1 SAMƲƐL 7:3 - WƖA TENIŊ

³ Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”

1 SAMƲƐL 7:3 ပူးပေါင်းရင်းမြစ်များ

WƖAA DƖ-SUOMUŊ 35:2

Ŋɩɩ nɛ Jekɔb bʋla pɩ ʋ dɩa nɩaa arɩ nɩalɩŋ kala sɩ hɛ ʋ teeŋ, “Má paa ma tɔŋŋɔɔ kala ta aŋ pɩɩsɛ ma disiniŋ ta aŋ wuri ma gɛnnɩŋ aŋ laalɛ gɛrɩ-falaa

1 KUOROO 11:33

Mɩ jaŋ ŋaa wɩɩŋ deeŋ, bɛɛ wɩaa Solomoŋ arɩ Iziral tɩŋŋaa vɩamɛ nɛ aŋ kpʋkpaarɛ Sɩdɔŋ tɩŋŋaa vene-la ba sɩɩ yɩrɛ Asɩtɔrɛf, arɩ Mʋab tɩŋŋaa vene Chɛmɔs, arɩ Amɔŋ tɩŋŋaa vene Mɔlɛk. Solomoŋ bɩ mɩ wombiee to, a bɩ wɩalɩŋ mɩ sɩɩ chɛ ŋaa arɩ ʋ nyɩmma Devit sɩ ŋaa ŋɩɩ.

1 KUOROO 8:48

dɩ ba nɛ sɛnɛ sɛɩ cheeriŋ aŋ joŋ ba sɩaa chaasɛ tintee-la ŋ sɩ joŋo pɩ ba naabalɩmaba arɩ taŋ-la ŋ sɩ lɩɩsa mɩ saa ŋ dɩɩ-balɩŋ dɩ ba dɩdɛnnɩŋ nɩmɛ a sʋlʋŋ,

2 KUOROO 17:39

Má tuto mɩ dʋndʋŋa, mɩ nɛ ma TƖƖNA Wɩa. Dɩ ma nɛ ŋaa ŋɩɩ, mɩ jaŋ laama ta ma dʋndɔŋŋɔɔ nɩsɩŋ lɛ.”

2 KUOROO 23:15

Kuoro Josaaya fa bɩra chei koru-la sɩ hɛ Bɛtɛl lɛ arɩ vesiŋ dɩ-kpaarɩ-la Nɛbat nanʋala Jerobuam sɩ saa, nɩɩ-la sɩ leŋe Iziral tɩŋŋaa jʋʋ wʋbɔmʋŋ. Koru-la arɩ vesi-la dɩ-kpaarɩŋ kala nɛ ʋ ŋmoo lo aŋ nyɩgɛ vʋɩyaa dɩ-kpaarɩŋ a nɔŋ ba kala ba nagɛ munuŋ aŋ nyɩgɛ Asɩra daa-la ma.

1 IZIRAL TƖŊŊAA NAABARƖŊ 22:19

Má saa to ma TƖƖNA Wɩa arɩ ma tʋɔŋ arɩ ma wɩɩwɩɩ-kala. Má suomi La TƖƖNA Wɩa dɩɩ-balɩŋ saanɩŋ, dɩ ma wuo joŋ Wɩa niiriŋ daga-la arɩ kɩalɩŋ dɔnsʋŋ ba sɩ kaa tɩtɩŋ La TƖƖNA tɩntɩŋŋaa kaa kʋ jʋʋ bil ʋ dɩa-la tʋɔŋ ba sɩ jaŋ dɩdɛnnʋ.”

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 19:3

Ama arɩ ŋɩɩ kala, ŋ ha ŋaa wʋzɔŋŋɔɔ mʋa nɛ. Ŋ sɩ chei vene-la ba sɩɩ yɩrɛ Asɩra daasɩŋ Juda tinteeŋ lɛ, aŋ kɛŋ ŋ tʋɔŋ a to Wɩa.”

2 IZIRAL TƖŊŊAA NAABARƖŊ 20:33

Ama ʋ fa bɩ vesiŋ dɩ-kpaaraa cheye, nɩalɩŋ fa ha bɩ ba tʋɔŋ kala joŋo hɛ ba naabalɩmaba Wɩa lɛ.

2 IZIRAL TƖŊŊAA NAABARƖŊ 30:19

“La TƖƖNA, la naabalɩmaba Wɩa, ŋ zile yʋga nɛ. Mɩɩ sʋlʋŋ, joŋo chɛ nɩaa deemba sɩɩ toŋ arɩ ba tʋɔŋ kala. Ba bɩ ba disiniŋ pɩɩsa ta aŋ dii kɩalɩŋ, fá ba nenige. Ba bɩ ŋ wombiiŋ sɩ dagɛ ŋɩɩ to.”

NAMAGABA 16:1

Nuhuobiine yie bɩɩnɛ wɩaa dɩ ʋ ŋaa nɛ, ama La Tɩɩna sɩ bʋl wɩɩ-la nɛ jaŋ chɩŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

ƐZƖKƖƐL 14:6

Ŋɩɩ wɩaa bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má bɩrɩma lɩɩ ma wʋbɔŋŋɔɔ lɛ. Má leŋ ma vʋɩya-la arɩ wʋkɩsɩa-la kala ma sɩɩ ŋaa.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Matiu 6:24

Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.

Luuk 4:8

Ŋɩɩ nɛ Yesu bɩra bʋla pʋ, “Ba ŋmʋnsɛ Wɩa teniŋ tʋɔŋ, ‘Má chʋchʋɔlɛ La Tɩɩna Wɩa dʋndʋŋa nɛ a tutou.’ ”

Jɔɔŋ 4:24

Wɩa ŋaa dɩma nɛ, nɩalɩŋ sɩɩ chɛ dɩ ba chʋɔlʋ, ʋ maga dɩ ba chʋɔlʋ arɩ wʋtɩtɩɩ, ʋ Dɩŋ-zɔmʋŋ doluŋ lɛ.”

MOSIS BƖRA WULLI WƖA WOMBIIŊ 10:20

Má zizil ma TƖƖNA Wɩa a tɩma pʋpʋ. Má kɛŋ ma tɩtɩa mɛrɛ ʋ lɛ a kɛŋ ʋ yɩrɩŋ dʋndʋŋa nɛ a tɩtɩŋ.

MOSIS BƖRA WULLI WƖA WOMBIIŊ 13:4

La TƖƖNA Wɩa dʋndʋŋa nɛ maga dɩ ma tuto a zizilu. Má tuto ʋ niiŋ a tɩma pʋpʋ a kɛŋ ma tɩtɩa mɛrɛ ʋ lɛ woruŋ.

MOSIS BƖRA WULLI WƖA WOMBIIŊ 4:29

Ama tinteye-la lɛ, dɩ ma nɛ yele aa chɛ ma TƖƖNA Wɩa arɩ ma tʋɔŋ arɩ ma wɩɩ-wɩɩkala, ma jaŋ naʋ.

MOSIS BƖRA WULLI WƖA WOMBIIŊ 6:13

Má zizil ma TƖƖNA Wɩa a chʋchʋɔlɛ ʋ dʋndʋŋa a tutou, a ŋɩŋaa wɩɩkala ʋ yɩrɩŋ lɛ.

JOSUA 13:31

a kɛŋ Gɩlɩad tinteeŋ kpaa magɛ dɔŋɔ-la, arɩ Asɩtarɔf arɩ Ɛdɩrɛ (fa sɩ ŋaa kuoro Ɔgɩ tinteeŋ tabalaa Basaŋ lɛ). Lee-la ba sɩ joŋo pɩ Manasɛ nanʋala Makɩɩ doho nɩaa kpaa magɛ dɔŋɔ nyɩŋ-nɩa nyɩŋ-nɩa nɛ ŋɩɩ.

JOSUA 24:14

Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

JOSUA 24:23

Ŋɩɩ nɛ Josua bɩra bʋl, “Ŋɩɩ-na lɛɛlɛ, má paa vʋɩya-la kala sɩ hɛ ma teeŋ a yuo ta, aŋ joŋ ma tʋɔŋ pɩ La TƖƖNA sɩ ŋaa Iziral tɩŋŋaa Wɩa.”

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,

SƖPAALAARAA 2:11

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ a kpʋkpaarɛ vesi-la ba sɩɩ yɩrɛ Baal.

SƖPAALAARAA 2:13

bɛɛ wɩaa ba vɩaʋ nɛ aŋ kpʋkpaarɛ vesi-la ba sɩɩ yɩrɛ Baal arɩ Asɩtɔrɛf.

1 SAMƲƐL 31:10

Ba joŋ ʋ laalɩyuori kɩalɩŋ a bil ba vene-la ba sɩɩ yɩrɛ Asɩtarɔf dɩa lɛ, aŋ joŋ Sɔɔl kʋsʋʋŋ a kpaasa mɛrɛ taŋ-la ba sɩɩ yɩrɛ Bɛf Saŋ jeeŋ lɛ.