1 Pɩɩta 1:3 - WƖA TENIŊ

³ Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 1:3 ပူးပေါင်းရင်းမြစ်များ

1 KUOROO 8:15

Ŋɩɩ nɛ ʋ bɩra bʋl, “Má dɛnnɛ La TƖƖNA, Iziral tɩŋŋaa Wɩa. Ʋ kɛŋ nii-la ʋ sɩ hɛ pɩ mɩ nyɩmma Devit a tɩŋ nɛ. Ʋ fa sɩ,

1 IZIRAL TƖŊŊAA NAABARƖŊ 29:20

Ŋɩɩ nɛ Devit bʋla pɩ nɩalɩŋ kala sɩ hilime, “Má dɛnnɛ ma TƖƖNA Wɩa.” Ŋɩɩ nɛ ba kala dɛnnɛ La TƖƖNA, ba naabalɩmaba Wɩa, aŋ tuu kpirimi a zil La TƖƖNA arɩ kuoro Devit.

2 IZIRAL TƖŊŊAA NAABARƖŊ 31:8

Hezikaaya arɩ ʋ tɩntɩnnɩ-hɩasɩŋ sɩ kʋ na kɩalɩŋ sɩ chʋɔra ŋɩɩ, ba dɛnnɛ La TƖƖNA aŋ lɔllɛ Iziral nɩalɩŋ ma kala.

WƖA YƖƖLAA 41:13

Má dɛnnɛ La Tɩɩna, Iziral tɩŋŋaa Wɩa a kaa mʋ wuu. Amɩɩ. Amɩɩ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

MOSIS KƐŊ IZIRAL TƖŊŊAA LƖƖ 34:6

Ŋɩɩ nɛ ʋ to Mosis sɩpaaŋ bal aŋ bʋl, “Mɩ nɛ ma TƖƖNA, mɩ nɛ ma TƖƖNA, mɩ nɛ ŋaa Wɩa-la sɩɩ fá nɩaa nenige. Mɩ nɛ ŋaa Wɩa-la nɩaa sɩ jaŋ wuo jʋʋ mɩ lahɔrɩmɔ, mɩ baanɩŋ bɩ lɩma lɩma ka sii, a cho nɩaa kɩŋkɛŋ a kɛŋ wʋtɩtɩɩ,

AZAAYA 26:19

Ama la laa dii arɩ ŋ nɩalɩŋ sɩ sʋba jaŋ sii a kɛŋ mɩɩsɩŋ, nɩalɩŋ kala sɩ hɛ bʋa tʋɔŋ jaŋ sii a yɩɩ yɩɩlaa arɩ tʋɔtɔrʋŋ. A nagɛ nyalɩŋ sɩ yie nyal a leŋ leriŋ fɩɛlɛ ŋɩɩ, ŋɩɩ nɛ nɩalɩŋ sɩ sʋba jaŋ sii sʋʋŋ lɛ a na fɩɛlɩŋ.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Rom Tɩŋŋaa 12:12

Má jʋjʋɔsɛ a tɩŋ wɩalɩŋ ma sɩɩ yɩɛlʋ lɛ. Dɩ ma nɩɩ na hɛɛŋ, má dii kenyiri. Má pɛsɛ a chʋchʋɔlɛ Wɩa.

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

Rom Tɩŋŋaa 4:25

bɛɛ wɩaa ʋ leŋe Yesu sʋʋ a tɩŋ la wʋbɔŋŋɔɔ wɩaa nɛ, a bɩra leŋ ʋ sii sʋʋŋ lɛ dɩ la kɛŋ tʋɔpʋla ʋ sɩpaaŋ.

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

Rom Tɩŋŋaa 8:11

Wɩa nɛ chɩsɛ Yesu sʋʋŋ lɛ. Dɩ ʋ Dɩŋ-zɔŋ-la nɛ hɛ ma lɛ, ʋ jaŋ chɩsɛ ma yara-la sɩ jaŋ pʋa sʋʋŋ lɛ dɩ ma kɛŋ mɩɩsɩŋ, arɩ ʋ sɩ chɩsɛ Yesu sʋʋŋ lɛ ŋɩɩ. Ʋ jaŋ to ʋ Dɩŋ-zɔŋ-la sɩ hɛ ma lɛ nɛ a ŋaa ŋɩɩ.

Rom Tɩŋŋaa 8:24

La sɩ kɛŋ yɩɛlaa Wɩa lɛ nɛ tɩɩ ʋ laala ta. Dɩ la nɛ na wɩalɩŋ la sɩɩ yɩɛlʋ, ʋ bɩra bɩ maga dɩ la yɩyɩɛlɛ wɩɩ. Dɩ nʋʋ nɛ yɩɛlɛ kʋŋ, dɩ ʋ nɛ naʋ, ʋ jaŋ bɩra yɩyɩɛlɛ kʋ-la wɩaa? Aɩ.

1 Kɔrɩntɩ Nɩaa 13:13

Ŋɩɩ-na wɩɩ-la dɩdɛrɩŋ, wɩaa batori nɛ hɛ nɩmɛ. Ba nɛ ŋ-la: Wɩa laa diiniŋ, yɩɛlaa arɩ chonuŋ. Ama wɩaa deemba batorumuŋ tʋɔŋ ba sɩɩfɩaŋ wɩɩŋ nɛ, chonuŋ.

1 Kɔrɩntɩ Nɩaa 15:20

Ama wʋtɩtɩɩ nɛ, Wɩa chɩsɛ Kirisito sʋʋŋ lɛ nɛ. Ʋ ŋɩɩ daga arɩ nɩalɩŋ Wɩa sɩ jaŋ chɩsɛ sʋʋŋ lɛ, Kirisito nɛ nɩɩ-la Wɩa laa sɩpaaŋ chɩsɛ sʋʋŋ lɛ.

2 Kɔrɩntɩ Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma, aa fá nɩaa nenige. Ʋ nɛ yie leŋ nɩalɩŋ tʋɔŋ sɩ cheye tʋɔŋ bɩra tɔrɛ.

Galiisia Nɩaa 6:16

Nɩalɩŋ kala sɩ to wɩɩŋ deeŋ, Wɩa jaŋ fá ba nenige a leŋ dɩ ba hɔŋ arɩ yarɩfɩɛlaa, ba dɩ Wɩa nɩaa kala. Ba nɛ ŋaa Iziral tɩŋŋaa tɩtɩa Wɩa teeŋ.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Ɛfɛsɩs Nɩaa 3:20

Ʋ dol-la ʋ sɩ kaa tɩtɩŋ la lɛ, mɩɩ sʋlʋ dɩ ʋ leŋ dɩ dol-la faasa tɩtɩŋ la tʋɔŋ lɛ. Ʋ nɛ jaŋ wuo ŋaa wɩaa yʋga kɩɩ wɩalɩŋ kala la sɩ sʋlʋ chɩchɛ arɩ wɩalɩŋ kala la sɩɩ bɩɩnʋ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

1 Tɛsalonaaka Nɩaa 4:13

Mɩ naambiiri, laa chɛ dɩ ma jɩŋ wʋtɩtɩɩ-la a mʋ tɩgɛ nɩalɩŋ sɩ sʋba lɛ, dɩ ma tʋɔŋ sɩ́ faasa chei a nagɛ nɩalɩŋ sɩ bɩ kʋŋkala ka yɩɛlɛ tʋɔŋ sɩ chei ŋɩɩ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

1 Timoti 1:14

Aŋ ka La Tɩɩna Wɩa ha pɛ mɩ lɛ kɩŋkɛŋ kɩŋkɛŋ a leŋ mɩ laa Kirisito Yesu dii, aŋ cho nɩaa ma.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 1:23

Ʋ naga ba wasa lʋlma nɛ a tɩŋ Wɩa niiŋ wɩaa sɩɩ pɩ nɩaa mɩɩsɩŋ. Ba nɛ pɩma mɩɩ-falɩŋ. Ba bɩ jaŋ pʋa, ba jaŋ hɛ nɩmɛ a kaa mʋ wuu. Ʋ bɩ nagɛ nuhuobiine sɩɩ sʋʋ nɛ pɩma mɩɩsɩŋ deeŋ. Ama Wɩa sɩ bɩ sʋʋ nɛ pɩma.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

1 Pɩɩta 3:15

Ama ma tʋɔŋ lɛ má fɩfá Kirisito a leŋ dɩ ʋ ŋaa ma Tɩɩna. Bʋa na-kala lɛ, dɩ nʋʋ nɛ pɩɛsɛma dɩ ʋ jɩŋ wɩɩ-la sɩ tɩɩ ma laa Yesu wɩaa dii, ma kɛŋ ma tɩtɩa woruŋ a to wɩɩ-la naasɩŋ pʋ. Ama ma fɩɛlɛ ma sɩaa a bʋl wɩɩ-la.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

1 Pɩɩta 3:5

Faafaa haala-la sɩɩ to Wɩa niiŋ a joŋ ba yɩɛlaa kala hɛ Wɩa lɛ faa dagɛ ba zɔmʋŋ ŋɩɩ lɛ nɛ. Ba yie kɛŋ ba tɩtɩa muuri nɛ aa to ba balaba niiŋ.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:4

bɛɛ wɩaa Wɩa bii kala kɛŋ doluŋ nɛ dʋnɩa wɩaa lɛ. La sɩ laa Wɩa dii nɛ pɩla doluŋ deeŋ la yuo dii dʋnɩa wɩaa.