2 Kɔrɩntɩ Nɩaa 1:10 - WƖA TENIŊ

¹⁰ Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla.

2 Kɔrɩntɩ Nɩaa 1:10 ပူးပေါင်းရင်းမြစ်များ

WƖA YƖƖLAA 34:19

Wʋwalɩmaa jaŋ wuo yʋgɛ a jʋʋ tʋɔpʋl tɩŋŋaa, ama La Tɩɩna nɛ yie laaba ta wɩalɩŋ kala lɛ.

AZAAYA 46:3

La TƖƖNA sɩ, “Má nɩalɩŋ sɩ ka Jekɔb doho nɩaa tʋɔŋ, má jegile nɩɩ mɩ teeŋ. Mɩ beŋ ma nyuŋ nɛ a lɩɩ bʋa-la lɛ ba sɩ lʋlma.

DANƖƐL 3:17

Kuoro, dɩ ba nɛ jonla yuo hɛ nyiŋ-balɩŋ tʋɔŋ, Wɩa-la la sɩɩ to jaŋ laala ta ʋ lɛ, a laala ta ŋ nɩsɩŋ ma lɛ.

DANƖƐL 6:16

Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”

Tɩntɩŋŋaa 26:21

Wɩɩŋ deeŋ wɩaa nɛ tɩɩ Juu tɩŋŋaa kɛmmɛ Wɩa dɩɩ-bal-la lɛ aa chɛ dɩ ba kpʋmɛ.

Rom Tɩŋŋaa 15:31

dɩ Wɩa lɩɩsɛmɛ nɩalɩŋ sɩ vɩa Wɩa wɩaa nɩsɩŋ lɛ a hɛ Judiya tinteeŋ lɛ. Má bɩra sʋl Wɩa dɩ ʋ nɩalɩŋ sɩ hɛ Jerusalɛm lɛ, dɩ ba tʋɔŋ tɔrɛ kɩalɩŋ mɩ sɩ jaŋ kaa mʋ pɩba nyuŋ.

2 Kɔrɩntɩ Nɩaa 1:9

Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ.

2 Kɔrɩntɩ Nɩaa 6:9

Nuhuobiinee bɩ la jɩŋ, ama Wɩa-na jɩŋ-la nɛ. Nɩaa bɩɩna arɩ la sʋba nɛ, ama Wɩa teeŋ la weye nɛ. Baa dɔgɩsɛla nɛ, ama ba bɩ la kpʋa.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

1 SAMƲƐL 17:37

La TƖƖNA sɩ lɩɩsɛmɛ naachigee arɩ lʋgʋmaa niiŋ lɛ, ʋ jaŋ lɩɩsɛmɛ Fɩlɩsɩtɩa tɩɩna deeŋ ma nɩsɩŋ lɛ.” Ŋɩɩ nɛ Sɔɔl bʋla pɩ Devit, “Mʋ, La TƖƖNA jaŋ chɩŋ ŋ harɩŋ.”

1 SAMƲƐL 7:12

Ŋɩɩ nɛ Samʋɛl joŋ tabɩɩŋ a pɛ ʋ chɩŋ Mɩzɩpa arɩ lee-la ba sɩɩ yɩrɛ Sɛŋ pɛgɛ. Ʋ hɛ tabɩɩ-la yɩrɩŋ Ɛbɛnɩza, aŋ bʋl, “La TƖƖNA nɛ pɛ la lɛ faafaa kala a kaa kɔ jɩnɩŋ.”