ a kaa vɔɔ ʋ tɩtɩa naasɩŋ arɩ ʋ nɩsaa aŋ bʋl, “Ŋ-la nɛ Wɩa Dɩŋ-zɔmʋŋ bʋl: ‘Juu tɩŋŋaa jaŋ kɛŋ damɛrɛ deeŋ tɩɩna a vɔbʋ ŋ-la Jerusalɛm lɛ, a joŋu hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ.’ ”

Tɩntɩŋŋaa 25:14

Ba sɩ hɛ nɩmɛ a dieni, Fɛsɩtɔs bʋl Pɔɔl wɩaa kala a pɩba. Ʋ sɩ, “Baal kʋbala nɛ hɛ daha, Fɛlɩs nɛ kɛnʋ kaa tɔ dɩa.

Tɩntɩŋŋaa 27:1

Ŋɩɩ nɛ ba vʋʋrɛ dɩ la jʋʋ lɩɩŋ daboro a mʋ Ɩtalɩ tinteeŋ. Ba joŋ Pɔɔl hɛ laalɩyuoroo kʋhɩaŋ kʋbala ba sɩɩ yɩrɛ Julias nɩsɩŋ lɛ a pɛ nɩalɩŋ dɔnsʋŋ ba sɩ kaa tɔ bɩnɩŋ dɩa lɛ. Julias lɩɩ Rom nɛ, a fa ŋaa Rom kuoru-balɩŋ laalɩyuoroo kʋhɩaŋ.

Tɩntɩŋŋaa 28:16

La sɩ yi Rom, ba pɩ Pɔɔl wombiiŋ dɩ ʋ jʋjʋʋ ʋ dʋndʋŋa dɩa, ka ba ŋaa laalɩyuoru kʋbala bibenu.

Tɩntɩŋŋaa 28:30

Pɔɔl hɔŋ Rom lɛ jɩsɩŋ balɩa, a laa dɩa a jʋjʋʋ. Nʋʋ na-kala sɩ kɔ dɩ ʋ naʋ, ʋ yie kɛnʋ woruŋ nɛ.

Tɩntɩŋŋaa 9:16

Mɩ nɛ jaŋ dagʋ hɛɛŋ magɛ ŋɩɩ ʋ sɩ jaŋ na a tɩŋ mɩ wɩaa.”

Rom Tɩŋŋaa 8:36

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “A tɩŋ ŋ wɩaa, laa gbɛrɛ sʋʋŋ nɛ tapʋlɩɩ-na kala. Ba yie benla arɩ la nagɛ piesee nɛ ba sɩ kaa lɩɩ dɩ ba kpʋ.”

1 Kɔrɩntɩ Nɩaa 15:10

Ama Wɩa dii zile mɩ lɛ woruŋ. Ʋ nɛ leŋe mɩ ŋaa nʋʋ lɛɛlɛ, ʋ zile ma bɩ pɛɩ ŋaa, ama mɩ nɛ faasa tɩŋ kɩŋkɛŋ, a kɩɩ ba kala. Mɩ tɩtɩa doluŋ lɛ dee mɩ wuo tɩtɩŋ, ama Wɩa dol-la ʋ sɩ joŋo pɩmɛ nɛ tɩɩ.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 4:1

Ma sɩɩ benla ŋɩɩ, ʋ maga dɩ nʋʋkala jɩŋ arɩ la ŋaa Kirisito tɩntɩnnaa nɛ. Wɩa joŋ ʋ wɩalɩŋ fa sɩ faa a hɛ la nɩsɩŋ lɛ nɛ.

1 Kɔrɩntɩ Nɩaa 4:11

Naabʋɔsʋŋ deemba lɛ losuŋ arɩ lɩɩnyʋasʋŋ kɛnla nɛ, la laalɛ gɛrɩ-kɔsʋmɔɔ, ba ŋmuŋmoola, la gɔllɔ bɩbaarɛ.

1 Kɔrɩntɩ Nɩaa 4:9

Ʋ naga mɩ-na teeŋ arɩ Wɩa joŋ la nɩalɩŋ sɩ ŋaa ʋ nanzɔɔba la nagɛ dansarɩkaba ba sɩ lɩɩsa nɩaa tʋɔŋ ba pʋɔla tuto harɩŋ dɩ ba kaa mʋ kpʋ nɛ. Ba tʋɔsɛla a kaa kʋ lɩɩ, dɩ dʋnɩa nɩaa arɩ Wɩa tɩndaaraa nala a huurila nɛ.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 11:5

Mɩ bɩɩna nɩaa deemba sɩ joŋ ba tɩtɩa arɩ ba nɛ ŋaa Yesu nanzɔɔba a kɩɩ nʋʋkala, ba bɩ mɩ lɛ kpɩa.

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

2 Kɔrɩntɩ Nɩaa 4:11

A tɩŋ Yesu wɩaa, la sɩ hɛ mɩɩsɩŋ deeŋ lɛ, nɩaa yie kɛnla dɩ ba kpʋla nɛ. Ʋ ŋɩɩ ŋaa dɩ mɩɩsɩ-la Yesu sɩ kɛnɛ, dɩ la ma kɛnʋ nɛ.

2 Kɔrɩntɩ Nɩaa 6:9

Nuhuobiinee bɩ la jɩŋ, ama Wɩa-na jɩŋ-la nɛ. Nɩaa bɩɩna arɩ la sʋba nɛ, ama Wɩa teeŋ la weye nɛ. Baa dɔgɩsɛla nɛ, ama ba bɩ la kpʋa.

Galiisia Nɩaa 6:17

A lɩɩ jɩnɩŋ a kaa mʋmʋ, nʋʋkala bɩra sɩ́ mɩ walɩmʋ. Fʋfʋʋnʋ-la mɩ sɩ kɛnɛ mɩ yaraa lɛ, ba nɩɩ dagʋ arɩ mɩ ŋaa Yesu nʋʋ nɛ.

Ɛfɛsɩs Nɩaa 3:1

Ba kɛŋ mɩ-na Pɔɔl tɔ dɩa a tɩŋ Kirisito Yesu wɩaa nɛ. Mɩ bɩra hɛ sarɩka lɛ a tɩŋ ma ma nɩalɩŋ sɩ bɩ Juu tɩŋŋaa ŋaa wɩaa nɛ. Ŋɩɩ wɩaa nɛ tɩɩ mɩ yie sʋl Wɩa pɩpɩma.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Ɛfɛsɩs Nɩaa 6:20

Mɩ sɩɩ bʋl Kirisito wʋzɔmɔ-la aa pɩ nɩaa ŋɩɩ, ŋɩɩ nɛ tɩɩ ba kɛmmɛ kaa hɛ chɔrʋmɔɔ. Má sʋl Wɩa pɩmɛ dɩ mɩ wuo bʋl Wɩa wɩaa arɩ nyuduoŋ, arɩ ŋɩɩ sɩ maga dɩ mɩ bʋl ŋɩɩ.

Fɩlɩpa Nɩaa 1:13

Laalɩyuoro-la kala sɩɩ pɔ kuoru dɩa arɩ nʋʋkala jɩma arɩ Kirisito wɩaa nɛ tɩɩ ba kɛmmɛ kaa tɔ dɩa.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

1 Tɛsalonaaka Nɩaa 3:2

La tɩŋ la naambie Timoti dɩ ʋ kʋ nama. Ʋ ŋaa la naambii nɛ, a ŋaa la tɩntɩnnɩ dɔŋ ma, a bʋl Wɩa wʋzɔmɔ-la sɩ tɩgɛ Kirisito lɛ a pɩpɩ nɩaa. La tɩmʋ dɩ ʋ kʋ bʋl wɩaa a nyaasɛ ma nyuŋ dɩ ma chɩŋ wɩalɩŋ ma sɩ laa dii lɛ woruŋ,

1 Timoti 4:6

Dɩ ŋ nɛ joŋ wɩaa deemba a dagɛ ŋ dɔnsʋŋ tɩŋŋaa sɩ laa Yesu wɩaa dii, ŋ jaŋ ŋaa Kirisito Yesu tɩntɩnnɩ-zɔŋ. Ŋɩɩ jaŋ dagɛ arɩ ŋ waa nɛ wʋtɩtɩɩ-la la sɩ laa dii lɛ, arɩ wʋzɔmɔ-la la sɩ dagɩŋ ŋ to lɛ.

2 Timoti 1:16

Ama baal-la ba sɩɩ yɩrɛ Ɔnɩɩsɩfɔrɔs, ʋ nɛ pɛ mɩ lɛ woruŋ a ŋaa mɩ nyuŋ faasa nyaasɛ. Ba sɩ kɛmmɛ kaa tɔ dɩa ŋɩɩ, hɩɩsɩŋ fa bɩ ʋ kɛnɛ a tɩŋ mɩ wɩaa. La Tɩɩna Wɩa jaŋ fá ʋ dɩ ʋ dɩa nɩaa nenige.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

2 Timoti 2:9

A tɩŋ Yesu wʋzɔmɔ-la wɩaa, mɩ na hɛɛŋ nɛ. Ba vɔɔmɛ arɩ chɔrʋmɔɔ nɛ, a nagɛ mɩ ŋaa nɩbɔŋ nɛ. Ama ba bɩ Wɩa niiŋ wɩaa-na vɔbɔ.

2 Timoti 3:11

Ŋ jɩŋ ŋɩɩ ba sɩ to naasɩŋ dɔgɩsɛmɛ nɛ arɩ ŋɩɩ mɩ sɩ na hɛɛŋ. Ŋ jɩŋ ŋɩɩ mɩ sɩ na hɛɛŋ nɛ Antɩɔk arɩ Ikooniam arɩ Lisita tinteeŋ kala lɛ, ba sɩ to naasɩŋ dɔgɩsɛmɛ ŋɩɩ nɛ, ka mɩ nyalɩmɛ. Ama mɩ Tɩɩna Wɩa lɩɩsɛmɛ nɛ ba kala lɛ.

Fɩlɩmɔŋ 1:9

Ama a tɩŋ mɩ sɩ choŋ wɩaa, mɩ jaŋ sʋlʋŋ dɩ ŋ ŋaa wɩɩ-la. Mɩ-na Pɔɔl nɛ paala chɩŋ Yesu Kirisito naasɩŋ lɛ aŋ lɛɛlɛ hɛ sarɩka lɛ a tɩŋ ʋ wɩaa.

Hiburu TƖŊŊAA 10:34

Ma fa nɩalɩŋ ba sɩ kaa tɔ dɩa Yesu wɩaa bunso nɛ. Ba sɩ fʋga laa ma kɩaa, ma sɛɩ wɩɩ-la arɩ tʋɔtɔrʋŋ, bɛɛ wɩaa ma jɩma arɩ ma kɛŋ kɩalɩŋ sɩ zɔmɔ kɩɩ dʋnɩa deeŋ kɩaa nɛ. Kɩalɩŋ-na jaŋ hɛ nɩmɛ deeŋ deeŋ.