18 Dɩ tapʋlɩɩ-la nɛ yie, ma jaŋ yele chɩchɛ dɩ La TƖƖNA laama ta kuoru-la ma sɩɩ chɛ nɩsɩŋ lɛ, ka dɩ ʋ fʋʋla yagɛma.”
Bʋla pɩba arɩ ŋ nyɩmma leŋe ba tɩŋ tɩntɩŋ-duoruŋ nɛ, ama ŋ jaŋ leŋ dɩ ba wasa tɩŋ tɩntɩŋ-duoruŋ a kɩɩ ŋɩɩ. Ŋ nyɩmma vɩɩrɛba arɩ kpaasa nɛ, ama ŋ-na jaŋ joŋ hɔɔnʋŋ a hɛ kpaasɩ-biee niiriŋ lɛ a kaa vɩɩrɛba.”
Dɩ nɩɩ-la sɩ bɩ Wɩa ka to nɛ sʋba, dɩ Wɩa nɛ laa ʋ mɩɩsɩŋ, bɛɛ kʋŋ yɩɛlaa nɛ ʋ kɛŋ?
Dɩ wɩaa nɛ jʋʋ-ʋ dɩ ʋ yele pɩ Wɩa, ma bɩɩna ʋ jaŋ jegile nɩɩ ʋ teeŋ?
Ba ŋmoo niiŋ a chɩchɛ nʋʋ nɛ dɩ ʋ pɛ ba lɛ, ka nʋʋ tuo dɩ ʋ laaba ta. Ba yɩrɛ ŋ-na La TƖƖNA ma, ŋ fʋʋla yagɛba.
Dɩ nʋʋ nɛ vɩa dɩ ʋ nɩɩ summo yele, ʋ ma jaŋ yel, ka nʋʋkala bɩ jaŋ jegili ʋ teeŋ.
Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.
La TƖƖNA bɩ nɩpʋgʋ ŋaa a bɩ ma wuo laa tɩta. Ʋ dɩgɩlaa ma bɩ kparɩma, ʋ sɩ bɩ jaŋ wuo nɩɩ ma sɩɩ yɩrʋ dɩ ʋ pɛ ma lɛ.
Tʋɔ-cheeŋ arɩ losuŋ jaŋ jʋʋba, dɩ ba gɔllɔ baarɛ tintee-la lɛ. Dɩ losu-la nɛ jʋʋba, ba baanɩŋ jaŋ sii woruŋ dɩ ba wʋla beŋ wɩa-nyuŋ a chɛ kʋŋ ka, aŋ bʋl wʋbɔŋŋɔɔ tɩgɛ ba kuoro arɩ ba Wɩa lɛ.
Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”
Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”
Tapʋlɩɩ kʋbala dɩa-la tɩɩna jaŋ sii a kɛŋ ʋ boiŋ tɔ. Ka ŋ-na jaŋ hɛ jeeŋ harɩŋ a du boro a sʋsʋl, ‘La Tɩɩna, kɛŋ boro suro pɩla.’ Ŋɩɩ nɛ ʋ jaŋ bʋla pɩma, ‘Mɩ bɩ lee-la ma sɩ lɩa jɩŋ.’
Ʋ jaŋ laa ma piesee arɩ bʋʋnaa fii na-kala tʋɔŋ kʋbala, ka dɩ ma tɩtɩa ŋaa ʋ yosi.