2 Kɔrɩntɩ Nɩaa 10:5 - WƖA TENIŊ

⁵ Ba nɛ la kaa yuo dii nɩalɩŋ sɩ kɛŋ nii-doluŋ a kɛŋ wɩaa kaa lɛrɛ, a dɩdagɛ ba tɩtɩa a pɔ dɩ nɩaa sɩ́ kʋ jɩŋ Wɩa. Ba nɛ la yie bɩra wuo kaa kɛŋ nɩaa tʋɔbɩɩnaa kala bɩrɩmɛ baa to Kirisito niiŋ wɩaa.

2 Kɔrɩntɩ Nɩaa 10:5 ပူးပေါင်းရင်းမြစ်များ

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

2 KUOROO 19:22

Kʋbɛɛ nɛ ŋ bɩɩnɛ ŋ tʋʋsa aŋ chichei ŋɩɩ? Kʋbɛɛ nyuŋ nɛ ŋ ŋɩŋaa goŋ arɩ babii-ballɩŋ ŋɩɩ? Iziral tɩŋŋaa Wɩa sɩ bɩ disiniŋ kɛnɛ teeŋ nɛ ŋ ŋɩŋaa wɩaa deembaa?

2 KUOROO 19:28

A tɩŋ ŋ sɩ faasa kɛŋ baaŋ-la arɩ mɩ arɩ babiibal wɩalɩŋ ŋ sɩ bʋla mɩ nɩɩ, lɛɛlɛ mɩ jaŋ joŋ hɛmɩŋ tɔɔ gɩrɩgɛ ŋ mɩɩsɩŋ lɛ, a joŋ mɩ koŋ ma a hɛ ŋ niiŋ. Mɩ jaŋ lɛrɩŋ dɩ ŋ mɩɩra joŋ wombii-la ŋ sɩ to kɔ a mʋ.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

WƖA YƖƖLAA 10:4

Nɩbɔŋŋɔɔ ka dagɛ ba tɩtɩa kɩŋkɛŋ nɛ a vɩa Wɩa, ba bɩ ʋ wɩaa ka liisi.

WƖA YƖƖLAA 139:2

Dɩ mɩ hɔnɔ nɛɛ, dɩ mɩ chɩna nɛɛ, ŋ jɩŋ mɩ wɩɩ wɩɩkala nɛ. Ŋ hɛ dɩ-bolii nɛ, aŋ jɩŋ mɩ tʋɔbɩɩnaa kala.

WƖA YƖƖLAA 18:27

Ŋ laa nɩalɩŋ sɩ kɛŋ ba tɩtɩa muuri a ta nɛ, aŋ kɛŋ nɩalɩŋ sɩɩ bigisi ba tɩtɩa lɛ muuri.

WƖA YƖƖLAA 18:44

Dɩ mɩ nɛ bʋl wɩɩ, ba yie nɩɩ nɛ a to mɩ niiŋ. Tintee-wogusuŋ nɩaa ka kpirimi mɩ sɩpaaŋ nɛ.

MOSIS KƐŊ IZIRAL TƖŊŊAA LƖƖ 5:2

Ŋɩɩ nɛ Ijipiti tinteeŋ kuoro pɩɛsɛ, “Kʋbɛɛ nɛ ŋaa ma TƖƖNA, aa chɛ dɩ mɩ sɛɩ ʋ niiŋ, a leŋ dɩ ma mʋ? Mɩ bɩ ma TƖƖNA jɩŋ, mɩ bɩ jaŋ leŋ dɩ Iziral tɩŋŋaa mʋ.”

NAMAGABA 15:26

La Tɩɩna bɛrɛ nɩbɔŋŋɔɔ tʋɔbɩɩnaa nɛ, ama ʋ tʋɔŋ yie tɔrɛ nɩalɩŋ sɩ kɛŋ tʋɔpʋla nyuŋ nɛ.

NAMAGABA 24:9

Wɩalɩŋ nɩyaara sɩ bɩɩna a ŋɩŋaa, ba ŋaa wʋbɔŋ nɛ, nɩaa bɛrɛ babii-balɩŋ nɛ.

AZAAYA 2:17

Nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

AZAAYA 59:7

Maa ŋaa wʋbɔŋŋɔɔ nɛ bʋa na-kala lɛ, a kpʋkpʋ nɩaa sɩ bɩ wɩɩkala cheye. Ma tʋɔbɩɩnaa kala ŋaa kʋbɔmɔ nɛ. Dɩ ma nɛ mʋ lee-kala, ma yie chei nɩmɛ kala nɛ ʋ pɩŋ jikpeeŋ.

AZAAYA 60:14

Ŋ dʋndɔmɔ-la sɩ dɔgʋsʋŋ doho nɩaa jaŋ kʋ kpirimi ŋ sɩpaaŋ. Nɩalɩŋ kala sɩ kɛnɩŋ ŋmoo gbɛɛŋ jaŋ kʋ gbieni ŋ sɩpaaŋ. Ba jaŋ yɩyɩrɩŋ: ‘La TƖƖNA tabal-la, Zaayɔŋ, Iziral tɩŋŋaa Wɩa sɩ bɩ disiniŋ kɛnɛ jaŋ.’

JƐRƖMAAYA 23:29

Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

ƐZƖKƖƐL 17:24

Tɩɩsɩŋ kala sɩ hɛ baga lɛ jaŋ jɩŋ arɩ mɩ-na ba TƖƖNA jaŋ wuo ŋaa dɩ tɩɩ-duduosuŋ kui, a ŋaa tɩɩ-kuunuŋ ma duomi. Mɩ jaŋ wuo ŋaa tɩɩsɩ-la pɩpaarɩŋ sɩ lɛyɛ hɩl, a ŋaa tɩɩsɩ-la ma pɩpaarɩŋ sɩ hɩla lɛɩ. Mɩ-na ma TƖƖNA nɛ bʋla, mɩ jaŋ ŋaa wɩɩ-la mɩ sɩ bʋla.”

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Luuk 1:51

Ʋ kɛŋ ʋ naduo-la kaa tɩɛnɛ a ŋmoo babiibalaa a ŋaa ba wɩaa kala pugi.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 16:26

ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ.

Rom Tɩŋŋaa 7:23

Ama mɩ na arɩ wʋtanɩɩ nɛ mɩɩra hɛ mɩ lɛ aa tɩŋ, a kɛŋ mɩ tʋɔbɩɩŋ zɔmɔ-la baa yuo dɔŋɔ. Wɩɩŋ deeŋ leŋe mɩ ŋaa wʋbɔŋ-la sɩ hɛ mɩ lɛ yoŋ nɛ a tuto ʋ niiŋ wɩaa lɛ.

1 Kɔrɩntɩ Nɩaa 1:19

Wɩa teniŋ tʋɔŋ ba bʋla dɩ Wɩa sɩ ʋ jaŋ leŋ dɩ wʋjɩnnaa wʋjɩmɩɩ-la ŋaa pɛɩ, dɩ wʋjɩŋ kɩŋkɛŋ tɩŋŋaa wʋjɩmɩŋ ma ŋaa pɛɩ.

1 Kɔrɩntɩ Nɩaa 3:19

Dʋnɩa nɩaa wʋjɩmɩŋ ŋaa pɛɩ nɛ Wɩa teeŋ. Wɩa teniŋ tʋɔŋ ba bʋla, “Wɩa to dʋnɩa nɩaa wʋjɩmɩŋ lɛ nɛ a bɛrɛ kɛsɛba.”

2 Kɔrɩntɩ Nɩaa 11:20

Dɩ nʋʋ ma nɛ kɛmma bɩrɩmɛ ʋ yosuŋ, koo dɩ ʋ nɛ kɛŋ ma kɩaa kala lɩlaa, koo dɩ ʋ nɩɩ gʋrɛma, koo dɩ ʋ nɛ leŋe ma ŋɩŋaa wɩalɩŋ ʋ sɩɩ chɛ, koo ʋ nɛ fallɛma, ma yie tɔrɛ ma niiŋ nɛ.

2 Kɔrɩntɩ Nɩaa 9:13

Kɩalɩŋ ma sɩ joŋo pɩba daga ŋɩɩ ma sɩ naga nɛ. Nɩaa jaŋ yʋgɛ a dɛnnɛ Wɩa, a tɩŋ ma sɩ nɩɩ Wɩa wʋzɔmɔ-la sɩ tɩgɛ Kirisito lɛ a laa dii a tutoba. Ŋɩɩ ma dʋndʋŋa dee, ba jaŋ dɛnnɛ Wɩa a tɩŋ kɩalɩŋ ma sɩ joŋo dii zile, ba dɩ nɩalɩŋ kala lɛ.

MOSIS BƖRA WULLI WƖA WOMBIIŊ 15:9

Dɩ jɩ-pɛɩ-la lɛ ma sɩ jaŋ giri chɩŋŋaa ta nɛ kpaga ma, ka dɩ ma naambiiri-la kʋŋ nɩsɩŋ buo, dɩ ʋ chɩchɛ ʋ chɩŋ kʋŋ ma teeŋ, má sɩ́ tʋɔhɛɛŋ kɛŋ a vɔmʋ. Dɩ ma nɛ vɔmʋ dɩ ʋ yele pɩ La TƖƖNA, ma jaŋ laa cheeriŋ La TƖƖNA teeŋ.

Fɩlɩpa Nɩaa 4:7

Dɩ ma nɩɩ ŋaa ŋ-la, Wɩa jaŋ pɩma ʋ fɩɛl-la sɩ kɩɩ nuhuobiine jɩmɩŋ. Fɩɛl-la jaŋ leŋ dɩ ma tʋɔŋ arɩ ma tʋɔbɩɩnaa kala pɩŋ dɩ-bala, Yesu Kirisito doluŋ lɛ.

2 Tɛsalonaaka Nɩaa 2:4

Ʋ nɛ ŋaa nɩɩ-la sɩ lɩɩ Wɩa harɩŋ a kɛŋ ʋ tɩtɩa a kaa yʋga kɩɩ Wɩa arɩ kʋŋkala nuhuobiine sɩɩ chʋɔlʋ. Ʋ jaŋ jʋʋ hɔŋ Wɩa dɩa tʋɔŋ a bʋl arɩ ʋ nɛ ŋaa Wɩa.

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.