2 Kɔrɩntɩ Nɩaa 11:10 - WƖA TENIŊ

¹⁰ Mɩ kɛŋ Kirisito wʋtɩtɩɩ-la nɛ. Nʋʋkala tuo Akaaya tinteeŋ lɛ sɩ jaŋ bʋl dɩ mɩ sɩ́ mɩ tɩtɩa lɛ bigisu wɩɩŋ deeŋ lɛ.

2 Kɔrɩntɩ Nɩaa 11:10 ပူးပေါင်းရင်းမြစ်များ

Tɩntɩŋŋaa 18:12

Bʋa-la lɛ baal kʋbala baa yɩrɛ Galio nɛ fa chɩŋ Rom kuoru balɩŋ naasɩŋ lɛ aa beŋ Giriisi tinteeŋ. Ŋɩɩ nɛ Juu tɩŋŋaa sii hɛ dɔŋɔ a kɛŋ Pɔɔl kaa mʋ ba sarɩya dɩ-diiliŋ.

Tɩntɩŋŋaa 18:27

Ŋɩɩ nɛ Apɔlɔs chɩchɛ dɩ ʋ mʋ Giriisi tinteeŋ. Nɩalɩŋ sɩ laa Yesu wɩaa dii Ɛfɛsɩs lɛ pɛ ʋ lɛ a ŋmʋnsɛ teniŋ a pɩ nɩalɩŋ sɩ laa Yesu wɩaa dii Giriisi lɛ, a bʋla pɩba dɩ ʋ nɛ kɔ, ba kɛnʋ woruŋ. Ʋ sɩ mʋ yi nɩmɛ, nɩalɩŋ sɩ laa Yesu wɩaa dii Wɩa lahɔrɩmɔ lɛ, ʋ chaasa pɛ ba lɛ.

Rom Tɩŋŋaa 1:9

Wɩa mɩ sɩ tɩmaa pa arɩ mɩ tʋɔ-bala aa bʋl ʋ Bie wʋzɔmɔ-la, ʋ nɛ ŋaa mɩ pɛ-naara bʋa na-kala lɛ dɩ mɩ nɩɩ chʋɔlʋ, mɩ yie liliisi ma wɩaa nɛ.

Rom Tɩŋŋaa 16:5

Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ.

Rom Tɩŋŋaa 9:1

Mɩ sɩɩ chɛ dɩ mɩ bʋl wɩɩ-la ŋaa wʋtɩtɩɩ nɛ. Mɩ sɩ ŋaa Kirisito nʋʋ ŋɩɩ, mɩ bɩ wɩaa nyɩɛ. Wɩa Dɩŋ-zɔŋ-la sɩɩ beŋ mɩ tʋɔbɩɩnaa ŋɩɩ, ʋ ma leŋe mɩ jɩŋ arɩ mɩ bɩ wɩaa ka nyɩɛ.

1 Kɔrɩntɩ Nɩaa 16:15

Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri,

2 Kɔrɩntɩ Nɩaa 1:1

Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

2 Kɔrɩntɩ Nɩaa 1:23

Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma.

2 Kɔrɩntɩ Nɩaa 10:15

La bɩ la tɩtɩa lɛ bigise a tɩŋ tɩntɩmɩɩ-la nɩaa dɔnsʋŋ sɩ tɩma kieli ŋɩɩ Wɩa sɩ kere pɩla lɛ. La kɛŋ yɩɛlaa arɩ ma jaŋ waa wɩalɩŋ ma sɩ laa dii lɛ, dɩ tɩntɩmɩɩ-la la sɩɩ tɩŋ ma teeŋ ma pʋŋa pɛ. Ama la jaŋ tɩma magɛ ŋɩɩ Wɩa sɩ kere pɩla.

2 Kɔrɩntɩ Nɩaa 11:12

Mɩ sɩɩ tɩŋ mɩ tɩntɩŋŋaa aŋ bɩ kʋŋkala ka chɛ ma teeŋ ŋɩɩ, mɩ ha jaŋ ŋɩŋaa ŋɩɩ. Mɩ bɩ chɛ dɩ nɩalɩŋ sɩ sɩ ba ŋaa Yesu nanzɔɔba nɛ sɩ wuo na wombiiŋ a bibigisi ba tɩtɩa lɛ arɩ la dɩ ba kala to wɛŋ-bala a tɩtɩŋ tɩntɩŋŋaa.

2 Kɔrɩntɩ Nɩaa 11:31

Wɩa sɩ ŋaa La Tɩɩna Yesu Nyɩmma, ʋ yɩrɩŋ jaŋ yɩrɛ deeŋ deeŋ. Ʋ jɩma arɩ mɩ bɩ wɩaa nyɩɛ.

2 Kɔrɩntɩ Nɩaa 12:19

Wɩalɩŋ kala la sɩɩ bʋl, ma jaŋ bɩɩnɛ arɩ laa bʋl ŋɩɩ dɩ la laa la tɩtɩa ma teeŋ nɛ. Ŋɩɩ dee. La hɛ Kirisito lɛ nɛ aa bʋl wɩalɩŋ Wɩa sɩpaaŋ. Mɩ naambii-kpɩanaba, laa ŋaa wɩaa deemba kala dɩ la wuo pɛ ma lɛ nɛ dɩ ma waa wɩalɩŋ ma sɩ laa dii lɛ.

2 Kɔrɩntɩ Nɩaa 9:2

bɛɛ wɩaa mɩ paala jɩŋ arɩ ma kɛŋ ma tɩtɩa nɛ dɩ ma pɛ ba lɛ. Ŋɩɩ wɩaa nɛ tɩɩ mɩ bigisi ma lɛ a pɩ Wɩa nɩalɩŋ sɩ hɛ Masidoonia tinteeŋ lɛ. Mɩ bʋla pɩba arɩ nɩalɩŋ sɩ hɛ Akaaya tinteeŋ lɛ kɛŋ ba tɩtɩa hɛ dɔŋɔ harɩŋ jɩna-la lɛ nɛ dɩ ba pɛ Wɩa nɩaa lɛ. Ma sɩ fɩɛsɛ sɩɩŋ ŋɩɩ, ma leŋe ba nɩaa jesiŋ kala nɛ cho dɩ ba pɛ a kɩɛsɛ kɩaa pɩpɩ nɩalɩŋ.

Galiisia Nɩaa 1:20

Wɩalɩŋ mɩ sɩ ŋmʋnsaa pɩma, Wɩa jɩma ba ŋaa wʋtɩtɩɩba nɛ. Mɩ bɩ nyɩɛ.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

1 Tɛsalonaaka Nɩaa 2:10

Ma dɩ Wɩa kala ŋaa la sɩada tɩŋŋaa nɛ arɩ la fa sɩ hɛ ma nɩalɩŋ sɩ laa Yesu wɩaa dii teeŋ, la wʋŋaalaa kala fa to Wɩa wombiiŋ nɛ a ŋaa wʋtɩtɩɩba. La bɩ wɩɩkala ŋaa chei.

1 Tɛsalonaaka Nɩaa 2:5

Ma saa jɩma arɩ la sɩ kɔ ma teeŋ, la bɩ nii-sɩma nɛ kaa kɔ. La bɩ kɔ dɩ la bʋl kanfugi wɩaa a laa ma kɩaa. Wɩa nɛ ŋaa la sɩada tɩɩna.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.