1 SAMƲƐL 7:10 - WƖA TENIŊ

¹⁰ Samʋɛl fa sɩɩ sʋl kʋnyɩgaa Wɩɩsʋlɩɩ-la ŋɩɩ, Fɩlɩsɩtɩa tɩŋŋaa kʋ kpagɛ dɩ ba yuo Iziral tɩŋŋaa. Ama tapʋlɩɩ-la, La TƖƖNA leŋ taŋ faasa kpɩa Fɩlɩsɩtɩa tɩŋŋaa lɛ, ba wɩɩkala vʋgʋmɛ, ba fá aŋ ka Iziral tɩŋŋaa.

1 SAMƲƐL 7:10 ပူးပေါင်းရင်းမြစ်များ

WƖA YƖƖLAA 18:15

La Tɩɩna, ŋ sɩ kpɩa mʋgʋ-balɩŋ lɛ, ʋ lɩɩŋ kala hʋa nɛ a nyɩɩsɛ tinteeŋ lɛ. Ŋ sɩ wiese ma, tinteeŋ zigile nɛ.

WƖA YƖƖLAA 29:3

La Tɩɩna yikoro dɔmɔ nɛ mʋgʋ-balaa nyuŋ. La Tɩɩna Wɩa sɩ kɛŋ tʋla kpɩa goŋ nɛ mʋgʋ-balaa nyuŋ a nagɛ duonuŋ sɩ kpɩa.

WƖA YƖƖLAA 29:4

La Tɩɩna yikoro kɛŋ doluŋ nɛ woruŋ, ʋ yikoro ŋaa babiibal yikoro nɛ.

WƖA YƖƖLAA 78:66

Ʋ kiri ʋ dʋndɔŋŋɔɔ hɛ pɛgɛ lɛ, a leŋ ba dii hɩɩsɩŋ a kaa mʋ wuu.

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

MOSIS BƖRA WULLI WƖA WOMBIIŊ 28:7

La TƖƖNA jaŋ pɛ ma lɛ dɩ ma yuo dii ma dʋndɔmɔ-la sɩ jaŋ kɔ a yuyuoma. Ba jaŋ to dɩ-bala kɔ ma lɛ aŋ mɩɩra fá pɩsɛ dɩ ba laa ba tɩtɩa.

JOSUA 10:10

La TƖƖNA fa leŋe Amɔrɩ tɩmma-la wɩɩkala vʋgʋmɛ nɛ Iziral tɩŋŋaa laalɩyuoro-la sɩpaaŋ. Ba chaasa yuo diiba Gibioŋ lɛ, a kire to ba harɩŋ a joŋ wombii-la sɩɩ mʋ Bɛf Horoŋ a kpʋba ŋɩɩ a mʋ yi tasɩ-la ba sɩɩ yɩrɛ Azɛka arɩ Makɛda.

SƖPAALAARAA 4:15

Barak sɩ mʋa a yuyuo laal-la, La TƖƖNA leŋ Sɩsɛra arɩ ʋ nɩalɩŋ sɩ kɛŋ laalɩŋ janɩŋ torukoba-la vɩvɛŋ arɩ ʋ laalɩyuoroo wɩɩkala vʋgʋmɛ. Fawʋllʋŋ kɛŋ ba kʋŋkala a tɩŋ Barak arɩ ʋ laalɩyuoroo wɩaa. Sɩsɛra fɩla tuu ʋ jaaba toruko lɛ, a fá.

SƖPAALAARAA 5:20

Chɛnwʋlaa faa vɛŋ wɩa-nyuŋ nɛ aŋ yuyuo Sɩsɛra.

SƖPAALAARAA 5:8

Iziral tɩŋŋaa sɩ kʋʋ to vesiŋ, laalɩŋ kʋ jʋʋba nɛ. Iziral nɩaa bʋɩ mahɩŋ balɩa tʋɔŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ koo timiŋ kʋbala ma fa tuo ba teeŋ.

1 SAMƲƐL 12:17

Bʋa deeŋ lɛ ŋaa tafaaŋ nɛ. Ama mɩ jaŋ sʋl La TƖƖNA dɩ ʋ leŋ dɩ taŋ dɔŋ, dɩ duonuŋ nɩɩ lɛɛlɛ. Ŋɩɩ nɛ ma jaŋ jɩŋ arɩ ma chaasa ŋaa wʋbɔŋ nɛ La TƖƖNA sɩpaaŋ, ma sɩ bʋla pʋ arɩ maa chɛ kuoro nɛ.”

1 SAMƲƐL 14:15

Ŋɩɩ nɛ fawʋllʋŋ chaasa kɛŋ Fɩlɩsɩtɩa tɩŋŋaa laalɩyuoroo kala, nɩalɩŋ sɩ hɛ ba buguŋ lɛ arɩ nɩalɩŋ sɩɩ yuo laalɩŋ. Ŋɩɩ nɛ tinteeŋ zigili. Wɩa nɛ joŋ fawʋllɩɩ-la a hɛ ba kala lɛ.

1 SAMƲƐL 2:10

La TƖƖNA jaŋ chei nɩalɩŋ kala sɩ vɩaʋ. Ʋ jaŋ na baanɩŋ, a kpɩa ba lɛ a nagɛ duonuŋ. La TƖƖNA jaŋ dii dʋnɩa nɩaa kala sarɩya. Ʋ jaŋ joŋ doluŋ a pɩ kuoru-la ʋ sɩ lɩɩsa, dɩ ʋ kɛŋ doluŋ kʋŋkala nyuŋ.”

1 SAMƲƐL 7:11

Ŋɩɩ nɛ Iziral tɩmma-la lɩɩ Mɩzɩpa lɛ a kire to Fɩlɩsɩtɩa tɩŋŋaa harɩŋ a kpʋba wombiiŋ lɛ ŋɩɩ halɩɩ a mʋ kpagɛ lee-la ba sɩɩ yɩrɛ Bɛf Kaa.