2 Kɔrɩntɩ Nɩaa 1:21 - WƖA TENIŊ

²¹ Wɩa tɩtɩa nɛ leŋe la dɩ ma kala chɩŋ kpaŋ kpaŋ Kirisito lɛ. Ʋ nɛ lɩɩsɛla,

2 Kɔrɩntɩ Nɩaa 1:21 ပူးပေါင်းရင်းမြစ်များ

WƖA YƖƖLAA 45:7

Ŋ cho tʋɔpʋl wɩaa nɛ aŋ bɛrɛ wʋbɔŋŋɔɔ. Ŋɩɩ nɛ tɩɩ ŋ Nyɩmma Wɩa lɩɩsɩŋ a leŋ ŋ kɛŋ tʋɔtɔrʋŋ a yʋga kɩɩ ŋ dɔnsʋŋ tɩŋŋaa.

WƖA YƖƖLAA 87:5

Wɩa sɩ kɩɩ kʋŋkala jaŋ leŋ dɩ ʋ jaŋ-la sɩ chɩŋ Zaayɔŋ lɛ kɛŋ doluŋ, dɩ nʋʋkala bʋl, “Ba lʋlla ma nɩmɛ nɛ.”

WƖA YƖƖLAA 89:4

‘Ŋ doho nɩaa nɛ jaŋ didii kuoruŋ a kaa mʋ wuu, nɩalɩŋ ma ba ha sɩ jaŋ lʋl tʋɔŋ, dɩ ma kuoruŋ chɩŋ kpaŋkpaŋ.’ ”

AZAAYA 49:8

La TƖƖNA bʋla pɩ ʋ nɩaa, “Dɩ bʋa-la sɩ maga dɩ mɩ laa nɩaa ta nɛ yie, mɩ jaŋ pɛ ŋ lɛ. Mɩ jaŋ pɔŋ woruŋ, a leŋ dɩ ŋ ŋaa nii sɩ hɛ mɩ dɩ nɩaa pɛgɛ. Ba jaŋ wasa saa ba jikpeeni-la kala a hɔŋ nɩmɛ.

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

AZAAYA 62:7

Má sɩ́ leŋe dɩ La TƖƖNA ma wiesi, see dɩ ʋ leŋe dɩ Jerusalɛm chɩŋ kpaŋkpaŋ, dɩ ʋ yɩrɩŋ yɩrɛ dʋnɩa kala lɛ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

LEVI DOHO NƖAA 7:35

A chɩŋ tapʋlɩɩ-la lɛ ba sɩ joŋ Wɩɩsʋllɩ nʋʋŋ tɩsɛ Arɔŋ arɩ ʋ hambolibiisiŋ dɩ ba ŋaa Wɩɩsʋllɩ sɩpaalaaraa, kʋnyɩgaa Wɩɩsʋlʋŋ kala lɛ ba toruŋ nɛ ŋɩɩ.

HABAKU 2:12

Wɩɩŋ puu nɩalɩŋ sɩ hɛ yuosuŋ a kpʋ nɩaa laa kɩaa saa tabalɩŋ, a ŋaa wʋbɔŋŋɔɔ saa jaŋ.”

Jɔɔŋ 3:34

Mɩ-na Nɩɩ-la Wɩa sɩ tɩma, mɩɩ bʋl Wɩa niiŋ wɩaa nɛ, bɛɛ wɩaa Wɩa joŋ ʋ Dɩŋ-zɔmʋŋ doluŋ kala a pɩmɛ nɛ.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

2 Kɔrɩntɩ Nɩaa 5:5

Wɩa nɛ ŋaa Nɩɩ-la sɩ joŋ yarɩ-falaa deemba a pɩla. Ʋ nɛ saa joŋ ʋ Dɩŋ-zɔmʋŋ ma hɛ la lɛ dɩ la wuo jɩŋ arɩ la jaŋ kɛŋ yarɩ-falaa deemba ʋ teeŋ.

Koloosi Nɩaa 2:7

Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

2 Tɛsalonaaka Nɩaa 2:17

Laa sʋlʋ dɩ ʋ leŋ dɩ ma nyuŋ nyaasɛ, a pɩma doluŋ dɩ ma ŋɩŋaa wʋzɔŋŋɔɔ aa bʋl wʋzɔmɔ-la ma.

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

2 Tɛsalonaaka Nɩaa 3:3

Ama La Tɩɩna Yesu kɛŋ wʋtɩtɩɩ. Ʋ jaŋ pɩma doluŋ a lɩɩsɛma Sɩtaanɩ nɩsɩŋ lɛ.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

1 Jɔɔŋ 2:20

Ama ma-na jɩŋ wʋtɩtɩɩ nɛ, bɛɛ wɩaa Kirisito joŋ ʋ Dɩŋ-zɔmʋŋ hɛ ma lɛ nɛ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.