2 Kɔrɩntɩ Nɩaa 1:23 - WƖA TENIŊ

²³ Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma.

2 Kɔrɩntɩ Nɩaa 1:23 ပူးပေါင်းရင်းမြစ်များ

Tɩntɩŋŋaa 18:1

Ŋɩɩ harɩŋ nɛ Pɔɔl sii Atɛŋ lɛ a mʋ taŋ kʋbala baa yɩrɛ Kɔrɩntɩ.

Tɩntɩŋŋaa 18:8

Baal kʋbala baa yɩrɛ Kɩrɩsɩpas nɛ fa ŋaa Wɩɩchʋɔlɛ dɩa-la kʋhɩaŋ. Ʋ dɩ ʋ dɩa nɩaa kala laa La Tɩɩna Yesu wɩaa dii. Nɩaa ma yʋga Kɔrɩntɩ lɛ a nɩɩ Wɩa wɩalɩŋ a laaba dii, ba foba Wɩɩchʋɔlɛ lɩɩŋ.

Rom Tɩŋŋaa 1:9

Wɩa mɩ sɩ tɩmaa pa arɩ mɩ tʋɔ-bala aa bʋl ʋ Bie wʋzɔmɔ-la, ʋ nɛ ŋaa mɩ pɛ-naara bʋa na-kala lɛ dɩ mɩ nɩɩ chʋɔlʋ, mɩ yie liliisi ma wɩaa nɛ.

Rom Tɩŋŋaa 9:1

Mɩ sɩɩ chɛ dɩ mɩ bʋl wɩɩ-la ŋaa wʋtɩtɩɩ nɛ. Mɩ sɩ ŋaa Kirisito nʋʋ ŋɩɩ, mɩ bɩ wɩaa nyɩɛ. Wɩa Dɩŋ-zɔŋ-la sɩɩ beŋ mɩ tʋɔbɩɩnaa ŋɩɩ, ʋ ma leŋe mɩ jɩŋ arɩ mɩ bɩ wɩaa ka nyɩɛ.

1 Kɔrɩntɩ Nɩaa 4:21

Wʋbɛɛ nɛ ma cho? Mɩ kori chɩba kʋ vɩɩrɛma, koo mɩ kɛŋ chonuŋ arɩ sɩɩfɩɛlaa kɔ?

1 Kɔrɩntɩ Nɩaa 5:5

Má joŋ baala deeŋ hɛ Sɩtaanɩ nɩsɩŋ lɛ, dɩ ʋ to ʋ tʋɔtɔrɛ wʋŋaalaa lɛ a dɔgɩsɛ ʋ yaraa, ka dɩ Wɩa laa ʋ dɩma ta tapʋlɩɩ-la La Tɩɩna sɩ jaŋ mɩɩra kɔ.

2 Kɔrɩntɩ Nɩaa 1:1

Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

2 Kɔrɩntɩ Nɩaa 1:18

Ma jɩma woruŋ arɩ Wɩa kɛŋ wʋtɩtɩɩ. Ŋɩɩ wɩaa wɩalɩŋ kala la sɩ bʋla pɩma ŋaa wʋtɩtɩɩ nɛ, la bɩ niiriŋ balɩa ka bʋl.

2 Kɔrɩntɩ Nɩaa 10:2

Dɩ mɩ nɛ kɔ ma teeŋ, mɩ bɩ jaŋ ŋaa nɩhaa arɩ mɩ fa sɩ bɩɩna dɩ mɩ nagɛ ŋɩɩ nɩaa dɔnsʋŋ lɛ, nɩalɩŋ sɩ bɩɩna arɩ la ŋaa wɩaa a nagɛ dʋnɩa nɩaa sɩɩ ŋaa ŋɩɩ.

2 Kɔrɩntɩ Nɩaa 11:10

Mɩ kɛŋ Kirisito wʋtɩtɩɩ-la nɛ. Nʋʋkala tuo Akaaya tinteeŋ lɛ sɩ jaŋ bʋl dɩ mɩ sɩ́ mɩ tɩtɩa lɛ bigisu wɩɩŋ deeŋ lɛ.

2 Kɔrɩntɩ Nɩaa 11:11

Bɛɛ nɛ tɩɩ mɩ bɩ mɩ tɩtɩa joŋo ŋaa chʋga ma lɛ? Ma bɩɩna mɩ bɩ ma cho nɛɛ? Aɩ, Wɩa tɩtɩa jɩma arɩ mɩ choma nɛ.

2 Kɔrɩntɩ Nɩaa 11:31

Wɩa sɩ ŋaa La Tɩɩna Yesu Nyɩmma, ʋ yɩrɩŋ jaŋ yɩrɛ deeŋ deeŋ. Ʋ jɩma arɩ mɩ bɩ wɩaa nyɩɛ.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

2 Kɔrɩntɩ Nɩaa 13:10

Lɛɛlɛ mɩ tuo ma teeŋ, ŋɩɩ nɛ tɩɩ mɩ ŋmʋnsɛ teniŋ pɩpɩma. Dɩ mɩ nɛ kɔ ma teeŋ, mɩɩ chɛ dɩ mɩ dagɛ dol-la La Tɩɩna Wɩa sɩ joŋo pɩmɛ ma teeŋ. Ʋ joŋ dol-la pɩmɛ dɩ mɩ kaa pɛ ma lɛ nɛ dɩ ma wasa dol. Ʋ bɩ sɩ dɩ mɩ kaa cheima.

2 Kɔrɩntɩ Nɩaa 13:2

Mɩ sɩ kɔ ma teeŋ lɩamɩŋ lɛ, mɩ kpʋrɩsɛ nɩalɩŋ sɩ ŋaa wʋbɔŋŋɔɔ arɩ nɩalɩŋ dɔnsʋŋ kala dɩgɩlaa nɛ. Lɛɛlɛ mɩ tuo ma teeŋ, ama mɩ bɩra kpʋrɩsɛ ma dɩgɩlaa nɛ arɩ mɩ nɛ kɔ ma teeŋ torimuŋ lɛ, mɩ bɩ jaŋ taba.

2 Kɔrɩntɩ Nɩaa 6:6

La yie dagɛ arɩ la ŋaa Wɩa tɩntɩnnaa nɛ, bɛɛ wɩaa la bɩ disiniŋ kɛnɛ. La jɩŋ wɩaa nɛ, a kɛŋ kenyiri, a kɛŋ zile, a kɛŋ Wɩa Dɩŋ-zɔmʋŋ ma, a cho nɩaa arɩ wʋtɩtɩɩ.

Galiisia Nɩaa 1:20

Wɩalɩŋ mɩ sɩ ŋmʋnsaa pɩma, Wɩa jɩma ba ŋaa wʋtɩtɩɩba nɛ. Mɩ bɩ nyɩɛ.

Fɩlɩpa Nɩaa 1:8

Mɩɩ bɩɩnɛ ma wɩaa nɛ woruŋ. Wɩa nɛ ŋaa mɩ pɛ-naara wɩɩŋ deeŋ lɛ. Mɩ choma nɛ woruŋ arɩ Kirisito Yesu sɩ choma ŋɩɩ.

1 Tɛsalonaaka Nɩaa 2:5

Ma saa jɩma arɩ la sɩ kɔ ma teeŋ, la bɩ nii-sɩma nɛ kaa kɔ. La bɩ kɔ dɩ la bʋl kanfugi wɩaa a laa ma kɩaa. Wɩa nɛ ŋaa la sɩada tɩɩna.

1 Timoti 1:20

Haminiiyas arɩ Alɛkɩzanda ma hɛ nɩaa deemba tʋɔŋ nɛ. Ŋɩɩ nɛ mɩ jomba hɛ Sɩtaanɩ nɩsɩŋ lɛ dɩ ʋ dɔgɩsɛba, dɩ ba gʋnnɛ wʋjɩmɩŋ, dɩ ba bɩra sɩ́ Wɩa joŋŋoo tʋʋsʋ.