Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kɔrɩntɩ Nɩaa 1:12 - WƖA TENIŊ

12 Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

အခန်းကိုကြည့်ပါ။ ကော်ပီ




2 Kɔrɩntɩ Nɩaa 1:12
40 ပူးပေါင်းရင်းမြစ်များ  

Mɩɩ to La TƖƖNA wombiee nɛ, mɩ ha bɩ Wɩa harɩŋ lɩa a ŋaa wʋbɔŋ.


Wɩa nɛ jaŋ kpʋmɛ ma, ama mɩ ha jaŋ gbɛrɛ, a bʋl wɩɩ-la mɩ sɩ kɛnɛ ʋ sɩɩŋ lɛ.


“Mɩ Tɩɩna, liisi ŋɩɩ mɩ sɩ kɛŋ wʋtɩtɩɩ a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.


Pɔɔl fa sɩ chɩŋ ŋɩɩ, ʋ chaarɛ ʋ sɩaa pɛ nɩalɩŋ fa sɩ yie hilime vʋvʋʋrɛ wɩaa lɛ aŋ bʋla pɩba, “Mɩ naambiiriŋ, mɩ to Wɩa mɩ mɩɩsɩŋ kala lɛ nɛ. Mɩ sɩ tou, mɩ tʋɔbɩɩnaa kala yie chesi nɛ a kaa kɔ tapʋlʋŋ deeŋ.”


Mɩ yie wʋwalɩmɛ woruŋ dɩ mɩ tʋɔbɩɩnaa kala chesi Wɩa arɩ nuhuobiinee kala sɩpaaŋ.


Mɩ sɩɩ chɛ dɩ mɩ bʋl wɩɩ-la ŋaa wʋtɩtɩɩ nɛ. Mɩ sɩ ŋaa Kirisito nʋʋ ŋɩɩ, mɩ bɩ wɩaa nyɩɛ. Wɩa Dɩŋ-zɔŋ-la sɩɩ beŋ mɩ tʋɔbɩɩnaa ŋɩɩ, ʋ ma leŋe mɩ jɩŋ arɩ mɩ bɩ wɩaa ka nyɩɛ.


Kirisito bɩ mɩ tɩma dɩ mɩ kʋ fo nɩaa Wɩɩchʋɔlɛ lɩɩŋ. Ʋ tɩmmɛ dɩ mɩ kʋ bʋl Wɩa wʋzɔmɔ-la nɛ. Nuhuobiine wʋjɩmɩŋ dee ʋ joŋo pɩmɛ mɩ kaa bʋbʋl wɩalɩŋ. Ʋ ŋaa ŋɩɩ dɩ dol-la sɩ lɩɩ Kirisito lɛ, a tɩŋ ʋ sɩ sʋʋ daagɛsɛ nyuŋ, sɩ́ pɛɩ ŋaa nɛ.


Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.


Ama Wɩa dii zile mɩ lɛ woruŋ. Ʋ nɛ leŋe mɩ ŋaa nʋʋ lɛɛlɛ, ʋ zile ma bɩ pɛɩ ŋaa, ama mɩ nɛ faasa tɩŋ kɩŋkɛŋ, a kɩɩ ba kala. Mɩ tɩtɩa doluŋ lɛ dee mɩ wuo tɩtɩŋ, ama Wɩa dol-la ʋ sɩ joŋo pɩmɛ nɛ tɩɩ.


La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.


Mɩ tʋɔbɩɩnaa kala chese nɛ. Ama mɩ saa bɩ jaŋ wuo bʋl arɩ mɩ bɩ wɩɩ cheye. La Tɩɩna Wɩa nɛ jaŋ dagɛ arɩ mɩ cheye nɛ koo mɩ bɩ cheye.


Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.


Ma bɩɩna dɩ mɩ nɩɩ chɛ dɩ mɩ ŋaa wɩɩ, mɩ bɩ jaŋ bɩɩnɛ aŋ-na ŋaa? Ma bɩra bɩɩna mɩɩ ŋaa mɩ wɩaa arɩ dʋnɩa nɩaa sɩɩ ŋaa ŋɩɩ nɛɛ, dɩ mɩ sɛɩ wɩɩŋ aŋ bɩra bʋl mɩ bɩ wɩɩ-la sɛyɛ naabʋɔsʋ-la tɩtɩa lɛɛ?


Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.


Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.


Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.


Mɩ bɩ maa fʋgɛ dɩ ma joŋ kɩaa pɩpɩ nɩaa. Nɩaa dɔnsʋŋ fɩɛsɛ sɩɩŋ nɛ a cho dɩ ba ŋaa kɩaa kpɩkpaa nɩaa. Ŋɩɩ nɛ tɩɩ mɩɩ chɛ dɩ ma ma dagɛ arɩ wʋtɩtɩɩ, ma sɛnɛ cho nɩaa nɛ.


Nʋʋkala maga ʋ beŋ ʋ tɩtɩa wʋŋaalaa lɛ a na dɩ ba tʋʋla nɛ koo ba bɩ tʋʋla. Dɩ ba nɛ tʋʋla, ʋ jaŋ wuo bigisi ʋ tɩtɩa lɛ a tɩŋ ʋ wʋŋaalɩa-la wɩaa, aŋ sɩ́ ʋ tɩtɩa kaa magɩsɛ ʋ dɔnsʋŋ tɩŋŋaa,


Má chɩŋ kpaŋ kpaŋ, má leŋ dɩ wʋtɩtɩɩ-la ma sɩ nɩa nagɛ ma laalɩyuori damɛrɛ a vɔɔ ma tɩŋa lɛ, a leŋ dɩ tʋɔpʋla nagɛ ma hɔɔŋ-bɔɩ-tɔɔrɩ-gɛrɩŋ a tɔ ma harɩŋ arɩ ma sɩpaaŋ kala,


Wʋjɩmɩɩ-la jaŋ leŋ dɩ ma lɩɩsɛ wʋzɔŋŋɔɔ a ŋɩŋaa. Dɩ ma nɛ ŋaa ŋɩɩ, ma jaŋ wuo lɩɩsɛ ma tɩtɩa disiniŋ lɛ, a sɩ́ wɩɩkala ŋaa chei a mʋ yi tapʋlɩɩ-la Kirisito sɩ jaŋ kɔ.


Ma dɩ Wɩa kala ŋaa la sɩada tɩŋŋaa nɛ arɩ la fa sɩ hɛ ma nɩalɩŋ sɩ laa Yesu wɩaa dii teeŋ, la wʋŋaalaa kala fa to Wɩa wombiiŋ nɛ a ŋaa wʋtɩtɩɩba. La bɩ wɩɩkala ŋaa chei.


Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.


Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.


Má sʋl Wɩa pɩpɩla bʋa na-kala lɛ. La jɩma la tʋɔbɩɩnaa kala chese nɛ. Wɩɩ-na kala la sɩɩ ŋaa lɛ, la yie chɩchɛ dɩ la ŋaaʋ ʋ bʋa lɛ nɛ.


Ama Wɩa fá la nenige nɛ woruŋ a pɩpɛ la lɛ dɩ la joŋ la tɩtɩa kala a pʋ. Ŋɩɩ nɛ tɩɩ ba ŋmʋnsɛ Wɩa teniŋ tʋɔŋ arɩ Wɩa vɩa nɩalɩŋ sɩɩ bigisi ba tɩtɩa lɛ nɛ aŋ pɩpɛ nɩalɩŋ sɩ kɛŋ ba tɩtɩa muuri lɛ.


Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.


Bʋa na-kala lɛ, má leŋ dɩ ma tʋɔbɩɩnaa chesi, dɩ ma wʋŋaalaa dagɛ arɩ maa to Kirisito nɛ. Dɩ ma nɩɩ ŋaa ŋɩɩ, hɩɩsɩŋ jaŋ dii nɩalɩŋ sɩɩ chei ma yɩrɩŋ.


Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ