2 Kɔrɩntɩ Nɩaa 1:14 - WƖA TENIŊ

¹⁴ arɩ ma sɩ jɩmba mʋa ŋɩɩ, ma jaŋ kʋ jɩmba a mʋ dɛrɛ, dɩ ma wuo bigisi la lɛ arɩ la sɩ jaŋ bigisi ma lɛ ŋɩɩ tapʋlɩɩ-la La Tɩɩna Yesu sɩ jaŋ mɩɩra kɔ.

2 Kɔrɩntɩ Nɩaa 1:14 ပူးပေါင်းရင်းမြစ်များ

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

1 Kɔrɩntɩ Nɩaa 11:18

Wɩɩ-la mɩ sɩɩ chɛ dɩ mɩ bʋl nɛ ŋ-la: Mɩ nɩa dɩ ma nɛ kʋ hilimi dɩ ma chʋɔlɛ Wɩa, ma bɩ nii-bala ka kɛŋ. Mɩ saa laa dii a nagɛ wʋtɩtɩɩ mʋa hɛ wɩɩŋ deeŋ mɩ sɩ nɩa lɛ.

1 Kɔrɩntɩ Nɩaa 15:31

Mɩ naambiiri, bʋa na-kala lɛ mɩ dɩ sʋʋŋ ka loo nɛ. La kala sɩ kɛŋ mɩɩsɩŋ La Tɩɩna Yesu Kirisito lɛ ŋɩɩ, mɩ jaŋ wuo bigisi mɩ tɩtɩa lɛ a tɩŋ ma wɩaa.

2 Kɔrɩntɩ Nɩaa 2:5

Dɩ nʋʋ nɛ ŋaa ma tʋɔŋ chei, mɩ dʋndʋŋa lɛ dee wɩɩ-la jʋʋ, ʋ paala jʋʋ ma lɛ a kɩɩmɛ. Dɩ ʋ nɛ paala bɩ ma kala lɛ jʋa ma, ʋ jʋʋ ma dɔnsʋŋ lɛ nɛ. Mɩ bɩ chɛ dɩ mɩ bʋl wɩɩ-la a kieli.

2 Kɔrɩntɩ Nɩaa 5:12

Ŋɩɩ nɛ tɩɩ la bɩ chɛ dɩ la dagɛ la tɩtɩa ma teeŋ, ama laa chɛ dɩ ma bʋl wʋtɩtɩɩ-la ma sɩ jɩma a mʋ tɩgɛ la lɛ, dɩ ŋɩɩ leŋ dɩ ma wuo bʋl wɩaa pɩ nɩalɩŋ sɩɩ bigisi nɩaa yaraa wʋŋaalaa lɛ aŋ bɩ ŋɩɩ ba tʋɔŋ sɩ nagɛ Wɩa teeŋ chɩla.

2 Kɔrɩntɩ Nɩaa 9:2

bɛɛ wɩaa mɩ paala jɩŋ arɩ ma kɛŋ ma tɩtɩa nɛ dɩ ma pɛ ba lɛ. Ŋɩɩ wɩaa nɛ tɩɩ mɩ bigisi ma lɛ a pɩ Wɩa nɩalɩŋ sɩ hɛ Masidoonia tinteeŋ lɛ. Mɩ bʋla pɩba arɩ nɩalɩŋ sɩ hɛ Akaaya tinteeŋ lɛ kɛŋ ba tɩtɩa hɛ dɔŋɔ harɩŋ jɩna-la lɛ nɛ dɩ ba pɛ Wɩa nɩaa lɛ. Ma sɩ fɩɛsɛ sɩɩŋ ŋɩɩ, ma leŋe ba nɩaa jesiŋ kala nɛ cho dɩ ba pɛ a kɩɛsɛ kɩaa pɩpɩ nɩalɩŋ.

Fɩlɩpa Nɩaa 1:10

Wʋjɩmɩɩ-la jaŋ leŋ dɩ ma lɩɩsɛ wʋzɔŋŋɔɔ a ŋɩŋaa. Dɩ ma nɛ ŋaa ŋɩɩ, ma jaŋ wuo lɩɩsɛ ma tɩtɩa disiniŋ lɛ, a sɩ́ wɩɩkala ŋaa chei a mʋ yi tapʋlɩɩ-la Kirisito sɩ jaŋ kɔ.

Fɩlɩpa Nɩaa 1:26

Ŋɩɩ wɩaa, dɩ mɩ nɛ mɩɩra kɔ ma teeŋ, ma tʋɔŋ jaŋ tɔrɛ Yesu Kirisito lɛ a tɩŋ mɩ wɩaa.

Fɩlɩpa Nɩaa 1:6

Mɩ laa dii arɩ Wɩa sɩ pɛ ma lɛ ma tɩŋ tɩntɩŋ-zɔmɔ-la ŋɩɩ, ʋ jaŋ pɛ ma lɛ dɩ ma tɩma mʋ yi tapʋlɩɩ-la La Tɩɩna Yesu Kirisito sɩ jaŋ kɔ.

Fɩlɩpa Nɩaa 2:16

Ŋɩɩ wɩaa ʋ maga dɩ ma tuto Wɩa niiŋ wɩalɩŋ sɩɩ pɩ mɩɩsɩŋ. Dɩ ma nɛ ŋaa ŋɩɩ, mɩ jaŋ wuo bigisi mɩ tɩtɩa lɛ a mʋ tɩgɛ tɩntɩmɩɩ-la kala mɩ sɩ tɩma, tapʋlɩɩ-la La Tɩɩna Yesu Kirisito sɩ jaŋ kɔ. Ŋ-la nɛ jaŋ dagɛ arɩ tɩntɩmɩɩ-la kala mɩ sɩ tɩma bɩ pɛɩ ŋaa.

Fɩlɩpa Nɩaa 4:1

Mɩ naambiiriŋ, mɩ choma nɛ kɩŋkɛŋ, mɩ yie bɩbɩɩnɛ ma wɩaa nɛ. Ma nɛ leŋe mɩ tʋɔŋ tɔrɔ, mɩ kɛmma ŋmuŋmoo bɔyɛ. Ŋɩɩ wɩaa mɩ naambii-kpɩanaba, má chɩŋ La Tɩɩna Yesu wɩalɩŋ ma sɩ laa dii lɛ kpaŋ kpaŋ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.