2 Kɔrɩntɩ Nɩaa 1:15 - WƖA TENIŊ

¹⁵ Mɩ sɩ chaasa jɩŋ ŋ-la wɩaa nɛ tɩɩ mɩ faa chɛ dɩ mɩ kɔ ma teeŋ, dɩ ma wuo nɩɩ sɩma bʋlɩa.

2 Kɔrɩntɩ Nɩaa 1:15 ပူးပေါင်းရင်းမြစ်များ

Matiu 1:19

Josɛf fa ŋaa nɩpʋla nɛ. Ʋ fa bɩ chɛ dɩ ʋ hɩɩsɛ Mɛɛrɩ nɩaa tʋɔŋ. Ŋɩɩ nɛ ʋ kɛŋ ʋ tʋɔŋ lɛ dɩ ʋ vɩaʋ.

Rom Tɩŋŋaa 1:11

Mɩ cho dɩ mɩ kʋ nama nɛ arɩ sɩɩfɩɛsɩŋ, a pɛ ma lɛ arɩ kɩalɩŋ Wɩa Dɩŋ-zɔmʋŋ sɩɩ chɛ dɩ ʋ joŋo pɩma dɩ ma dol.

Rom Tɩŋŋaa 15:29

Mɩ jɩma, dɩ mɩ nɛ kɔ, mɩ jaŋ wuo pɛ ma lɛ woruŋ, arɩ Kirisito sɩ pɛ mɩ lɛ ŋɩɩ.

1 Kɔrɩntɩ Nɩaa 11:34

Dɩ losuŋ nɛ kɛŋ ma dɔŋɔ, ʋ maga dɩ ʋ dii kɩaa ʋ dɩa lɛ nɛ aŋ-na kɔ. Dɩ ma nɛ ŋaa ŋɩɩ aŋ hilimi, Wɩa bɩ jaŋ joŋ cheeriŋ pɩma. Wʋkaanala-na, dɩ mɩ nɛ kɔ, mɩ jaŋ dagɛma ba wombiiŋ.

1 Kɔrɩntɩ Nɩaa 16:7

Mɩ bɩ chɛ dɩ mɩ kʋ nama aŋ parɩma kieli. Dɩ Wɩa nɛ sɛyɛ, mɩ cho dɩ mɩ dieni nɛ ma teeŋ.

1 Kɔrɩntɩ Nɩaa 4:19

Dɩ Wɩa nɛ sɛyɛ, mɩ bɩ jaŋ dieni aŋ kʋ nama. Dɩ mɩ nɛ kɔ, mɩ bɩ chɛ dɩ mɩ nɩɩ deŋgiŋ tɩŋŋaa deemba wʋbʋlaa dʋndʋŋa, ama mɩ jaŋ chɩchɛ dɩ mɩ jɩŋ dol-la ba sɩ kɛnɛ,

2 Kɔrɩntɩ Nɩaa 12:14

Tori nɛ ŋ-la mɩ sɩɩ chɛ dɩ mɩ kʋ nama, dɩ mɩ nɛ kɔ, mɩ bɩ jaŋ walɩmɛma dɩ ma pɩmɛ kʋŋkala. Mɩ bɩ ma kʋŋkala ka chɛ. Ma tɩtɩa nɛ mɩ chɩchɛ, bɛɛ wɩaa hambiisiŋ bɩ jaŋ wuo chɛ kɩaa bil ba nyɩmmaba arɩ ba naamba lɛ. Ama hambiisiŋ nyɩmmaba arɩ ba naamba nɛ maga dɩ ba chɛ kɩaa a bil ba biiriŋ lɛ.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.