2 Kɔrɩntɩ Nɩaa 10:2 - WƖA TENIŊ

² Dɩ mɩ nɛ kɔ ma teeŋ, mɩ bɩ jaŋ ŋaa nɩhaa arɩ mɩ fa sɩ bɩɩna dɩ mɩ nagɛ ŋɩɩ nɩaa dɔnsʋŋ lɛ, nɩalɩŋ sɩ bɩɩna arɩ la ŋaa wɩaa a nagɛ dʋnɩa nɩaa sɩɩ ŋaa ŋɩɩ.

2 Kɔrɩntɩ Nɩaa 10:2 ပူးပေါင်းရင်းမြစ်များ

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Rom Tɩŋŋaa 8:4

Ʋ ŋaa ŋɩɩ dɩ la wuo kɛŋ doluŋ nɛ a ŋɩŋaa tʋɔpʋl wɩalɩŋ Mosis fa sɩ bile dɩ nɩaa tuto, la nɩalɩŋ sɩ bɩ la yaraa doluŋ lɛ ka to aŋ tuto Wɩa Dɩŋ-zɔmʋŋ doluŋ lɛ.

Rom Tɩŋŋaa 8:5

Nɩalɩŋ kala sɩɩ to ba yaraa doluŋ lɛ, ba joŋ ba nyuŋ kala a hɛ ba yaraa wʋŋaalaa lɛ nɛ, ama nɩalɩŋ kala ma sɩɩ to Wɩa Dɩŋ-zɔŋ-la doluŋ lɛ, ba ma joŋ ba nyuŋ kala a hɛ Wɩa Dɩŋ-zɔŋ-la sɩ cho wɩalɩŋ lɛ nɛ.

2 Kɔrɩntɩ Nɩaa 1:17

Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ?

2 Kɔrɩntɩ Nɩaa 11:21

Hɩɩsɩŋ kɛmmɛ nɛ mɩ sɩɩ chɛ dɩ mɩ bʋl wɩɩŋ deeŋ. La-na fa bɩ doluŋ kɛnɛ dɩ la ŋaa wɩaa deemba ma lɛ. Ama mɩ haa bʋl wɩaa arɩ nɩyaarɩ nɛ. Dɩ nʋʋ nɩɩ bigisi ʋ tɩtɩa lɛ a tɩŋ wɩɩ wɩaa, mɩ ma jaŋ wuo bigisi mɩ tɩtɩa lɛ a tɩŋ wɩɩ-la wɩaa.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

2 Kɔrɩntɩ Nɩaa 13:2

Mɩ sɩ kɔ ma teeŋ lɩamɩŋ lɛ, mɩ kpʋrɩsɛ nɩalɩŋ sɩ ŋaa wʋbɔŋŋɔɔ arɩ nɩalɩŋ dɔnsʋŋ kala dɩgɩlaa nɛ. Lɛɛlɛ mɩ tuo ma teeŋ, ama mɩ bɩra kpʋrɩsɛ ma dɩgɩlaa nɛ arɩ mɩ nɛ kɔ ma teeŋ torimuŋ lɛ, mɩ bɩ jaŋ taba.