2 Kɔrɩntɩ Nɩaa 10:1 - WƖA TENIŊ

¹ Mɩ-na Pɔɔl tɩtɩa nɩɩ chɛ dɩ mɩ bʋl wɩɩ pɩma. Mɩɩ sʋlma a tɩŋ Kirisito wɩaa, nɩɩ-la sɩaa sɩ fɩɛla, ka ʋ kɛŋ kenyiri ma. Nɩaa dɔnsʋŋ sɩ, dɩ mɩ nɛ hɛ ma teeŋ, mɩ yie pʋɩ nɛ gbɛlɛ gbɛlɛ, ama dɩ mɩ tuo ma teeŋ, mɩ nyuŋ duori weŋgem.

2 Kɔrɩntɩ Nɩaa 10:1 ပူးပေါင်းရင်းမြစ်များ

WƖA YƖƖLAA 45:4

To ŋ ballɩŋ lɛ a yuo dii a leŋ wʋtɩtɩɩ arɩ tʋɔpʋl wʋŋaalaa chɩŋ, dɩ nɩaa kɛŋ ba tɩtɩa muuri. Leŋ dɩ ŋ naduo-la ŋaa wʋkpuŋkperisiŋ.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 11:29

Má laa mɩ chʋga a chʋŋ aŋ gʋnnɛ mɩ teeŋ, bɛɛ wɩaa mɩ kɛŋ mɩ tɩtɩa muuri nɛ, mɩ sɩaa ma fɩɛlɛ. Dɩ ma nɛ ŋaa ŋɩɩ, ma jaŋ na wiese.

Matiu 21:5

Ʋ fa sɩ, “Má bʋla pɩ Zaayɔŋ nɩaa dɩ ba bee na, dɩ ba kuoro nɩɩ kɔ ba teeŋ. Ʋ kɛŋ ʋ tɩtɩa muuri nɛ a jɩl kakumo a sagɛ kaku-pɔrʋŋ nyuŋ.”

Tɩntɩŋŋaa 8:32

Wɩa niiŋ wɩalɩŋ bafere-la fa sɩɩ karɩmʋ nɛ ŋ-la: “Ʋ tɔrɛ ʋ niiŋ a nagɛ piese ba sɩ kaa mʋ dɩ ba kpʋ, a bɩra nagɛ pie-bie ma sɩ tɔrɛ ʋ niiŋ, ka ba kɩkɛ ʋ pʋnaa nɛ. Ʋ bɩ ʋ niiŋ suro.

Rom Tɩŋŋaa 10:20

Azaaya fa chaasa bʋl wɩɩŋ deeŋ a bʋl: Wɩa sɩ, “Nɩalɩŋ sɩ bɩ mɩɩ chɛ, ba namɛ nɛ. Nɩalɩŋ ma sɩ bɩ mɩ wɩaa pɩɛsɛ, mɩ kɛŋ mɩ tɩtɩa dagɛba nɛ.”

Rom Tɩŋŋaa 12:1

Ŋɩɩ wɩaa, mɩ naambiiriŋ, a tɩŋ Wɩa sɩ faasa fá la nenige wɩaa, mɩɩ sʋlma dɩ ma joŋ ma mɩɩsɩŋ kala a pɩ Wɩa, arɩ ba fa sɩ yie kpʋ pʋsʋŋ a ŋaa Wɩɩsʋlʋŋ pɩ Wɩa ŋɩɩ. Ma sɩ joŋ ma tɩtɩa a pɩ Wɩa ŋɩɩ, ma bɩra sɩ́ disiniŋ kɛŋ, dɩ Wɩa wuo laama. Wɩɩ-chʋɔlʋŋ wombiiŋ tɩtɩa nɛ ŋɩɩ.

Rom Tɩŋŋaa 15:15

Ama teniŋ deeŋ tʋɔŋ mɩ kɛŋ nyuduoŋ nɛ dɩ mɩ wuo liisima wɩaa dɔnsʋŋ lɛ a tɩŋ dol-la Wɩa sɩ pɩmɛ wɩaa,

1 Kɔrɩntɩ Nɩaa 2:3

Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

1 Kɔrɩntɩ Nɩaa 4:21

Wʋbɛɛ nɛ ma cho? Mɩ kori chɩba kʋ vɩɩrɛma, koo mɩ kɛŋ chonuŋ arɩ sɩɩfɩɛlaa kɔ?

2 Kɔrɩntɩ Nɩaa 10:10

Ma dɔnsʋŋ yie bʋl dɩ wɩalɩŋ mɩ sɩ yie ŋmʋnsɛ mɩ tenniŋ tʋɔŋ a pɩma, ba dolie nɛ aŋ pɛ hɛɩ, ka mɩ tɩtɩa bɩ sɩɩ ka su. Mɩ wʋbʋlaa ma bɩ sɩŋ.

2 Kɔrɩntɩ Nɩaa 10:2

Dɩ mɩ nɛ kɔ ma teeŋ, mɩ bɩ jaŋ ŋaa nɩhaa arɩ mɩ fa sɩ bɩɩna dɩ mɩ nagɛ ŋɩɩ nɩaa dɔnsʋŋ lɛ, nɩalɩŋ sɩ bɩɩna arɩ la ŋaa wɩaa a nagɛ dʋnɩa nɩaa sɩɩ ŋaa ŋɩɩ.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 11:21

Hɩɩsɩŋ kɛmmɛ nɛ mɩ sɩɩ chɛ dɩ mɩ bʋl wɩɩŋ deeŋ. La-na fa bɩ doluŋ kɛnɛ dɩ la ŋaa wɩaa deemba ma lɛ. Ama mɩ haa bʋl wɩaa arɩ nɩyaarɩ nɛ. Dɩ nʋʋ nɩɩ bigisi ʋ tɩtɩa lɛ a tɩŋ wɩɩ wɩaa, mɩ ma jaŋ wuo bigisi mɩ tɩtɩa lɛ a tɩŋ wɩɩ-la wɩaa.

2 Kɔrɩntɩ Nɩaa 11:30

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ jaŋ bigisi mɩ tɩtɩa lɛ a tɩŋ kɩalɩŋ sɩ daga arɩ mɩ bɩ doluŋ kɛnɛ.

2 Kɔrɩntɩ Nɩaa 12:5

Mɩ jaŋ bigisi baala deeŋ lɛ, mɩ-na bɩ mɩ tɩtɩa lɛ wuo bigisi. Ama dɩ mɩ nɩɩ bigisi mɩ tɩtɩa ma lɛ, mɩ jaŋ bigisi mɩ tɩtɩa lɛ a mʋ tɩgɛ kɩalɩŋ sɩ daga arɩ mɩ bɩ doluŋ kɛnɛ lɛ.

2 Kɔrɩntɩ Nɩaa 3:12

Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ.

2 Kɔrɩntɩ Nɩaa 5:20

A tɩŋ ŋɩɩ wɩaa Kirisito naasɩŋ lɛ nɛ la chɩŋ a bʋbʋl wɩaa deemba a pɩpɩ nɩaa. Wɩa to la lɛ nɛ a bʋla pɩma dɩ ma kɔ ʋ teeŋ. A tɩŋ Kirisito wɩaa laa sʋlma dɩ ma kɔ, dɩ ma dɩ Wɩa ŋaa sɩma.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

2 Kɔrɩntɩ Nɩaa 7:4

Mɩ laama dii nɛ woruŋ. A tɩŋ ma wɩaa nɛ tɩɩ mɩ bibigisi mɩ tɩtɩa lɛ, mɩ nyuŋ kala nyaasɛ. Wɩaa jʋʋla nɛ, ama mɩ tʋɔŋ ha faasa tɔrɛ nɛ.

Galiisia Nɩaa 4:13

Ma jɩma, bumbuŋ-la mɩ sɩ bʋl Wɩa wʋzɔmɔ-la pɩpɩma, mɩ faa wɩɩlɛ nɛ.

Galiisia Nɩaa 5:2

Má jegile nɩɩ, mɩ-na Pɔɔl nɛ bʋl wɩɩŋ deeŋ pɩpɩma. Dɩ ma nɛ leŋe dɩ ba keri ma penee a nagɛ Juu tɩŋŋaa wombiiŋ sɩ dagɛ ŋɩɩ, wɩɩ-la Kirisito sɩ ŋaa pɩma ŋaa wʋpɛɩ nɛ.

Ɛfɛsɩs Nɩaa 3:1

Ba kɛŋ mɩ-na Pɔɔl tɔ dɩa a tɩŋ Kirisito Yesu wɩaa nɛ. Mɩ bɩra hɛ sarɩka lɛ a tɩŋ ma ma nɩalɩŋ sɩ bɩ Juu tɩŋŋaa ŋaa wɩaa nɛ. Ŋɩɩ wɩaa nɛ tɩɩ mɩ yie sʋl Wɩa pɩpɩma.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Fɩlɩpa Nɩaa 4:5

Má leŋ dɩ ma sɩaa fɩɛlɛ nʋʋkala teeŋ. Má ŋɩŋaa ŋɩɩ, bɛɛ wɩaa bʋa-la lɛ La Tɩɩna Yesu sɩ jaŋ mɩɩra kɔ kpaga nɛ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

2 Tɛsalonaaka Nɩaa 3:17

Mɩ-na Pɔɔl tɩtɩa nɛ ŋmʋnsɛ chʋɔlaa deemba arɩ mɩ nɩsɩŋ. Mɩ vɛnɛɛ ŋaa ŋɩɩ nɛ mɩ tenniŋ kala lɛ, aa dagɛ ŋɩɩ arɩ mɩ nɛ ŋmʋnsɛ teniŋ deeŋ. Ŋ-la nɛ mɩ yie ŋmʋnsɛ. Mɩɩ chʋɔlɛma.

Fɩlɩmɔŋ 1:19

Mɩ-na Pɔɔl, mɩ tɩtɩa nɩsɩŋ nɛ ŋmʋnsɛ teniŋ deeŋ a pɩpɩŋ. Mɩ jaŋ timiŋ. Sɩ́ yʋ arɩ ŋ ma kɛŋ mɩ chɩmɩŋ nɛ, bɛɛ wɩaa mɩ lɛ nɛ ŋ to a kɛŋ mɩɩsɩŋ Yesu teeŋ.

Fɩlɩmɔŋ 1:9

Ama a tɩŋ mɩ sɩ choŋ wɩaa, mɩ jaŋ sʋlʋŋ dɩ ŋ ŋaa wɩɩ-la. Mɩ-na Pɔɔl nɛ paala chɩŋ Yesu Kirisito naasɩŋ lɛ aŋ lɛɛlɛ hɛ sarɩka lɛ a tɩŋ ʋ wɩaa.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.