1 SAMƲƐL 8:9 - WƖA TENIŊ

⁹ Ŋ-na jegile nɩɩ ba teeŋ, ama kpʋrɩsɛ ba dɩgɩlaa woruŋ, a leŋ dɩ ba jɩŋ wɩalɩŋ kala kuoru-la sɩ jaŋ joŋo ŋaa ba lɛ.”

1 SAMƲƐL 8:9 ပူးပေါင်းရင်းမြစ်များ

JƐRƖMAAYA 11:7

A chɩŋ bʋa-la lɛ mɩ fa sɩ kɛŋ ma naabalɩmaba a lɩɩ Ijipiti tinteeŋ lɛ a kaa kʋ yi jɩnɩŋ, mɩ kpʋrɩsɛ ba dɩgɩlaa bʋlɩa bʋlɩa nɛ a bʋl: Má to mɩ niiŋ.

ƐZƖKƖƐL 3:18

Dɩ mɩ nɛ bʋla pɩ nɩbɔmʋŋ, ‘Ŋ jaŋ sʋʋ,’ ka dɩ ŋ vɩa dɩ ŋ kpʋrɩsɛ ʋ dɩgɩlaa dɩ ʋ leŋ wʋbɔŋŋɔɔ ŋaanɩŋ a laa ʋ mɩɩsɩŋ, ʋ jaŋ sʋʋ a tɩŋ ʋ wʋbɔmɔ-la wɩaa, dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

ƐZƖKƖƐL 46:18

Sɩpaalaarʋ-la bɩ maga ʋ kɛŋ Iziral tɩŋŋaa tinteeŋ laa, a kiriba ta ba tinteeŋ lɛ. Ʋ maga ʋ keri tintee-la sɩ ŋaa ʋ kʋa nɛ a pɩ ʋ hambolibiisiŋ, dɩ mɩ nɩaa kʋŋkala tinteeŋ sɩ́ lɛl ba nɩsɩŋ lɛ.”

1 SAMƲƐL 10:25

Samʋɛl dagɛ nɩalɩŋ kuoruŋ wombiee, aŋ ŋmʋnsa hɛ teniŋ lɛ a joŋo bil La TƖƖNA sɩpaaŋ. Ŋɩɩ nɛ aŋ ka Samʋɛl ta nɩalɩŋ kala ba mɩɩra mʋ ba dɩɩsɩŋ.

1 SAMƲƐL 12:1

Ŋɩɩ nɛ Samʋɛl bʋla pɩ Iziral tɩŋŋaa kala, “Mɩ jegile nɩɩ wɩalɩŋ kala ma sɩ bʋla pɩmɛ nɛ, a bil kuoro pɩma dɩ ʋ bibemma.

1 SAMƲƐL 14:52

Sɔɔl mɩɩsɩŋ kala lɛ, ʋ dɩ Fɩlɩsɩtɩa tɩŋŋaa chaasa yuo laalɩŋ nɛ woruŋ. Dɩ Sɔɔl nɛ na nɩduo koo bɔɩ-duo tɩɩna na-kala, ʋ yie kɛnʋ pɛ ʋ laalɩyuoroo lɛ nɛ.

1 SAMƲƐL 2:13

Ba bɩ wombie-la Wɩɩsʋllɩ sɩpaalaaraa sɩ maga dɩ ba to a laa kɩaa nɩaa teeŋ ka to. Ba wɩɩŋ nɛ, dɩ nʋʋ nɛ kpʋ pʋna a sʋl Wɩɩsʋlʋŋ a joŋ nammɩa-la chɔ, ba kʋŋkala yie tɩŋ ʋ tɩntɩnna, ʋ joŋ nammɩɩ-lɩɩsɩrɩ laha sɩ kɛŋ kerikee batori a kori.

1 SAMƲƐL 8:8

A chɩŋ tapʋlɩɩ-la lɛ mɩ sɩ kɛmba lɩɩ Ijipiti tinteeŋ lɛ a kaa kɔ jɩnɩŋ, ba vɩamɛ nɛ aŋ tuto vesiŋ, ŋɩɩ tɩtɩa nɛ ba joŋo ŋɩŋaa ŋ ma lɛ ŋɩɩ.