2 Kɔrɩntɩ Nɩaa 11:18 - WƖA TENIŊ

¹⁸ Nɩaa yʋga a bibigisi ba tɩtɩa lɛ a tɩŋ dʋnɩa kɩaa wɩaa. Ŋɩɩ wɩaa mɩ ma jaŋ bigisi mɩ tɩtɩa lɛ.

2 Kɔrɩntɩ Nɩaa 11:18 ပူးပေါင်းရင်းမြစ်များ

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

2 Kɔrɩntɩ Nɩaa 1:17

Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ?

2 Kɔrɩntɩ Nɩaa 11:12

Mɩ sɩɩ tɩŋ mɩ tɩntɩŋŋaa aŋ bɩ kʋŋkala ka chɛ ma teeŋ ŋɩɩ, mɩ ha jaŋ ŋɩŋaa ŋɩɩ. Mɩ bɩ chɛ dɩ nɩalɩŋ sɩ sɩ ba ŋaa Yesu nanzɔɔba nɛ sɩ wuo na wombiiŋ a bibigisi ba tɩtɩa lɛ arɩ la dɩ ba kala to wɛŋ-bala a tɩtɩŋ tɩntɩŋŋaa.

2 Kɔrɩntɩ Nɩaa 12:1

Ʋ maga mɩ sɩ bigisi mɩ tɩtɩa lɛ, arɩ ŋɩɩ sɩ bɩ jaŋ pɛ mɩ lɛ ma, ama mɩ ha jaŋ bigisi mɩ tɩtɩa lɛ a bʋl wɩalɩŋ Wɩa sɩ leŋe mɩ na a nagɛ duosoo tʋɔŋ, arɩ wɩalɩŋ ʋ sɩ joŋo dagɛmɛ.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

1 Pɩɩta 1:24

Ba ŋmʋnsɛ Wɩa teniŋ tʋɔŋ a bʋl, “Nuhuobiine kala nagɛ yaŋ nɛ. Ba tʋla ma kala nagɛ ya-fɩɩlaa. Yaŋ-la yie hɩl, ya-fɩɩla-la ma yuori.