2 Kɔrɩntɩ Nɩaa 10:13 - WƖA TENIŊ

¹³ La bɩ jaŋ faasa bigisi la tɩtɩa lɛ a kieli, ama la jaŋ bigise magɛ tɩntɩmɩɩ-la Wɩa sɩ joŋo pɩla lɛ nɛ, tɩntɩmɩɩ-la nɛ la tɩma kʋ yi ma ŋɩɩ.

2 Kɔrɩntɩ Nɩaa 10:13 ပူးပေါင်းရင်းမြစ်များ

WƖA YƖƖLAA 19:4

Ama ba wʋbʋlaa ka yi dʋnɩa lee-kala nɛ. Dʋnɩa nʋʋkala nɛ nɩɩ ba yikoro. Wɩa hɛ lɛbɩŋ nɛ wɩa-nyuŋ a pɩ wɩɩpɔsʋŋ ʋ jʋjʋʋ.

NAMAGABA 25:14

Nɩalɩŋ sɩ yie hɛ niiŋ pɩ nɩaa arɩ ba jaŋ ŋaa wɩɩ pɩba aŋ bɩ ŋaa, ba nagɛ duonuŋ sɩ tɩna aŋ ŋaa peliŋ a bɩ nɩa nɛ.

AZAAYA 28:17

Mɩ jaŋ leŋ dɩ wʋtɩtɩɩ nɛ ŋaa naaderi-la ba sɩ kaa bil ʋ gentine, aŋ ka dɩ tʋɔpʋla ma nɛ ŋaa kʋ-la sɩ jaŋ kɛnʋ tʋraa kɩɩ.” Duoŋ-tabɩaa nɛ jaŋ yɛrɛ wʋnyɩɛrʋ-la ma sɩ joŋ ma yɩɛlaa hɛ lɛ, ka dɩ lɩɩŋ ma pɛllɛ paa lee-la ma sɩ faa ʋ pʋpɔma.

Matiu 25:15

Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la.

Rom Tɩŋŋaa 10:18

Ama mɩ jaŋ pɩɛsɛ wɩɩŋ deeŋ: Ba bɩ Wɩa wʋzɔmɔ-la nɩaa? Ba nɩa nɛ. Ba ŋmʋnsɛ Wɩa teniŋ tʋɔŋ a tɩgɛ Wɩa wʋzɔmɔ-la lɛ a bʋl, “Ba bʋl wɩaa deemba dʋnɩa lee-kala nɛ. Dʋnɩa nʋʋkala nɛ nɩɩ wɩaa deemba.”

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

Rom Tɩŋŋaa 12:6

Wɩa pɩla kʋŋkala doluŋ nɛ dɩ la kaa tɩŋ tɩntɩŋ dabaŋ dabamba. Ʋ saa lɩɩ ŋɩɩ lɛ Wɩa sɩ dii zile la lɛ nɛ. Dɩ Wɩa nɛ pɩ nʋʋ doluŋ dɩ ʋ wuo bʋl ʋ wɩaa pɩpɩ nɩaa ʋ Dɩŋ-zɔmʋŋ doluŋ lɛ, má leŋ dɩ ʋ magɛ laa diine-la Wɩa sɩ joŋo pʋ lɛ.

Rom Tɩŋŋaa 15:20

Mɩ kɛŋ mɩ tʋɔŋ lɛ bʋa na-kala dɩ mɩ mʋ bʋl Wɩa wʋzɔmɔ-la lee-na kala nɩaa ha sɩ bɩ Kirisito wɩaa nɩa. Mɩ bɩ chɛ dɩ mɩ mʋ lee-la nɩaa sɩ laa sɩpaaŋ mʋ a bʋl Wɩa wɩaa.

1 Kɔrɩntɩ Nɩaa 12:11

Tɩntɩŋ-dosunuŋ deemba kala lɩɩ Wɩa Dɩŋ-zɔŋ-la teeŋ nɛ. Ʋ tɩtɩa tʋɔtɔrʋŋ lɛ nɛ ʋ to a joŋ kʋ-dosunuŋ deemba a pɩ nʋʋkala arɩ ŋɩɩ ʋ sɩ cho.

Ɛfɛsɩs Nɩaa 4:7

Kirisito joŋ kɩaa dii zile la kʋŋkala lɛ nɛ a magɛ ŋɩɩ ʋ sɩɩ chɛ.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.