1 SAMƲƐL 9:5 - WƖA TENIŊ

⁵ Ba sɩ mʋ yi tintee-la ba sɩɩ yɩrɛ Zuf, Sɔɔl bʋla pɩ ʋ dɩ ʋ tɩntɩnnʋ-la sɩɩ vɛŋ, “Kɔ dɩ la mɩɩra mʋ dɩa, dɩ ŋɩɩ dee mɩ nyɩmma jaŋ leŋ kakusu-la wɩaa bɩɩnɩŋ, la wɩaa nɛ jaŋ mɩɩra chɩlʋ.”

1 SAMƲƐL 9:5 ပူးပေါင်းရင်းမြစ်များ

Matiu 6:25

Mɩ bʋlaa pɩma, má sɩ́ ma tɩtɩa walɩmʋ a tɩgɛ kʋdiile-la ma sɩ jaŋ dii koo kɩalɩŋ ma sɩ jaŋ nyʋnyʋa. Má sɩ́ ma tɩtɩa ma walɩmʋ a tɩgɛ gɛnnɩ-la ma sɩɩ chɛ dɩ ma laalɛ. Ma mɩɩsɩŋ nɛ kɩɩ kʋdiilee, ma yaraa ma kɩɩ gɛnnɩŋ.

Matiu 6:28

Dɩ ma nɛ saa bɩ ŋɩɩ wuo ŋaa, bɛɛ nɛ saa tɩɩ ma wʋwalɩmɛ ma tɩtɩa gɛnnɩŋ wɩaa? Má bee na tɩɩfɩɩlaa sɩ hɛ gɩrɩŋ lɛ, ba bɩ tɩŋ, ba bɩ gɛnnɩŋ ma yɛrɛ a lɩlaalɛ,

Matiu 6:34

Má saa sɩ́ ma tɩtɩa walɩmʋ a tɩŋ chiemiŋ wɩaa. Chɛɛ kala kɛŋ ʋ wʋwalɩmɩa nɛ. Má sɩ́ wɩɩ dɔŋ kala kaa pɛ chɛɛ kala wʋwalɩmaa lɛ.

Luuk 12:11

Dɩ ba nɛ kɛmma kaa jʋʋ Wɩɩchʋɔlɛ dɩɩsɩŋ dɩ ba diima sarɩya koo dɩ ba nɛ kɛmma mʋ kuoroo arɩ kʋhɩasɩŋ teeŋ, má sɩ́ leŋe dɩ ma bɔɩsɩŋ joŋ ŋɩɩ ma sɩ jaŋ ŋaa a laa ma tɩtɩa, koo wɩɩ-na kala ma sɩ jaŋ bʋl.

Luuk 12:22

Ŋɩɩ nɛ Yesu bʋla pɩ ʋ harɩ-tooroo, “Mɩ bʋlaa pɩma, má sɩ́ ma tɩtɩa walɩmʋ a tɩgɛ kʋdiile-la ma sɩ jaŋ dii koo gɛnnɩ-la ma sɩɩ chɛ dɩ ma laalɛ.

1 SAMƲƐL 1:1

Baal kʋbala nɛ fa hɛ nɩmɛ, ʋ yɩrɩŋ nɛ Ɛlɩkaana. Ʋ ŋaa Zuf nyɩŋ-nɩaa dɔŋɔ nɛ, a lɩɩ Rama sɩ hɛ Efirem tintee-la peelee sɩ yʋga lɛ. Ʋ nyɩmma yɩrɩŋ nɛ Jeroham. Jeroham ma nyɩmma yɩrɩŋ nɛ Elihu. Elihu ma nyɩmma yɩrɩŋ nɛ Tohu. Tohu ma nyɩmma yɩrɩŋ nɛ Zuf. Zuf fa ŋaa Efirem tɩɩna nɛ.

1 SAMƲƐL 10:2

Dɩ ŋ nɛ tamɛ jɩnɩŋ aŋ mʋmʋ, ŋ jaŋ cheŋ baalaa balɩa dɩ ba kpagɛ Rakɛl vaamɩŋ sɩ pɩŋ lee-la ba sɩɩ yɩrɛ Zɛlɩza, a hɛ Bɛnjamɩŋ tinteeŋ bʋa. Ba jaŋ bʋla pɩŋ arɩ kakusu-la ŋ sɩ lɩɩ chɩchɛ, ba naba nɛ. Ŋ nyɩmma bɩra bɩ ba-na wɩaa ka bɩɩnɛ, ŋ wɩaa nɛ mɩɩraa walɩmʋ lɛɛlɛ. Ʋ pɩpɩɛsɛ, ‘Ɛɛ nɛ mɩ jaŋ ŋaa mɩ nanʋala deeŋ wɩaa?’