2 Kɔrɩntɩ Nɩaa 10:4 - WƖA TENIŊ

⁴ La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

2 Kɔrɩntɩ Nɩaa 10:4 ပူးပေါင်းရင်းမြစ်များ

WƖA YƖƖLAA 110:2

La Tɩɩna jaŋ leŋ dɩ ŋ kuoruŋ doluŋ kieli Zaayɔŋ, dɩ ŋ yuo dii ŋ dʋndɔmɔ-la sɩ golluŋ.

AZAAYA 30:25

Tapʋlɩɩ-la ba sɩ jaŋ kpʋ ma dʋndɔŋŋɔɔ aŋ yigi ba dɩɩ-duoru-la kala lo, lɩɩŋ jaŋ pɩpɛllɛ peelee arɩ dundolluŋ nyuŋ kala.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 23:29

Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

Tɩntɩŋŋaa 7:22

Ba dagʋ Ijipiti tɩŋŋaa wʋjɩmɩŋ kala. Ʋ wʋŋaalaa arɩ ʋ wʋbʋlaa leŋ ʋ ŋaa nɩbal.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

Rom Tɩŋŋaa 6:13

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

1 Kɔrɩntɩ Nɩaa 2:5

Wɩa ŋaa ŋɩɩ mɩ lɛ dɩ ma na ʋ doluŋ a laa ʋ wɩaa dii, aŋ sɩ́ nuhuobiine wʋjɩmɩŋ lɛ to.

1 Kɔrɩntɩ Nɩaa 9:7

Laalɩyuori bɛɛ nɛ yie chɛ ʋ tɩtɩa tɩntɩnnɩ kɩaa a kaa tɩtɩŋ? Paarɩ bɛɛ nɛ bɩ ʋ tɩtɩa baga kɩaa ka dii? Nɛ-daarɩ bɛɛ nɛ bɩ ʋ tɩtɩa nayɩlɩŋ ka nyʋa?

2 Kɔrɩntɩ Nɩaa 10:8

Dɩ mɩ nɛ faasa bigisi mɩ tɩtɩa lɛ mʋa a mʋ tɩgɛ dol-la Wɩa sɩ joŋo pɩla lɛ, hɩɩsɩŋ bɩ jaŋ kɛmmɛ ŋɩɩ wɩaa, Wɩa joŋo pɩla dɩ la kaa wasɛma nɛ, ʋ bɩ sɩ dɩ la kaa cheima.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

2 Kɔrɩntɩ Nɩaa 3:5

Ʋ ŋɩɩ bɩ naga arɩ tɩntɩmɩɩ-la la sɩɩ tɩŋ, la tɩtɩa kɛŋ ʋ doluŋ nɛ. Wɩa nɛ pɩla doluŋ la tɩtɩŋ.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

1 Timoti 1:18

Mɩ bii, Timoti, mɩɩ chɛ dɩ mɩ bʋl wɩɩ nɛ a pɩŋ. Wɩa wʋlaabʋllaa fa bʋl wɩaa a tɩgɛ ŋ lɛ nɛ. Ŋ nagɛ laalɩyuoru nɛ. Leŋ dɩ wɩalɩŋ ba sɩ bʋla tɩgɛ ŋ lɛ ŋaa ŋ laalɩyuori kɩaa, dɩ ŋ kaa yuo laalɩŋ woruŋ.

2 Timoti 2:3

Ŋ sɩ ŋaa Kirisito Yesu laalɩyuoru sɩ kɛŋ wʋtɩtɩɩ, kɛŋ ŋ tɩtɩa hɛ dɔŋɔ dɩ la dɩŋ kala na hɛɛŋ.

Hiburu TƖŊŊAA 11:30

Iziral tɩŋŋaa fa laa Wɩa wɩaa dii nɛ. Bʋa kʋbala lɛ, ba ŋaa wɩɩ-la Wɩa sɩ dagɛba, a vɛnɛ golli jee-la ba sɩ kɛrɛ taŋ-la ba sɩɩ yɩrɛ Jeriko tapʋlaa balɩpɛ. Ba sɩ ŋaa ŋɩɩ a dɛrɛ, kɛrɛ-la tel wuru.

JOSUA 6:20

Ba sɩ faasa ŋmʋʋ nyilli-la, nɩalɩŋ ma faasa ŋaa goŋ. Ŋɩɩ nɛ Jeriko jebii-la tel. Laalɩyuoro-la guu jʋʋ taŋ-la a yuo diiu.