2 Kɔrɩntɩ Nɩaa 1:9 - WƖA TENIŊ

⁹ Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ.

2 Kɔrɩntɩ Nɩaa 1:9 ပူးပေါင်းရင်းမြစ်များ

JOB 40:14

Dɩ ŋ nɛ wuo ŋaa ŋɩɩ, mɩ jaŋ jɩŋ arɩ ŋ tɩtɩa doluŋ jaŋ wuo laaŋ ta.

WƖA YƖƖLAA 22:29

Nɩalɩŋ kala sɩ kɛŋ kɩaa kɩŋkɛŋ jaŋ kʋ kpirimi ŋ sɩpaaŋ. Nɩalɩŋ ma naaŋ sɩɩ lieŋi sʋʋŋ bʋa lɛ a bɩ wuo wiesee yi kala jaŋ kʋ kpirimi ŋ sɩpaaŋ a chʋɔlʋŋ.

NAMAGABA 14:32

Nɩbɔmʋŋ sɩɩ ŋaa wʋbɔmɔ-la nɛ yie yigu lo, ama tʋɔpʋl tɩɩna-na yie na leriŋ nɛ a yuori, a tɩŋ tʋɔpʋl wɩalɩŋ ʋ sɩɩ ŋaa wɩaa.

NAMAGABA 28:26

Nɩɩ-la kala sɩ joŋ ʋ yɩɛlaa kala hɛ ʋ tɩtɩa lɛ ŋaa nɩyaarɩ nɛ, ama nɩɩ-la sɩ kɛŋ wʋjɩmɩŋ a ŋɩŋaa wɩaa, wɩɩkala bɩ jaŋ jʋʋ-ʋ.

AZAAYA 38:10

Ʋ sɩ, “Mɩ fa bɩɩna mɩ jaŋ sʋʋ mɩ bapʋɔsʋŋ bʋa lɛ, a mʋ hɛ lɛlɛɛ-jaŋ mɩ mɩɩ-kaanɩŋ kala lɛ.

ƐZƖKƖƐL 33:13

Dɩ mɩ nɛ bʋla pɩ tʋɔpʋl tɩɩna arɩ ʋ jaŋ kɛŋ mɩɩsɩŋ, dɩ ʋ joŋ ʋ yɩɛlaa hɛ ʋ tʋɔpʋl wʋŋaalɩa-la lɛ aŋ ŋaa wʋbɔŋ, mɩ bɩ jaŋ liisi tʋɔpʋl wɩalɩŋ ʋ sɩ laa sɩpaaŋ ŋaa kʋbala ma, ʋ jaŋ sʋʋ a tɩŋ wʋbɔŋ-la ʋ sɩ ŋaa wɩaa.

Luuk 18:9

Yesu bɩra magɛ namaga a pɩ nɩalɩŋ sɩ bɩɩna ba tʋɔŋ lɛ dɩ ba kɛŋ tʋɔpʋla aŋ lileeni ba dɔnsʋŋ tɩŋŋaa. Ʋ bʋla pɩba,

Rom Tɩŋŋaa 8:36

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “A tɩŋ ŋ wɩaa, laa gbɛrɛ sʋʋŋ nɛ tapʋlɩɩ-na kala. Ba yie benla arɩ la nagɛ piesee nɛ ba sɩ kaa lɩɩ dɩ ba kpʋ.”

2 Kɔrɩntɩ Nɩaa 1:10

Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla.

2 Kɔrɩntɩ Nɩaa 1:8

La naambiiriŋ, laa chɛ dɩ ma jɩŋ ŋɩɩ la sɩ na hɛɛŋ Esia tinteeŋ lɛ nɛ. Wɩalɩŋ sɩ jʋʋla lɛ fa yuŋŋie nɛ kɩŋkɛŋ kɩŋkɛŋ a pɩla. La paala bɩ bɩɩna arɩ la jaŋ kɛŋ mɩɩsɩŋ.

2 Kɔrɩntɩ Nɩaa 3:5

Ʋ ŋɩɩ bɩ naga arɩ tɩntɩmɩɩ-la la sɩɩ tɩŋ, la tɩtɩa kɛŋ ʋ doluŋ nɛ. Wɩa nɛ pɩla doluŋ la tɩtɩŋ.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

Hiburu TƖŊŊAA 11:19

Abɩraham fa jɩma arɩ Wɩa jaŋ wuo chɩsɛ ʋ bie sʋʋŋ lɛ. Ŋɩɩ nɛ Wɩa ma sɛnɛ joŋ Aɩzɩk pɩ Abɩraham a nagɛ ʋ sʋba nɛ ka ʋ chɩsʋ sʋʋŋ lɛ.