2 Kɔrɩntɩ Nɩaa 10:14 - WƖA TENIŊ

¹⁴ Ma sɩ pɛ lee-la Wɩa sɩ kere pɩla dɩ la bʋl ʋ wɩaa pɩ nɩaa ŋɩɩ, dɩ la nɛ kʋ bʋl wɩaa pɩma la bɩ la tɩtɩa lɛ bigise kieli. La nɛ laa sɩpaaŋ kɛŋ Kirisito wʋzɔmɔ-la kaa kɔ bʋla pɩma.

2 Kɔrɩntɩ Nɩaa 10:14 ပူးပေါင်းရင်းမြစ်များ

Maak 1:1

Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

1 Kɔrɩntɩ Nɩaa 2:10

Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa.

1 Kɔrɩntɩ Nɩaa 3:10

Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

1 Kɔrɩntɩ Nɩaa 4:15

Dɩ ma nɛ kɛŋ sɩpaalaaraa sɩɩ dagɛma Kirisito wɩaa, dɩ ba nɛ ŋaa bʋɩ fii ma, ma nyɩmmaba dee ŋɩɩ. Mɩ nɛ ŋaa ma nyɩmma Yesu Kirisito lɛ, bɛɛ wɩaa mɩ nɛ bʋl Wɩa wʋzɔmɔ-la a pɩma.

2 Kɔrɩntɩ Nɩaa 2:12

Mɩ sɩ kɔ Tʋrɔwas tinteeŋ dɩ mɩ bʋl Kirisito wʋzɔmɔ-la a pɩba, La Tɩɩna suri wombiiŋ pɩmɛ nɛ,

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

1 Timoti 1:11

Wɩalɩŋ mɩ sɩ dagɛma lɩɩ Wɩa sɩ kɛŋ tʋla wʋzɔmɔ-la tʋɔŋ nɛ, ʋ sɩ joŋo pɩmɛ dɩ mɩ bʋla pɩma. Wɩa nɛ kɛŋ yɩrɩŋ.