2 Kɔrɩntɩ Nɩaa 1:20 - WƖA TENIŊ

²⁰ Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ.

2 Kɔrɩntɩ Nɩaa 1:20 ပူးပေါင်းရင်းမြစ်များ

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 102:16

La Tɩɩna jaŋ paa Zaayɔŋ wasa saa, a dagɛ ʋ doluŋ.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

AZAAYA 65:16

Tintee-la lɛ, dɩ nʋʋ nɩɩ chɛ dɩ Wɩa pɛ ʋ lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Dɩ nʋʋ nɩɩ chɛ dɩ ʋ ta niiŋ ma tintee-la lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Mɩ jaŋ yʋ faafaa wʋwalɩmɩa-la kala ba jaŋ lɛl mɩ sɩaa lɛ.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Luuk 2:14

“Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Kɔrɩntɩ Nɩaa 14:16

Dɩ ma nɛ kʋ hilimi, aŋ ka dɩ nʋʋ kɛŋ yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl a dɩdɛnnɛ Wɩa, nɩalɩŋ sɩ hɔŋ nɩmɛ sɩ bɩ wɩɩ-la ŋ sɩɩ bʋl nɩa, dɩ ŋ nɛ chʋɔla dɛrɛ, ɛɛ nɛ ba jaŋ ŋaa jɩŋ wɩɩ-la bʋbʋɔŋ a bʋl Amɩɩ?

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Galiisia Nɩaa 3:22

Ama Wɩa teniŋ tʋɔŋ ba bʋla arɩ dʋnɩa nɩaa kala ŋaa wʋbɔŋŋɔɔ yosi nɛ. Wɩa bʋl ŋɩɩ dɩ ʋ wuo joŋ kʋ-la wɩaa ʋ fa sɩ bʋla a pɩ nɩalɩŋ sɩ laa Yesu wɩaa dii nɛ, a tɩŋ ba sɩ laa Wɩa dii.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

2 Tɛsalonaaka Nɩaa 1:10

Tapʋlɩɩ-la ʋ sɩ jaŋ kɔ, Wɩa nɩaa kala jaŋ pʋ yɩrɩŋ, dɩ nɩalɩŋ sɩ laa ʋ wɩaa dii ma zilu. Ma ma jaŋ hɛ ba tʋɔŋ, bɛɛ wɩaa ma laa wɩalɩŋ la sɩ bʋla pɩma dii nɛ.

Hiburu TƖŊŊAA 11:13

Nɩaa deemba kala laa Wɩa wɩaa dii nɛ aŋ-na sʋʋ. Ba bɩ kɩalɩŋ Wɩa sɩ sɩ ʋ jaŋ joŋo pɩba laa. Ba naba arɩ ba hɛ dɩ-bolii, ama ba laa dii arɩ maachie ba jaŋ laa kɩalɩŋ. Ba bɩra jɩma arɩ ba ŋaa nʋhʋɔraa nɛ, a ŋaa jʋjʋʋlɛ dʋnɩa deeŋ lɛ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Hiburu TƖŊŊAA 7:6

Mɛlɩkɩzɛdɛk fa bɩ Levi doho nʋʋ ŋaa aŋ pɛ laa kpaalɩŋ fii tʋɔŋ kʋbala-la Abɩraham teeŋ, aŋ sʋl Wɩa pʋ, nɩɩ-la Wɩa sɩ hɛ niiŋ pa.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 Jɔɔŋ 5:11

Wɩɩ-la Wɩa sɩ bʋla nɛ ŋ-la: dɩ ʋ pɩla mɩɩsɩ-la sɩ bɩ dɛrɛ nɛ. Mɩɩsɩ-la hɛ ʋ Bie teeŋ nɛ.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 7:12

a bʋl, “Amɩɩ. La jaŋ dɛnnɛ La Tɩɩna Wɩa a yɩrɛ ʋ yɩrɩŋ, aa lɔllʋ, bɛɛ wɩaa ʋ nɛ wʋjɩmɩŋ arɩ doluŋ a kaa mʋ wuu. Amɩɩ.”