1 Pɩɩta 5:3 - WƖA TENIŊ

³ Má sɩ́ doluŋ kaa beŋ nɩalɩŋ Wɩa sɩ joŋo hɛ ma nɩsɩŋ lɛ. Ama má leŋ dɩ ba na arɩ ma mɛlɛ zɔmɔ, dɩ ba tuto ma naabʋɔsʋŋ.

1 Pɩɩta 5:3 ပူးပေါင်းရင်းမြစ်များ

WƖA YƖƖLAA 33:12

Tintee kala nɩaa sɩɩ to La Tɩɩna, jaŋ kɛŋ tʋɔtɔrʋŋ. Nɩalɩŋ ma ʋ sɩ lɩɩsa ba ŋaa ʋ nɩaa jaŋ kɛŋ tʋɔtɔrʋŋ.

WƖA YƖƖLAA 74:2

Liisi nɩalɩŋ ŋ sɩ laa ta faafaa kala wɩaa, ba nɛ doho-la nɩaa ŋ sɩ lɩɩsa ba ŋaa ŋ nɩaa, ŋ laaba ta. Bɩɩnɛ Zaayɔŋ peeliŋ wɩaa, lee-la ŋ fa sɩ hɛ.

ƐZƖKƖƐL 34:4

Pʋsʋ-la sɩ pʋgʋma, ma bɩ ŋaa ba kɛŋ doluŋ, kɩalɩŋ ma sɩɩ wɩɩlʋ, ma bɩ ba vaara, kɩalɩŋ ma sɩ pɩra, ma bɩ ba naawɩɩlaa vɔɔ tɔ. Kɩalɩŋ sɩ yeŋŋe koo a lɛl, ma bɩ ba chɛ kɛsɛ. Ma bemba arɩ tʋɔhɛɛŋ nɛ a bɩ ba nenige fá.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

NAMBABA 18:7

Ŋ dɩ ŋ hambolibiisiŋ dʋndʋŋa nɛ maga dɩ ma ŋaa Wɩɩsʋllɩ sɩpaalaaraa, a tɩtɩŋ Wɩɩsʋllɩ koru-la nyuŋ arɩ mɩ dɩ-zɔŋ-la sɩpaaŋ lee-la zɔmʋŋ sɩ bɩ magɩa kɛnɛ tɩntɩŋŋaa. Mɩ joŋ Wɩɩsʋllɩ sɩpaalaaraa tɩntɩŋŋaa dii zile pɩma nɛ. Dɩ nɩwogo dɔŋ kala nɛ kʋ kpagɛ mɩ dɩ-zɔŋ-la, ʋ maga dɩ ma kpʋʋ.”

Jɔɔŋ 13:15

Mɩ laa sɩpaaŋ ŋaa ma na nɛ, dɩ ma ma ŋɩŋaa ŋɩɩ dɔŋɔ lɛ.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

1 Kɔrɩntɩ Nɩaa 11:11

Nɩalɩŋ sɩ laa Kirisito wɩaa dii lɛ, baala bɩ ʋ tɩtɩa tɩɩ, haala ma bɩ ʋ tɩtɩa tɩɩ, ba kala tɩɩ dɔŋɔ nɛ.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

2 Kɔrɩntɩ Nɩaa 1:24

La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.

2 Kɔrɩntɩ Nɩaa 4:5

Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

MOSIS BƖRA WULLI WƖA WOMBIIŊ 32:9

Ama La TƖƖNA lɩɩsɛ Jekɔb doho nɩaa nɛ dɩ ba ŋaa ʋ nɩaa.

Fɩlɩpa Nɩaa 3:17

Mɩ naambiiriŋ, má kala chichesi mɩ wʋŋaalaa. Má tuto nɩalɩŋ sɩɩ to wɩalɩŋ la sɩ dagɛma naabʋɔsʋŋ.

Fɩlɩpa Nɩaa 4:9

Wɩalɩŋ kala mɩ sɩ bʋla pɩma, arɩ wɩalɩŋ kala mɩ sɩ dagɛma, arɩ wɩalɩŋ kala ma sɩ nɩa dɩ mɩɩ bʋl, arɩ wɩalɩŋ kala ma sɩ gʋnna mɩ teeŋ, arɩ wɩalɩŋ kala ma sɩ na mɩɩ ŋaa, má kɛmba tɩntɩŋ. Dɩ ma nɛ ŋaa ŋɩɩ, Wɩa sɩɩ pɩ nɩaa fɩɛlɩŋ jaŋ hɛ ma teeŋ.

1 Tɛsalonaaka Nɩaa 1:7

A tɩŋ wɩɩŋ deeŋ wɩaa nɩalɩŋ kala sɩ laa Yesu wɩaa dii a hɛ Masidoonia arɩ Akaaya tinteeŋ lɛ chɛbɛ ma lɛ nɛ.

2 Tɛsalonaaka Nɩaa 3:9

La sɩ ŋaa ŋɩɩ, ʋ bɩ naga arɩ la bɩ wombiiŋ kɛnɛ dɩ la laa kɩaa ma teeŋ nɛ. Ama la faasa tɩŋ ŋɩɩ dɩ ma wuo to la naabʋɔsʋŋ nɛ.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.