1 SAMƲƐL 6:2 - WƖA TENIŊ

² ŋɩɩ harɩŋ nɛ Fɩlɩsɩtɩa tɩŋŋaa sii yɩrɛ nɩalɩŋ sɩɩ kpaarɛ ba vʋɩyaa arɩ vʋgʋraa kala kʋ hɛ dɔŋɔ a pɩɛsɛba, “Ɛɛ nɛ la jaŋ ŋaa La TƖƖNA niiriŋ daga-la? Má dagɛla ŋɩɩ la sɩ jaŋ to a kɛnʋ mʋ bil ʋ dɩ-biliŋ.”

1 SAMƲƐL 6:2 ပူးပေါင်းရင်းမြစ်များ

WƖAA DƖ-SUOMUŊ 41:8

Ʋ sɩ sii chʋchʋɔ-fɩɛla, ʋ tʋɔŋ kala vʋgʋmɛ. Ʋ yɩrɛ ʋ jaŋ wʋjɩnnaa arɩ nɩalɩŋ kala sɩ ŋaa chichiribe kala hɛ dɔŋɔ lɛ a bʋl ʋ duoso-la pɩba, ama nʋʋkala bɩ wuo dagɛ duoso-la bʋbʋɔŋ pʋ.

MOSIS KƐŊ IZIRAL TƖŊŊAA LƖƖ 7:11

Ŋɩɩ nɛ Ijipiti tinteeŋ kuoro yɩrɛ ʋ jaŋ wʋjɩnnaa, vʋgʋraa arɩ ba chichiribee kala, ba ma ŋaa ŋɩɩ tɩtɩa arɩ ba chichiribiŋ.

AZAAYA 2:6

La TƖƖNA, ŋ vɩa ŋ nɩaa nɛ, Jekɔb doho nɩalɩŋ, bɛɛ wɩaa baa ŋaa vʋgʋrʋ wɩaa nɛ, wɩalɩŋ nɩalɩŋ sɩ hɛ wɩɩpɔsʋŋ dɩɩrɩŋ arɩ Fɩlɩsɩtɩa tɩŋŋaa sɩɩ ŋaa. Baa to nɩwogusuŋ naabarɩŋ wombiee nɛ.

DANƖƐL 2:2

Ŋɩɩ nɛ kuoro yɩrɛ chichiribee, vʋgʋraa, nɩalɩŋ sɩ yie beŋ chɛnwʋlaa aŋ dɩdagɛ wɩaa, arɩ wʋjɩnnaa kala dɩ ba kʋ dagɛ ʋ duoso-la bʋbʋɔŋ. Ba kʋ chɩŋ ʋ sɩpaaŋ.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

Matiu 2:4

Ŋɩɩ nɛ ʋ yɩrɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba ba kʋ hilimi. Ʋ pɩɛsɛba, “Nɩɩ nɛ ba jaŋ lʋl Kirisito, nɩɩ-la Wɩa sɩ lɩɩsa?”

1 SAMƲƐL 5:8

Ŋɩɩ nɛ ba yɩrɛ kuorusu-la kala sɩɩ beŋ Fɩlɩsɩtɩa tinteeŋ a kʋ hilimi a pɩɛsɛba, “Ɛɛ nɛ la jaŋ joŋ Iziral tɩŋŋaa Wɩa niiriŋ daga-la ŋaa?” Ba bʋl, “Má joŋ a kaa mʋ taŋ-la ba sɩɩ yɩrɛ Gaf.” Ŋɩɩ nɛ ba joŋ Iziral tɩŋŋaa Wɩa niiriŋ daga-la a kaa mʋ Gaf.

1 SAMƲƐL 6:1

La TƖƖNA niiriŋ daga-la fa sɩ hɛ Fɩlɩsɩtɩa tinteeŋ lɛ a mʋ yi chɛnsɩŋ balɩpɛ,