2 Kɔrɩntɩ Nɩaa 1:22 - WƖA TENIŊ

²² a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

2 Kɔrɩntɩ Nɩaa 1:22 ပူးပေါင်းရင်းမြစ်များ

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

2 Kɔrɩntɩ Nɩaa 5:5

Wɩa nɛ ŋaa Nɩɩ-la sɩ joŋ yarɩ-falaa deemba a pɩla. Ʋ nɛ saa joŋ ʋ Dɩŋ-zɔmʋŋ ma hɛ la lɛ dɩ la wuo jɩŋ arɩ la jaŋ kɛŋ yarɩ-falaa deemba ʋ teeŋ.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 7:3

Ŋɩɩ nɛ ʋ bʋla pɩ Wɩa tɩndaaraa banɛsɛ-la, “Má sɩ́ tinteeŋ koo mʋgʋ-balɩŋ koo tɩɩsɩŋ chei, see dɩ la magɩlɛ la Wɩa tɩntɩnnaa ba tilliŋ lɛ.”

Jɔɔŋ Wʋnaalaa 9:4

Wɩa bʋla pɩba dɩ ba sɩ́ yaŋ dii koo tɩɩsɩŋ koo kɩalɩŋ sɩ nyʋ tinteeŋ lɛ, ama dɩ ba dɔgɩsɛ nɩalɩŋ sɩ́ bɩ Wɩa magɩlɩŋ kɛnɛ ba tilliŋ lɛ.