1 SAMƲƐL 6:5 - WƖA TENIŊ

⁵ Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.

1 SAMƲƐL 6:5 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 16:28

Má dɛnnɛ La TƖƖNA, tintee-na kala nɩaa, má dɛnnɛ La TƖƖNA a tɩŋ ʋ tʋla arɩ ʋ doluŋ wɩaa.

1 IZIRAL TƖŊŊAA NAABARƖŊ 16:29

Má dɛnnɛ La TƖƖNA yɩrɩ-balɩŋ, má kɛŋ Wɩɩsʋlʋŋ kɩaa kaa kʋ jʋʋ ʋ dɩɩ-balɩŋ. Má kpirime chʋɔlɛ La TƖƖNA sɩ bɩ disiniŋ kɛnɛ.

WƖA YƖƖLAA 18:44

Dɩ mɩ nɛ bʋl wɩɩ, ba yie nɩɩ nɛ a to mɩ niiŋ. Tintee-wogusuŋ nɩaa ka kpirimi mɩ sɩpaaŋ nɛ.

WƖA YƖƖLAA 32:4

Ŋ walɩmɛmɛ wɩɩhɛyɛ arɩ tɩtaŋɩŋ kala nɛ, mɩ doluŋ kala dɛrɛ a nagɛ tafaaŋ wulumuŋ sɩ leŋe leriŋ hɩl.

WƖA YƖƖLAA 39:10

Bɩra sɩ́ mɩ dɔgɩsʋ, ŋ ŋmoomi nɛ, mɩ chɩchɛ mɩ sʋʋ.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

MOSIS KƐŊ IZIRAL TƖŊŊAA LƖƖ 12:12

Tɩtaŋ-la tɩtɩa, mɩ jaŋ gɔllɛ Ijipiti tinteeŋ a kpʋ ba hambolibii-hɩasɩŋ arɩ ba pʋsʋŋ bii-bumbumba sɩ ŋaa belliŋ a leŋ vesi-la kala sɩ hɛ Ijipiti lɛ jɩŋ arɩ ba bɩ kɩaa ŋaa, mɩ nɛ ŋaa ma TƖƖNA.

MOSIS KƐŊ IZIRAL TƖŊŊAA LƖƖ 8:17

Ba ŋaa ŋɩɩ La TƖƖNA sɩ daga, Arɔŋ kɛŋ ʋ dantɩga-la je a ŋmoo tinteeŋ kʋŋkɔlʋŋ sii a bɩrɩmɛ dɩnsɩŋ a dɩdɩŋ nuhuobiinee arɩ pʋsʋŋ kala, Ijipiti tinteeŋ kala su arɩ dɩnsɩŋ.

MOSIS KƐŊ IZIRAL TƖŊŊAA LƖƖ 8:24

La TƖƖNA ŋaa ŋɩɩ ʋ sɩ daga, a leŋ nanchʋɔ-laalɩŋ kʋ su Ijipiti tinteeŋ kala, Ijipiti tinteeŋ kuoro dɩa arɩ ʋ nɩhɩasɩŋ dɩɩsɩŋ, a chei ba tinteeŋ.

MOSIS KƐŊ IZIRAL TƖŊŊAA LƖƖ 8:5

Ŋɩɩ nɛ La TƖƖNA bʋla pɩ Mosis, “Bʋla pɩ Arɔŋ dɩ ʋ kɛŋ dantɩga-la ʋ sɩ koro a kaa zaarɛ fuonuŋ, fuonaasɩŋ arɩ pɩlaa kala sɩ hɛ Ijipiti tinteeŋ lɛ, a leŋ dɩ sɔrɔɔ lɩɩ su Ijipiti tinteeŋ kala.”

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

AZAAYA 42:12

Ma nɩalɩŋ sɩ hɛ tinteye-la lɩɩŋ sɩ gollo chu lɛ, má bɛsɛ La TƖƖNA tʋla lɛ, a dɛnnʋ.

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JOWƐL 2:25

Mɩ jaŋ bɩra pɩma kɩalɩŋ kala hɔbɔ sɩ die, kɩalɩŋ hɔbɩ-balɩŋ arɩ hɔbɩ-biisiŋ sɩ die, a pɛ hɔbɩ-la dɔnsʋŋ lɛ arɩ hɔbɩ-laal-la, mɩ laalɩyuori duoru-la mɩ fa sɩ joŋo hɛ ma lɛ.

JONA 3:9

Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”

MALAKAƖ 2:2

Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.

NAMBABA 33:4

Bʋa-la lɛ dɩ Ijipiti tɩmma-la ka hugi ba hambolibii bumbumba-la La TƖƖNA sɩ kpʋa. La TƖƖNA sɩ ŋaa ŋɩɩ, ʋ leŋe Ijipiti tɩŋŋaa vesiŋ kala jɩŋ arɩ ʋ nɛ kɛŋ doluŋ a kɩɩba.

Jɔɔŋ 9:24

Ŋɩɩ nɛ Farisii tɩmma-la bɩra yɩrɛ baal-la ba sɩ lʋla dɩ ʋ nyʋlɩma a bʋl, “La jɩma arɩ baala deeŋ ŋaa wʋbɔŋ ŋaarʋ nɛ. Wɩa sɩpaaŋ bʋl wʋtɩtɩɩ pɩla.”

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

1 SAMƲƐL 5:11

Ɛkʋrɔŋ tɩmma-la yɩrɛ kuorusu-la kala sɩ hɛ Fɩlɩsɩtɩa tinteeŋ lɛ, a kʋ hilimi a bʋl, “Má joŋ Iziral tɩŋŋaa Wɩa niiriŋ daga-la a kaa mɩɩra mʋ bil ʋ dɩ-biliŋ, dɩ ŋɩɩ dee, ʋ jaŋ kpʋ la dɩ la nɩaa kala dɛrɛ,” bɛɛ wɩaa Wɩa fa dɔgɩsɛba nɛ woruŋ, nɩaa sʋʋ ba jaŋ lɛ, fawʋllʋŋ kɛmba.

1 SAMƲƐL 5:9

Ba sɩ kɛnʋ mʋ lee-la ma, La TƖƖNA bɩra dɔgɩsɛ taŋ-la ma nɩaa, a leŋ fawʋllʋŋ chaasa jʋʋba ba chichel. Ʋ leŋ mɔpʋllʋŋ ŋmɛrɛ taŋ-la nɩhɩasɩŋ arɩ hambiisiŋ kala lɛ.

1 SAMƲƐL 6:8

Má joŋ Iziral tɩŋŋaa Wɩa niiriŋ daga-la daŋ toruko-la nyuŋ, a joŋ sɛlɩmɛ kɩalɩŋ sɩ ŋaa ma cheeriŋ Wɩɩsʋlʋŋ kɩaa, ma sɩ kaa mʋmʋ ma pʋ, a hɛ dagɩ-bie lɛ a joŋo bil Wɩa niiriŋ daga-la sɛmɛ. Má kaa lɩɩ ta dɩ ʋ mʋ ʋ tɩtɩa lɛ.