2 Kɔrɩntɩ Nɩaa 1:1 - WƖA TENIŊ

¹ Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

2 Kɔrɩntɩ Nɩaa 1:1 ပူးပေါင်းရင်းမြစ်များ

Tɩntɩŋŋaa 16:1

Ŋɩɩ nɛ Pɔɔl arɩ Saalas sii mʋ Dɛɛbɩ, a lɩɩ nɩmɛ a mʋ Lisita. Yesu harɩ-tooru kʋbala fa hɛ nɩmɛ, baa yɩrɛ Timoti. Ʋ naaŋ ŋaa Juu tɩɩna nɛ a ma fa laa Yesu wɩaa dii, aŋ ka ʋ nyɩmma fa ŋaa Giriik tɩɩna.

Rom Tɩŋŋaa 15:26

Nɩalɩŋ sɩ laa Wɩa wɩaa dii Masidoonia arɩ Akaaya tinteeŋ lɛ, ba tʋɔŋ tɔrɔ nɛ ba sɩ kɩɛsɛ moribiee dɩ ba pɛ summo-la sɩ hɛ Wɩa nɩaa tʋɔŋ Jerusalɛm lɛ.

Rom Tɩŋŋaa 16:21

Timoti mɩ tɩntɩnnɩ-dɔŋɔ, ʋʋ chʋɔlɛma. Lusias arɩ Jaasɩŋ arɩ Sɔsɩpata ma chʋɔlɛma. Ba ma ŋaa Juu tɩmma nɛ.

Rom Tɩŋŋaa 16:5

Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ.

1 Kɔrɩntɩ Nɩaa 10:32

Wɩɩ-na kala ma sɩɩ ŋaa lɛ, má pɔ ma tɩtɩa lɛ. Má sɩ́ leŋe dɩ Juu tɩŋŋaa koo nɩalɩŋ sɩ bɩ Juu tɩŋŋaa ŋaa vɩa Wɩa wombiiŋ. Má sɩ́ leŋe dɩ nɩalɩŋ ma sɩ laa Yesu wɩaa dii aa hilimi, dɩ ba dɔŋɔ ma tel.

1 Kɔrɩntɩ Nɩaa 16:10

Dɩ Timoti nɛ kɔ ma teeŋ, má kɛnʋ woruŋ, dɩ ʋ sɩ́ wɩɩkala fá. Mɩ dɩ ʋ kala nɩɩ tɩŋ Wɩa tɩntɩmɩa-la.

1 Kɔrɩntɩ Nɩaa 16:15

Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri,

1 Kɔrɩntɩ Nɩaa 16:24

Yesu Kirisito yɩrɩŋ lɛ, mɩ cho ma kala nɛ. Amɩɩ.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

2 Kɔrɩntɩ Nɩaa 1:19

Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl.

2 Kɔrɩntɩ Nɩaa 1:23

Arɩ Wɩa, wɩalɩŋ kala mɩ sɩ bʋla ŋaa wʋtɩtɩɩ nɛ. Mɩ bɩ ma teeŋ kɔ Kɔrɩntɩ lɛ, bɛɛ wɩaa mɩ fa bɩ chɛ dɩ mɩ walɩmɛma.

2 Kɔrɩntɩ Nɩaa 11:10

Mɩ kɛŋ Kirisito wʋtɩtɩɩ-la nɛ. Nʋʋkala tuo Akaaya tinteeŋ lɛ sɩ jaŋ bʋl dɩ mɩ sɩ́ mɩ tɩtɩa lɛ bigisu wɩɩŋ deeŋ lɛ.

2 Kɔrɩntɩ Nɩaa 9:2

bɛɛ wɩaa mɩ paala jɩŋ arɩ ma kɛŋ ma tɩtɩa nɛ dɩ ma pɛ ba lɛ. Ŋɩɩ wɩaa nɛ tɩɩ mɩ bigisi ma lɛ a pɩ Wɩa nɩalɩŋ sɩ hɛ Masidoonia tinteeŋ lɛ. Mɩ bʋla pɩba arɩ nɩalɩŋ sɩ hɛ Akaaya tinteeŋ lɛ kɛŋ ba tɩtɩa hɛ dɔŋɔ harɩŋ jɩna-la lɛ nɛ dɩ ba pɛ Wɩa nɩaa lɛ. Ma sɩ fɩɛsɛ sɩɩŋ ŋɩɩ, ma leŋe ba nɩaa jesiŋ kala nɛ cho dɩ ba pɛ a kɩɛsɛ kɩaa pɩpɩ nɩalɩŋ.

Galiisia Nɩaa 1:1

Mɩ-na Pɔɔl sɩ ŋaa Yesu Kirisito nanzɔɔ nɛ ŋmʋnsɛ teniŋ deeŋ aa pɩ ma nɩalɩŋ sɩ laa Yesu wɩaa dii aa hilimi Galiisia tinteeŋ lɛ. Yesu Kirisito arɩ ʋ Nyɩmma Wɩa sɩ chɩsʋ sʋʋŋ lɛ nɛ lɩɩsɛmɛ a tɩmmɛ, nuhuobiinee dee bɩ mɩ lɩɩsa.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Ɛfɛsɩs Nɩaa 1:1

Mɩ-na Pɔɔl nɛ ŋmʋnsɛ teniŋ deeŋ a pɩpɩ ma Wɩa nɩalɩŋ sɩ hɛ Ɛfɛsɩs lɛ a laa Yesu Kirisito dii arɩ wʋtɩtɩɩ. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ.

Fɩlɩpa Nɩaa 1:1

Mɩ-na Pɔɔl arɩ Timoti sɩ ŋaa Yesu Kirisito tɩntɩnnaa nɛ ŋmʋnsɛ teniŋ deeŋ aa pɩ Wɩa nɩaa kala sɩ hɛ Fɩlɩpa lɛ a laa Yesu Kirisito wɩaa dii. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi nɩhɩasɩŋ arɩ nɩalɩŋ sɩ pɛ nɩhɩasɩ-la lɛ nɛ.

1 Tɛsalonaaka Nɩaa 1:1

Mɩ-na Pɔɔl arɩ Sɩlas arɩ Timoti nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Tɛsalonaaka lɛ a ŋaa la Nyɩmma Wɩa arɩ La Tɩɩna Yesu Kirisito nɩaa. Wɩa jaŋ pɛ ma lɛ dɩ ma hɔŋ arɩ yarɩfɩɛlaa.

1 Tɛsalonaaka Nɩaa 3:2

La tɩŋ la naambie Timoti dɩ ʋ kʋ nama. Ʋ ŋaa la naambii nɛ, a ŋaa la tɩntɩnnɩ dɔŋ ma, a bʋl Wɩa wʋzɔmɔ-la sɩ tɩgɛ Kirisito lɛ a pɩpɩ nɩaa. La tɩmʋ dɩ ʋ kʋ bʋl wɩaa a nyaasɛ ma nyuŋ dɩ ma chɩŋ wɩalɩŋ ma sɩ laa dii lɛ woruŋ,

2 Tɛsalonaaka Nɩaa 1:1

Mɩ-na Pɔɔl arɩ Sɩlɩvaanʋs arɩ Timoti nɛ ŋmʋnsɛ teniŋ deeŋ pɩpɩ ma nɩalɩŋ sɩ laa Yesu wɩaa dii aa hilimi Tɛsalonaaka lɛ, a ŋaa la Nyɩmma Wɩa, arɩ La Tɩɩna Yesu Kirisito nɩaa.

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

2 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Yesu Kirisito nanzɔɔ. Wɩa bʋla pɩla dɩ ʋ to Yesu Kirisito lɛ nɛ a joŋ mɩɩsɩŋ pɩla. Mɩɩsɩ-la wɩaa nɛ ʋ tɩmmɛ dɩ mɩ bʋla pɩ nɩaa.

Taatɩs 1:1

Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

Fɩlɩmɔŋ 1:1

Mɩ-na Pɔɔl, nɩɩ-la ba sɩ kaa tɔ dɩa a tɩŋ Yesu Kirisito wɩaa arɩ la naambie Timoti nɛ ŋmʋnsɛ teniŋ deeŋ aa pɩ ŋ-na Fɩlɩmɔŋ. Ŋ ŋaa la nandɔŋ-choolii nɛ, a bɩra ŋaa la tɩtɩnnɩ dɔŋ ma.

Hiburu TƖŊŊAA 13:23

Mɩɩ chɛ dɩ ma jɩŋ arɩ la naambie Timoti ba fa sɩ kaa tɔ dɩa, ba lɩɩsʋ nɛ. Dɩ ʋ nɛ kɔ mɩ teeŋ lɩma, mɩ dɩ ʋ kala jaŋ kɔ ma teeŋ.