1 SAMƲƐL 7:12 - WƖA TENIŊ

¹² Ŋɩɩ nɛ Samʋɛl joŋ tabɩɩŋ a pɛ ʋ chɩŋ Mɩzɩpa arɩ lee-la ba sɩɩ yɩrɛ Sɛŋ pɛgɛ. Ʋ hɛ tabɩɩ-la yɩrɩŋ Ɛbɛnɩza, aŋ bʋl, “La TƖƖNA nɛ pɛ la lɛ faafaa kala a kaa kɔ jɩnɩŋ.”

1 SAMƲƐL 7:12 ပူးပေါင်းရင်းမြစ်များ

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

WƖAA DƖ-SUOMUŊ 35:14

Jekɔb joŋ tabɩɩŋ pɛ ʋ nagɛ jebiiŋ lee-la ʋ dɩ Wɩa sɩ bʋl wɩaa a joŋ kʋnyʋalaa Wɩɩsʋlʋŋ kɩaa arɩ nʋʋŋ bɩsa wurisi.

WƖA YƖƖLAA 71:17

Mɩ Wɩa, ŋ dagɛmɛ mɩ hambiriŋ kala lɛ nɛ. Mɩ ha heelee bʋl wʋkpuŋkperisi-la ŋ sɩ ŋaa wɩaa nɛ arɩ jɩnɩŋ kala.

WƖA YƖƖLAA 71:6

A chɩŋ tapʋlɩɩ-la ba sɩ lʋlmɛ a kaa kɔ jɩnɩŋ, mɩ yɩɛlaa kala hɛ ŋ lɛ nɛ. Ŋ nɛ kɛmmɛ kaa kʋ lɩɩ mɩ naaŋ luoruŋ lɛ. Ŋɩɩ wɩaa, mɩ jaŋ dɛnnɩŋ bʋa na-kala.

MOSIS KƐŊ IZIRAL TƖŊŊAA LƖƖ 17:15

Ŋɩɩ nɛ Mosis saa Wɩɩsʋllɩ koruŋ a hɛ ʋ yɩrɩŋ, ‘La TƖƖNA nɛ ŋaa mɩ jɔnjɔŋ (Jehova nissi)’.

AZAAYA 19:19

Tapʋlɩɩ-la La TƖƖNA Wɩɩsʋllɩ koruŋ jaŋ chɩŋ Ijipiti tʋtʋɔbaanɩŋ, ka dɩ jebiiŋ ma chɩŋ ʋ yɩrɩŋ lɛ Ijipiti tinteeŋ bʋa niiŋ dɩ ba liliisi ʋ wɩaa.

Tɩntɩŋŋaa 26:22

Ama arɩ jɩnɩŋ kala Wɩa haa pɛ mɩ lɛ nɛ, ŋɩɩ nɛ tɩɩ mɩ chɩŋ daha aa bʋl wɩaa deemba kala mɩ sɩ pɛ na aŋ nɩɩ ma a pɩpɩma, ma nɩbalaa arɩ ma nɩbiisiŋ kala. Wɩɩŋ deeŋ mɩ sɩɩ bʋl, ʋ tɩtɩa nɛ Wɩa wʋlaabʋllaa arɩ Mosis kala fa bʋl arɩ wɩɩ-la jaŋ ŋaa.

2 Kɔrɩntɩ Nɩaa 1:10

Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla.

JOSUA 4:9

Ŋɩɩ nɛ Josua paa tabɩaa fɩɩ arɩ balɩa-la ba sɩ paa Jɔdaŋ fuo-la tʋtʋɔbaanɩŋ, lee-la Wɩɩsʋllɩ sɩpaalaaraa sɩ chʋŋ Wɩa niiriŋ daga-la fa sɩ chɩna a pɛ, arɩ jɩnɩŋ kala tabɩa-la ha hɛ nɩmɛ.

1 SAMƲƐL 14:35

Ŋɩɩ nɛ Sɔɔl saa Wɩɩsʋllɩ koruŋ pɩ La TƖƖNA. Ʋ Wɩɩsʋllɩ koru-bumbuŋ nɛ ŋɩɩ ʋ sɩ saa.

1 SAMƲƐL 4:1

Iziral tɩŋŋaa kala fa jegile nɩnɩɩ Samʋɛl teeŋ nɛ. Tapʋlɩɩ kʋbala Iziral tɩŋŋaa sii a mʋ dɩ ba yuo Fɩlɩsɩtɩa tɩŋŋaa. Iziral tɩŋŋaa mʋ ŋmoo ba buguŋ lee-la ba sɩɩ yɩrɛ Ɛbɛnɩza, ka Fɩlɩsɩtɩa tɩŋŋaa ma hɛ lee-la ba sɩɩ yɩrɛ Afɛk.

1 SAMƲƐL 5:1

Fɩlɩsɩtɩa tɩŋŋaa sɩ yuo laa Wɩa niiriŋ daga-la ŋɩɩ, ba joŋu a lɩɩ lee-la ba sɩɩ yɩrɛ Ɛbɛnɩza, a kaa mʋ taŋ-la ba sɩɩ yɩrɛ Asɩdɔd.

1 SAMƲƐL 7:11

Ŋɩɩ nɛ Iziral tɩmma-la lɩɩ Mɩzɩpa lɛ a kire to Fɩlɩsɩtɩa tɩŋŋaa harɩŋ a kpʋba wombiiŋ lɛ ŋɩɩ halɩɩ a mʋ kpagɛ lee-la ba sɩɩ yɩrɛ Bɛf Kaa.