1 SAMƲƐL 6:3 - WƖA TENIŊ

³ Ba bʋl, “Dɩ ma nɩɩ chɛ ma kɛŋ Iziral tɩŋŋaa Wɩa niiriŋ daga-la mɩɩra mʋ, ma bɩ maga ma kɛnʋ mʋ arɩ na-hɩllɩŋ. Ʋ maga dɩ ma chɛ cheeriŋ Wɩɩsʋlʋŋ kɩaa pɛ nɛ a kaa mʋ pʋ. Dɩ ma nɛ ŋaa ŋɩɩ, ma jaŋ na dɩ ma duoro, aŋ pɛ bɩra jɩŋ wɩɩ-la ma sɩ tɩɩ ʋ dʋdɔgɩsɛma.”

1 SAMƲƐL 6:3 ပူးပေါင်းရင်းမြစ်များ

JOB 10:2

Mɩ jaŋ bʋla pɩ Wɩa: Sɩ́ cheeriŋ joŋo pɩmɛ, dagɛmɛ wɩɩ-la mɩ sɩ ŋaa chei.

MOSIS KƐŊ IZIRAL TƖŊŊAA LƖƖ 23:15

Chɛnɛ-la ba sɩɩ yɩrɛ Abib tʋɔŋ, chɛnɛ-la lɛ mɩ sɩ kɛmma lɩɩ Ijipiti tinteeŋ lɛ, má gbieli gbiele-la ba sɩ yie gbieli a dii boroboro-la sɩ bɩ sɩbʋrʋŋ kɛnɛ. Tapʋlaa balɩpɛ ma jaŋ dii boroboro-la sɩ bɩ sɩbʋrʋŋ kɛnɛ arɩ mɩ sɩ dagɛma ŋɩɩ. Nʋʋkala pɔ dɩ ʋ sɩ́ mɩ sɩpaaŋ kɔ arɩ na-hɩllɩŋ.

MOSIS KƐŊ IZIRAL TƖŊŊAA LƖƖ 34:20

Má kɛŋ pie-bie a time laa ma kakumo kala bii-bumbumba. Ama dɩ ma nɛ bɩ time laa, ŋɩɩ-na see ma kɛŋ ʋ baŋŋaa mɩlɩma bori. Má time laa ma hambolibii bumbumba kala. Nʋʋkala bɩ maga dɩ ʋ kɔ mɩ teeŋ arɩ na-hɩllɩŋ.

MOSIS KƐŊ IZIRAL TƖŊŊAA LƖƖ 8:15

Ama Ijipiti tinteeŋ kuoro sɩ na dɩ sɔrɔ-la sʋba ŋɩɩ, ʋ tʋɔŋ bɩra dol. Ʋ bɩ chɛ dɩ ʋ nɩɩ Mosis arɩ Arɔŋ teeŋ arɩ La TƖƖNA fa sɩ bʋl ŋɩɩ.

LEVI DOHO NƖAA 5:6

A tɩŋ ʋ sɩ ŋaa wɩɩ-la chei, ʋ maga dɩ ʋ lɩɩsɛ pie-nɩɩŋ koo bʋ-nɩɩŋ a kaa kʋ ŋaa wʋbɔŋŋɔɔ Wɩɩsʋlʋŋ pɩ mɩ-na ma TƖƖNA, dɩ Wɩɩsʋllɩ sɩpaalaara pɩɩsɛ ʋ wʋbɔmʋŋ ta.

LEVI DOHO NƖAA 6:6

Ʋ jaŋ lɩɩsɛ pie-bele sɩ bɩ nyɔɔ kala kɛnɛ, dɩ ʋ yalɩŋ magɛ ŋɩɩ ba sɩ daga Wɩa dɩa lɛ a tiŋ cheeriŋ Wɩɩsʋlʋŋ chɩmɩŋ a kaa kʋ pɩ Wɩɩsʋllɩ sɩpaalaara dɩ ʋ laa sʋl cheeriŋ Wɩɩsʋlʋŋ.

MOSIS BƖRA WULLI WƖA WOMBIIŊ 16:16

Jɩna na-kala tʋɔŋ Iziral tɩŋŋaa baalaa kala maga má mʋ ma TƖƖNA sɩpaaŋ naansɩɩŋ butori nɛ, lee-la ʋ sɩ jaŋ dagɛma dɩ ma zizilu, a gbieli gbielee deemba: La TƖƖNA dɩɩsɩŋ kiele bal gbiele, baga kɩaa ŋaanɩŋ gbiele arɩ lɛŋŋɛɛ gbiele. Nʋʋkala bɩ maga dɩ ʋ mʋ La TƖƖNA sɩpaaŋ arɩ na-hɩllɩŋ.

1 SAMƲƐL 5:11

Ɛkʋrɔŋ tɩmma-la yɩrɛ kuorusu-la kala sɩ hɛ Fɩlɩsɩtɩa tinteeŋ lɛ, a kʋ hilimi a bʋl, “Má joŋ Iziral tɩŋŋaa Wɩa niiriŋ daga-la a kaa mɩɩra mʋ bil ʋ dɩ-biliŋ, dɩ ŋɩɩ dee, ʋ jaŋ kpʋ la dɩ la nɩaa kala dɛrɛ,” bɛɛ wɩaa Wɩa fa dɔgɩsɛba nɛ woruŋ, nɩaa sʋʋ ba jaŋ lɛ, fawʋllʋŋ kɛmba.

1 SAMƲƐL 5:7

Asɩdɔd tɩŋŋaa sɩ na wɩalɩŋ sɩɩ ŋaa ba lɛ, ba bʋl, “Iziral tɩŋŋaa Wɩa niiriŋ daga-la bɩ maga dɩ ʋ hɛ la teeŋ daha, bɛɛ wɩaa ʋʋ dɔgɩsɛ la dɩ la vene Dagɔŋ kala nɛ.”

1 SAMƲƐL 5:9

Ba sɩ kɛnʋ mʋ lee-la ma, La TƖƖNA bɩra dɔgɩsɛ taŋ-la ma nɩaa, a leŋ fawʋllʋŋ chaasa jʋʋba ba chichel. Ʋ leŋ mɔpʋllʋŋ ŋmɛrɛ taŋ-la nɩhɩasɩŋ arɩ hambiisiŋ kala lɛ.

1 SAMƲƐL 6:8

Má joŋ Iziral tɩŋŋaa Wɩa niiriŋ daga-la daŋ toruko-la nyuŋ, a joŋ sɛlɩmɛ kɩalɩŋ sɩ ŋaa ma cheeriŋ Wɩɩsʋlʋŋ kɩaa, ma sɩ kaa mʋmʋ ma pʋ, a hɛ dagɩ-bie lɛ a joŋo bil Wɩa niiriŋ daga-la sɛmɛ. Má kaa lɩɩ ta dɩ ʋ mʋ ʋ tɩtɩa lɛ.

1 SAMƲƐL 6:9

Ama, má chɩŋ a bibeŋ, dɩ ʋ nɛ to lee-la ʋ sɩ lɩɩ kɔ, a mʋ taŋ-la ba sɩɩ yɩrɛ Bɛf Sɛmɛs dɩɩrɩŋ, ŋɩɩ daga arɩ La TƖƖNA nɛ joŋ nyanyal-bɔmɔ-la hɛ la lɛ. Ama dɩ ʋ nɛ bɩ nɩmɛ to, la jaŋ bɩra jɩŋ arɩ ʋ dee bɩ nyanyal-bɔmɔ-la joŋo hɛ la lɛ, ba ma ta paala jʋʋla nɛ.”