2 Kɔrɩntɩ Nɩaa 11:12 - WƖA TENIŊ

¹² Mɩ sɩɩ tɩŋ mɩ tɩntɩŋŋaa aŋ bɩ kʋŋkala ka chɛ ma teeŋ ŋɩɩ, mɩ ha jaŋ ŋɩŋaa ŋɩɩ. Mɩ bɩ chɛ dɩ nɩalɩŋ sɩ sɩ ba ŋaa Yesu nanzɔɔba nɛ sɩ wuo na wombiiŋ a bibigisi ba tɩtɩa lɛ arɩ la dɩ ba kala to wɛŋ-bala a tɩtɩŋ tɩntɩŋŋaa.

2 Kɔrɩntɩ Nɩaa 11:12 ပူးပေါင်းရင်းမြစ်များ

JOB 23:13

Ama dɩ Wɩa nɛ chɩna dɩ ʋ ŋaa wɩɩ, nʋʋkala bɩ ʋ wuo kaa bɩrɩmɛ. Ʋ yie ŋaa wɩɩ-la kala ʋ sɩɩ chɛ nɛ.

Matiu 26:16

A chɩŋ bʋa-la lɛ Judas suomo chɩchɛ wombiiŋ ʋ sɩ jaŋ to a kɛŋ Yesu yallɛ a pɩba.

1 Kɔrɩntɩ Nɩaa 5:6

Ma sɩɩ bigisi ma tɩtɩa lɛ ŋɩɩ, ʋ ŋɩɩ bɩ zɔŋ. Ma bɩ jɩŋ arɩ sɩbʋrʋŋ mʋa nɛ ba yie joŋo hɛ boroboro munuŋ lɛ, ka ʋ sii pʋɔrɛ a yʋgɛɛ?

1 Kɔrɩntɩ Nɩaa 9:12

Dɩ ma nɩɩ pɩ nɩaa dɔnsʋŋ kɩaa deemba, ʋ bɩ maga dɩ ma faasa pɩla a kɩɩbaa? Ama la-na bɩ ŋɩɩ joŋo ʋ ŋaa fʋgʋna, dɩ la sɩ́ wɩɩkala ŋaa kɛrɛ Wɩa wʋzɔmɔ-la sɩ tɩgɛ Kirisito wombiiŋ lɛ.

2 Kɔrɩntɩ Nɩaa 1:17

Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ?

2 Kɔrɩntɩ Nɩaa 10:17

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

2 Kɔrɩntɩ Nɩaa 11:18

Nɩaa yʋga a bibigisi ba tɩtɩa lɛ a tɩŋ dʋnɩa kɩaa wɩaa. Ŋɩɩ wɩaa mɩ ma jaŋ bigisi mɩ tɩtɩa lɛ.

2 Kɔrɩntɩ Nɩaa 11:9

Bʋa-la lɛ mɩ fa sɩ hɛ ma teeŋ, dɩ mɩ nɩɩ chɛ kʋŋkala, mɩ ha bɩ ma kʋŋkala baŋŋaa lɛ kɛnɛ. La naambiiri-la sɩ hɛ Masidoonia tinteeŋ lɛ nɛ faa pɩmɛ kɩalɩŋ kala mɩ sɩɩ chɛ. Mɩ fa bɩ chɛ dɩ mɩ ŋaa chʋga kʋŋkala ma lɛ. Mɩ saa bɩ chɛ dɩ mɩ ŋaa chʋga ma kʋŋkala lɛ.

2 Kɔrɩntɩ Nɩaa 5:12

Ŋɩɩ nɛ tɩɩ la bɩ chɛ dɩ la dagɛ la tɩtɩa ma teeŋ, ama laa chɛ dɩ ma bʋl wʋtɩtɩɩ-la ma sɩ jɩma a mʋ tɩgɛ la lɛ, dɩ ŋɩɩ leŋ dɩ ma wuo bʋl wɩaa pɩ nɩalɩŋ sɩɩ bigisi nɩaa yaraa wʋŋaalaa lɛ aŋ bɩ ŋɩɩ ba tʋɔŋ sɩ nagɛ Wɩa teeŋ chɩla.

Galiisia Nɩaa 1:7

Wʋtɩtɩɩ nɛ, Wɩa wombii dɔŋ kala bɩra tuo a pɛ kʋ-la la sɩ dagɛma lɛ. Mɩ bʋl wɩɩŋ deeŋ, bɛɛ wɩaa nɩaa yʋga a hɛ nɩmɛ aa walɩmɛma a chɩchɛ dɩ ba kɛŋ Kirisito wʋzɔmɔ-la kaa bɩrɩmɛ.

1 Timoti 5:14

Ŋɩɩ wɩaa, mɩ jaŋ bʋl dɩ yo-haala-la sɩ ŋaa hantolibiisiŋ, dɩ ba jaa balaba a lʋlʋl biiriŋ a bibemba, a tɩtɩŋ ba dɩa tɩntɩŋŋaa. Dɩ ba nɛ ŋaa ŋɩɩ, la dʋndɔmɔ Sɩtaanɩ bɩ jaŋ wuo na wombiiŋ a bʋl wʋbɔŋ kala a tɩgɛ la lɛ.