2 Kɔrɩntɩ Nɩaa 10:7 - WƖA TENIŊ

⁷ Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 10:7 ပူးပေါင်းရင်းမြစ်များ

Matiu 23:5

Ba yie ŋaa wɩɩkala dɩ nɩaa naba nɛ. Ba yie ŋmʋnsɛ Wɩa niiŋ wɩaa a hɛ teŋ-jalaa lɛ a kaa vʋvɔɔ ba gɛnnɩŋ nɩsaa lɛ arɩ ba nyunchuuluŋ lɛ aŋ leŋ ba gɛnnɩŋ jʋɔsaa ma duomi duomi.

Luuk 16:15

Yesu bʋla pɩba, “Ma nɛ ŋaa nɩdosunu-la sɩ yie chɛ dɩ nɩaa bɩɩnɛ ma kɛŋ wʋtɩtɩɩ nɛ, ama Wɩa jɩŋ ma tʋɔŋ nɛ. Kɩalɩŋ sɩ ŋaa kʋfɩɛma nuhuobiinee teeŋ, ba ŋaa kʋtɔɔnʋ nɛ Wɩa teeŋ.”

Jɔɔŋ 7:24

Dɩ nʋʋ nɛ ŋaa wɩɩ, má sɩ́ guu joŋ cheeriŋ pʋ a tɩŋ ma sɩ bɩɩna arɩ ʋ bɩ woruŋ ŋaa wɩaa. Má beŋ wɩɩ-la tʋɔŋ a jɩŋ ʋ wʋtɩtɩɩ, aŋ-na joŋ cheeriŋ pʋ.”

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 14:37

Dɩ nʋʋ nɛ bɩɩna arɩ ʋ ŋaa Wɩa wʋlaabʋllʋ nɛ koo dɩ ʋ kɛŋ kɩalɩŋ Wɩa Dɩŋ-zɔŋ-la sɩ joŋo dii zile la lɛ, ʋ maga dɩ ʋ tɩɩna jɩŋ arɩ wɩɩŋ deeŋ mɩ sɩɩ bʋl lɩɩ Wɩa teeŋ nɛ.

1 Kɔrɩntɩ Nɩaa 15:23

Ama la kala kɛŋ bʋa-la lɛ Wɩa sɩ jaŋ chɩsɛla sʋʋŋ lɛ nɛ. Kirisito nɛ Wɩa laa sɩpaaŋ chɩsɛ sʋʋŋ lɛ. Dɩ ʋ nɛ mɩɩra kɔ, nɩalɩŋ sɩ ŋaa ʋ nɩaa, Wɩa jaŋ chɩsɛ ba ma sʋʋŋ lɛ.

1 Kɔrɩntɩ Nɩaa 3:23

Kirisito nɛ tɩɩma, Wɩa ma nɛ tɩɩ Kirisito.

1 Kɔrɩntɩ Nɩaa 9:1

Ma sɩ namɛ ŋɩɩ, mɩ bɩ mɩ tɩtɩa tɩɩ? Mɩ bɩ Wɩa nanzɔɔ ŋaa? Mɩ ha bɩ Yesu La Tɩɩna naa? Ma sɩ laa wɩalɩŋ dii bɩ daga arɩ mɩ tɩma pɩ La Tɩɩna nɛɛ?

2 Kɔrɩntɩ Nɩaa 10:1

Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 11:18

Nɩaa yʋga a bibigisi ba tɩtɩa lɛ a tɩŋ dʋnɩa kɩaa wɩaa. Ŋɩɩ wɩaa mɩ ma jaŋ bigisi mɩ tɩtɩa lɛ.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 11:4

Mɩɩ bʋl ŋ-la, bɛɛ wɩaa dɩ nʋʋ dɔŋ nɛ bɩra kɔ ma teeŋ a bʋl wʋtanɩɩ a mʋ tɩgɛ Yesu wɩalɩŋ la sɩ bʋla pɩma lɛ, ma yie laa dii nɛ. Dɩ ba nɛ bɩra bʋl dɩŋ-wogo ma wɩaa sɩ tuo Wɩa Dɩŋ-zɔmʋŋ ma sɩ laa, ma yie sɛɩ nɛ. Dɩ ba nɛ bɩra bʋl wʋwogo ma sɩ tuo Wɩa wʋzɔmɔ-la la sɩ bʋla pɩma, ma yie chagɛ laa nɛ lɩma lɩma.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

2 Kɔrɩntɩ Nɩaa 13:3

Maa chɛ dɩ ma jɩŋ arɩ Kirisito hɛ mɩ lɛ nɛ a bʋbʋl wɩaa. Kirisito bɩ puwuol ŋaa, ʋ kɛŋ doluŋ nɛ ma lɛ, a wuoma ma wɩɩkala lɛ.

2 Kɔrɩntɩ Nɩaa 5:12

Ŋɩɩ nɛ tɩɩ la bɩ chɛ dɩ la dagɛ la tɩtɩa ma teeŋ, ama laa chɛ dɩ ma bʋl wʋtɩtɩɩ-la ma sɩ jɩma a mʋ tɩgɛ la lɛ, dɩ ŋɩɩ leŋ dɩ ma wuo bʋl wɩaa pɩ nɩalɩŋ sɩɩ bigisi nɩaa yaraa wʋŋaalaa lɛ aŋ bɩ ŋɩɩ ba tʋɔŋ sɩ nagɛ Wɩa teeŋ chɩla.

Galiisia Nɩaa 3:29

Dɩ ma dɩ Kirisito nɛ ŋaa kʋbala, ŋɩɩ-na ma ŋaa Abɩraham doho nɩaa nɛ. Wɩa sɩ sɩ ʋ jaŋ ŋaa wɩɩ-la a pɩ Abɩraham, ʋ jaŋ ŋaa pɩ ma ma.

1 Jɔɔŋ 4:6

Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”