1 SAMƲƐL 7:6 - WƖA TENIŊ

⁶ Ba sɩ kʋ hilimi Mɩzɩpa lɛ, ba ŋaa lɩɩŋ a ta La TƖƖNA sɩpaaŋ a sʋlʋ, aŋ vɔɔ niiŋ tapʋlɩɩ-la kala a bʋl, “La ŋaa wʋbɔŋ nɛ La TƖƖNA lɛ.” Samʋɛl nɛ fa ŋaa Iziral tɩŋŋaa sɩpaalaara Mɩzɩpa lɛ.

1 SAMƲƐL 7:6 ပူးပေါင်းရင်းမြစ်များ

WƖAA DƖ-SUOMUŊ 31:49

Ʋ bɩra kɛŋ lee-la yɩrɛ Mɩzɩpa, aŋ bʋl, “La TƖƖNA jaŋ benla dɩ la nɛ pɔrɛ dɔŋɔ lɛ ma.

2 SAMƲƐL 14:14

La kala jaŋ sʋʋ, la nagɛ lɩɩŋ sɩ bɩsa ta tinteeŋ nɛ, nʋʋkala bɩ jaŋ wuo paa. Ama Wɩa bɩ laa kpʋ, ʋ yie chɛ wombiiŋ nɛ a kɛsɛ la nɩalɩŋ sɩ lɛlɛ a kaa kʋ kpagɛ ʋ tɩtɩa.

1 KUOROO 8:47

dɩ ba nɛ hɛ tintee-la ba sɩ kɛsɛba mʋ ba ŋaa yosi lɛ, aŋ bɩrɩmɛ ba tʋɔbɩɩnaa a sʋlʋŋ arɩ wʋbɔmɔ-la ba sɩ ŋaa ba cheye nɛ,

1 IZIRAL TƖŊŊAA NAABARƖŊ 11:18

Ŋɩɩ nɛ laalɩyuori-babiibala-la batori wuo nyɩgɩsa to Fɩlɩsɩtɩa laalɩyuoro-la tʋɔŋ, a mʋ ŋaa lɩɩŋ vil-la sɩ kpagɛ Bɛtɩlɛhɛm boi-baalɩŋ lɛ a kaa kʋ pɩ Devit. Ama ʋ vɩa lɩɩ-la aŋ joŋo bɩsa ta La TƖƖNA sɩpaaŋ,

2 IZIRAL TƖŊŊAA NAABARƖŊ 20:3

Fawʋllʋŋ kɛŋ Jehosafat, ʋ pɩɛsɛ La TƖƖNA dɩ ʋ na wɩɩ-la sɩ maga dɩ ʋ ŋaa, aŋ heele bʋla pɩ Juda tinteeŋ nɩaa kala ba vɔɔ niiŋ.

NƐHƖMAAYA 9:27

Ŋɩɩ nɛ ŋ jomba hɛ ba dʋndɔŋŋɔɔ nɩsɩŋ lɛ, ba dɔgɩsɛba. Ama ba sɩ dɔgɩsɛba, ba yele pɩŋ nɛ. Ŋ hɛ ŋ jaŋ lɛ nɛ aŋ nɩɩ, a tɩŋ ŋ sɩ faasa fɩfá nɩaa nenige wɩaa, ŋ pɩba laataaraa nɛ, ba laaba ta ba dʋndɔmɔ-la nɩsɩŋ lɛ.

JOB 16:20

Mɩ nandɔnsʋŋ ka sieri mɩ lɛ nɛ, mɩ sɩaa sɩɩ pɛllɛ sɩlɩɩrɩŋ, ka mɩɩ sʋl Wɩa.

JOB 3:24

Hʋʋna vɔgɛmɛ nɛ a nagɛ kʋdiilee, aŋ pɩpɛllɛ a nagɛ lɩɩŋ.

JOB 33:27

Ŋɩɩ lɛ nɛ ʋ jaŋ kʋ bʋla pɩ nɩaa, ‘Mɩ ŋaa wʋbɔŋ nɛ a kɛŋ wʋtɩtɩɩ a kaa bɩrɩmɛ. Ama Wɩa joŋo chɛmɛ nɛ.

JOB 40:4

“Mɩ bɩ kʋŋkala ŋaa, wʋbɛɛ nɛ mɩ jaŋ wuo laa bʋl ŋ niiŋ lɛ? Mɩ tɔ mɩ niiŋ nɛ, mɩ bɩ jaŋ bʋl wɩɩkala.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

WƖA YƖƖLAA 106:6

La ŋaa wʋbɔŋŋɔɔ nɛ arɩ la naabalɩmaba fa sɩ ŋaa ŋɩɩ. La ŋaa nɩbɔmɔ nɛ a ŋaa wʋbɔŋŋɔɔ.

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 42:3

Mɩ yele nɛ wɩɩhɛyɛ arɩ tɩtaŋɩŋ kala. Sɩlɩɩrɩŋ ŋaa mɩ kʋdiilee, ka nɩaa pɩpɩɛsɛmɛ tapʋlɩɩ kala, “Nɩɩ nɛ ŋ Wɩa hɛ?”

WƖA YƖƖLAA 6:6

Hʋʋna leŋe mɩ kala bɛsɩmɛ nɛ. Mɩ yie yel bɔsɔ lɛ nɛ tɩtaŋ kala, mɩ bɔsɔ arɩ mɩ nyuŋ-yelle kala su arɩ sɩlɩɩrɩŋ.

WƖA YƖƖLAA 62:8

Nandɔmba, má laa Wɩa dii bʋa na-kala, a dagɛ ma wʋwalɩmaa kala pʋ. Ʋ nɛ la yie yuori.

JƐRƖMAAYA 31:19

Mɩ sɩ ŋaa wɩaa a yeŋŋi, mɩ bɩrɩma lɩɩ nɛ. Mɩ sɩ kʋ jɩŋ wɩalɩŋ sɩaa, mɩ gʋrɛ nyuŋ nɛ. Hɩɩsɩŋ fa kɛmmɛ mɩ muuri, bɛɛ wɩaa hɩɩsɩ-la diimi a tɩŋ wɩalɩŋ kala mɩ sɩ ŋaa mɩ hambiriŋ kala lɛ nɛ.’

JƐRƖMAAYA 36:9

Josaaya nanʋala Jehoyakim sɩ dii Juda kuoruŋ ʋ jɩsɩŋ banɔŋ chɛnsɩŋ nibi lɛ, bʋa-la lɛ nɛ Jerusalɛm nɩaa kala arɩ nɩalɩŋ sɩ lɩɩ Juda tasɩŋ kʋ vɔɔ niiŋ a sʋl La TƖƖNA.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 3:49

Mɩ sɩaa jaŋ pɛllɛ sɩlɩɩrɩŋ a bɩ kɛrɛ. Ba bɩ jaŋ wiesi

JEMBIEE 5:16

Kɩalɩŋ kala la sɩ kaa ŋmoo bɔyɛ bɩra tuo. Hɛɛŋ puula nɛ, bɛɛ wɩaa la ŋaa wʋbɔŋŋɔɔ nɛ.

ƐZƖKƖƐL 20:4

Nuhuobiiŋ, ŋ jaŋ diiba sarɩyaa? Ŋɩɩ-na liisiba a mʋ tɩgɛ wʋkɩsɩa-la ba naabalɩmaba sɩ ŋaa lɛ.

HOSIA 5:1

La TƖƖNA sɩ, “Ma Wɩɩsʋllɩ sɩpaalaaraa, má nɩɩ wɩɩŋ deeŋ. Iziral sɩpaalaaraa, má jegili. Kuoro dɩa nɩaa, má ma jegili. Wɩɩŋ deeŋ ŋaa ma wɩɩ nɛ. Mɩzɩpa lɛ ma nagɛ bɛrɛ́ nɛ ma nɩaa lɛ, a ŋaa jóŋ, ba sɩ joŋo yuo peel-la ba sɩɩ yɩrɛ Tabɔ lɛ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

LEVI DOHO NƖAA 16:29

Wɩɩŋ deeŋ ŋaa nii nɛ ma sɩ jaŋ tuto a kaa mʋ wuu: Jɩna na-kala chɛŋ pɛɩ lɛ tapʋlaa fii chɛɛŋ, Iziral tɩɩna koo nʋhʋɔrʋ kala sɩ hɛ ma tʋɔŋ maga dɩ ʋ vɔɔ niiŋ a sɩ́ tɩntɩmɩɩ kala tɩŋ,

LEVI DOHO NƖAA 26:40

Ama ʋ dɩdɛrɩŋ, dɩ mɩ nɩaa nɛ jaŋ sɛɩ a dagɛ ba wʋbɔŋŋɔɔ arɩ ba naabalɩmaba wʋbɔŋŋɔɔ, arɩ baaŋ-siiri wɩalɩŋ ba sɩ ŋaa mɩ lɛ, a vɩa mɩ niiŋ,

Luuk 15:18

Mɩ jaŋ sii a mɩɩra mʋ mɩ nyɩmma teeŋ. Dɩ mɩ nɛ mʋa, mɩ jaŋ bʋla pʋ: Mɩ nyɩmma, mɩ ŋaa wʋbɔŋ nɛ arɩ Wɩa arɩŋ kala.

JOSUA 18:26

Mɩzɩpa, Kɛfɩra, Moza,

SƖPAALAARAA 10:10

Ŋɩɩ nɛ Iziral tɩŋŋaa ŋmoo niiŋ a pɩ La TƖƖNA, a bʋl, “La ŋaa wʋbɔŋ nɛ ŋ teeŋ, la sɩ vɩa la Wɩa aŋ tuto vesi-la ba sɩɩ yɩrɛ Baal.”

SƖPAALAARAA 10:15

Iziral tɩmma-la bʋla pɩ La TƖƖNA, “La ŋaa wʋbɔŋ nɛ. Wɩɩ-la kala ŋ sɩɩ chɛ, ŋaa la lɛ, ama lɛɛlɛ laa sʋlʋŋ laala ta.”

SƖPAALAARAA 2:4

Wɩa tɩndaarʋ-la sɩ bʋl wɩaa deemba a pɩ Iziral tɩŋŋaa, ba kala faasa ŋmoo niiŋ.

SƖPAALAARAA 20:26

Ŋɩɩ nɛ Iziral tɩmma-la kala mʋ Bɛtɛl a hɔŋ La TƖƖNA sɩpaaŋ a yiyel. Tapʋlɩɩ-la ba vɔɔ niiŋ nɛ wɩa tuu jʋʋ, a ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ a pɩ La TƖƖNA.

SƖPAALAARAA 3:10

Wɩa Dɩma kʋ jʋʋ Ofiniel ʋ ŋaa Iziral tɩŋŋaa sɩpaalaarʋ a kɛmba mʋ laalɩŋ. La TƖƖNA joŋ Aram kuoro Kusaŋ-Risatem a hɛ Ofiniel nɩsɩŋ lɛ ʋ yuo diiu.

1 SAMƲƐL 1:15

Hana bʋl, “Mɩ nɩhɩaŋ, mɩ bɩ bugo. Mɩ bɩ tɩɩnɛnɛɛ sɩnɩŋ koo sɩ-duo dɔŋ kala nyʋa, mɩ tʋɔŋ nɛ faasa chei. Wɩalɩŋ sɩɩ walɩmɛmɛ nɛ mɩ bʋlaa pɩ La TƖƖNA.

1 SAMƲƐL 10:17

Samʋɛl yɩrɛ Iziral tɩŋŋaa kala a kɔ La TƖƖNA teeŋ Mɩzɩpa lɛ,

1 SAMƲƐL 12:10

Ba bɩra yele pɩ La TƖƖNA dɩ ʋ pɛ ba lɛ a bʋl, ‘La ŋaa wʋbɔŋ nɛ, la sɩ vɩa La TƖƖNA, aŋ mɩɩra tuto vesi-la ba sɩɩ yɩrɛ Baal arɩ Asɩtarɔf. Ama lɛɛlɛ, laala ta la dʋndɔŋŋɔɔ nɩsɩŋ lɛ. Dɩ ŋ nɛ ŋaa ŋɩɩ, la jaŋ tutoŋ.’

1 SAMƲƐL 7:15

Ŋɩɩ nɛ Samʋɛl ha ŋaa Iziral tɩŋŋaa sɩpaalaara ʋ mɩɩsɩŋ kala lɛ.