2 Kɔrɩntɩ Nɩaa 1:3 - WƖA TENIŊ

³ Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma, aa fá nɩaa nenige. Ʋ nɛ yie leŋ nɩalɩŋ tʋɔŋ sɩ cheye tʋɔŋ bɩra tɔrɛ.

2 Kɔrɩntɩ Nɩaa 1:3 ပူးပေါင်းရင်းမြစ်များ

WƖAA DƖ-SUOMUŊ 14:20

Mɩɩ dɛnnɛ Wɩa sɩ kɩɩ kʋŋkala sɩ joŋ ŋ dʋndɔŋŋɔɔ hɛ ŋ nɩsɩŋ lɛ.” Ŋɩɩ nɛ Abɩram kɛŋ kɩalɩŋ kala ka kpaa puguloo fii a joŋ dɔŋɔ pɩ Mɛlɩkɩzɛdɛk.

1 IZIRAL TƖŊŊAA NAABARƖŊ 29:10

Ŋɩɩ nɛ Devit chɩŋ nɩalɩŋ kala sɩpaaŋ a dɛnnɛ La TƖƖNA a bʋl, “Mɩɩ dɛnnɩŋ La TƖƖNA, la naabalɩma Jekɔb Wɩa, a leŋ dɩ ŋ yɩrɩŋ yɩrɛ a kaa mʋ wuu.

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

JOB 1:21

a bʋl, “Yarɩ-biree nɛ mɩ kaa lɩɩ mɩ naaŋ luoruŋ tʋɔŋ a kʋ lɩɩ, yarɩ-biree nɛ mɩ jaŋ mɩɩra kaa mʋ dɩ mɩ nɛ sʋba. La TƖƖNA nɛ pɩmɛ nɩaa arɩ kɩalɩŋ mɩ fa sɩ kɛnɛ aŋ bɩra kaa laa. Mɩ jaŋ dɛnnɛ La TƖƖNA.”

WƖA YƖƖLAA 18:46

Ŋ-na La Tɩɩna weye nɛ. Mɩ jaŋ dɛnnɩŋ, ŋ kɛŋ doluŋ a nagɛ bʋŋ nɛ. Mɩ jaŋ heele bʋl Wɩa sɩ laamɛ ta yɩrɩ-balɩŋ wɩaa.

WƖA YƖƖLAA 68:35

Iziral tɩŋŋaa Wɩa kɛŋ fawʋllʋŋ nɛ ʋ dɩɩ-bal-la lɛ, ʋ nɛ leŋe la kɛŋ doluŋ. Má dɛnnɛ Wɩa.

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

AZAAYA 66:13

A nagɛ naaŋ sɩ yie pɩɛnɛ ʋ bie ʋ tʋɔŋ tɔrɛ ŋɩɩ, ŋɩɩ nɛ mɩ jaŋ pɩɛnɛma, dɩ ma tʋɔŋ tɔrɛ Jerusalɛm lɛ.”

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

2 Kɔrɩntɩ Nɩaa 11:31

Wɩa sɩ ŋaa La Tɩɩna Yesu Nyɩmma, ʋ yɩrɩŋ jaŋ yɩrɛ deeŋ deeŋ. Ʋ jɩma arɩ mɩ bɩ wɩaa nyɩɛ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Koloosi Nɩaa 1:3

Bʋa na-kala dɩ la nɛ chʋɔlɛ Wɩa aa pɩma, la yie lɔllʋ, ʋ-na, La Tɩɩna Yesu Kirisito Nyɩmma,

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

2 Jɔɔŋ 1:4

Mɩ tʋɔŋ tɔrɔ kɩŋkɛŋ mɩ sɩ na arɩ ŋ biiriŋ dɔnsʋŋ to wʋtɩtɩɩ-la lɛ, arɩ la Nyɩmma Wɩa sɩ dagɛla ŋɩɩ.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.