1 SAMƲƐL 6:4 - WƖA TENIŊ

⁴ Ŋɩɩ nɛ Fɩlɩsɩtɩa tɩmma-la bɩra pɩɛsɛ, “Bɛɛ kɩaa nɛ la jaŋ chɛ a kaa mʋ sʋl cheeriŋ Wɩɩsʋlɩɩ-la a pʋ?” Ba sɩ, “Má kɛŋ sɛlɩmɛ a mɛ kɩaa banɔŋ sɩ nagɛ mɔpʋllʋŋ, a bɩra kɛŋ sɛlɩmɛ-la tɩtɩa a mɛ kɩaa dɩ ba nagɛ taatɩaa, ba ma banɔŋ, a chesi Fɩlɩsɩtɩa tɩŋŋaa kuorusu-la sɩɩ bemma niiŋ, bɛɛ wɩaa, nyanyal-bɔmɔ-la jʋʋ ma dɩ ma kuorusu-la kala nɛ.

1 SAMƲƐL 6:4 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 12:35

Ŋɩɩ nɛ Iziral tɩŋŋaa ŋaa wɩɩ-la arɩ ŋɩɩ Mosis fa sɩ bʋla pɩba. Ba sʋl gɛnnɩŋ, hɔpʋla arɩ sɛlɩmɛ kpɩɛraa Ijipiti tɩŋŋaa teeŋ.

JOSUA 13:3

a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),

SƖPAALAARAA 14:19

Ŋɩɩ nɛ La TƖƖNA Dɩma kʋ jʋʋ Samɩsɩŋ a pʋ doluŋ. Ʋ sii tuu taŋ-la ba sɩɩ yɩrɛ Asɩkɛlɔŋ, a kpʋ ba baalaa mara arɩ fii, a wuri ba kɩaa a joŋ ba gɛnnɩŋ pɩ nɩalɩŋ sɩ dagɛ namaga-la bʋbʋɔŋ. Ka ʋ baanɩŋ chaasa sii woruŋ wɩɩ-la wɩaa, ʋ mɩɩra mʋ ʋ nyɩmma dɩa.

SƖPAALAARAA 3:3

Tinteye-la ʋ sɩ leŋe nɛ ŋ-la: Fɩlɩsɩtɩa tinteeŋ sɩpaalaaraa banɔŋ, Kɛnaŋ tɩŋŋaa kala, Sɩdɔŋ tɩŋŋaa arɩ Hivi tɩmma-la sɩ hɛ Lɛbanɔŋ peelee leriŋ, a chɩŋ peel-la ba sɩɩ yɩrɛ Baal Hɛmɔŋ a kaa mʋ Lebo Hamaf.

1 SAMƲƐL 5:12

Nɩalɩŋ ma sɩ bɩ sʋba ŋmɛrɛ mɔpʋllʋŋ nɛ. Ŋɩɩ nɛ taŋ-la nɩaa ŋmoo niiŋ pɩ ba vesiŋ dɩ ba pɛ ba lɛ.

1 SAMƲƐL 5:6

La TƖƖNA fa dɔgɩsɛ Asɩdɔd tɩŋŋaa arɩ lere-la kala sɩ gollu nɛ woruŋ. Ʋ fa leŋe ba na hɛɛŋ nɛ woruŋ, a ŋmɛrɛ mɔpʋllʋŋ.

1 SAMƲƐL 5:9

Ba sɩ kɛnʋ mʋ lee-la ma, La TƖƖNA bɩra dɔgɩsɛ taŋ-la ma nɩaa, a leŋ fawʋllʋŋ chaasa jʋʋba ba chichel. Ʋ leŋ mɔpʋllʋŋ ŋmɛrɛ taŋ-la nɩhɩasɩŋ arɩ hambiisiŋ kala lɛ.

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.

1 SAMƲƐL 6:8

Má joŋ Iziral tɩŋŋaa Wɩa niiriŋ daga-la daŋ toruko-la nyuŋ, a joŋ sɛlɩmɛ kɩalɩŋ sɩ ŋaa ma cheeriŋ Wɩɩsʋlʋŋ kɩaa, ma sɩ kaa mʋmʋ ma pʋ, a hɛ dagɩ-bie lɛ a joŋo bil Wɩa niiriŋ daga-la sɛmɛ. Má kaa lɩɩ ta dɩ ʋ mʋ ʋ tɩtɩa lɛ.