1 SAMƲƐL 6:16 - WƖA TENIŊ

¹⁶ Fɩlɩsɩtɩa tɩŋŋaa kuorusu-la banɔŋ chɩna na wɩaa deemba kala nɛ, aŋ mɩɩra mʋ Ɛkʋrɔŋ tapʋlɩɩ-la tɩtɩa.

1 SAMƲƐL 6:16 ပူးပေါင်းရင်းမြစ်များ

JOSUA 13:3

a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),

SƖPAALAARAA 16:5

Fɩlɩsɩtɩa tɩŋŋaa kuoroo mʋ a bʋla pɩ haal-la, “Nyɩsɛ Samɩsɩŋ dɩ ʋ dagɩŋ ŋɩɩ ʋ sɩ ŋaa a faasa kɛŋ doluŋ arɩ ŋɩɩ la sɩ jaŋ wuo to a kɛnʋ vɔɔ a laa ʋ doluŋ. Dɩ ŋ nɛ ŋaa ŋɩɩ, la kʋŋkala jaŋ pɩŋ warɩpʋla bʋɩ arɩ zɔlɔ.”

SƖPAALAARAA 3:3

Tinteye-la ʋ sɩ leŋe nɛ ŋ-la: Fɩlɩsɩtɩa tinteeŋ sɩpaalaaraa banɔŋ, Kɛnaŋ tɩŋŋaa kala, Sɩdɔŋ tɩŋŋaa arɩ Hivi tɩmma-la sɩ hɛ Lɛbanɔŋ peelee leriŋ, a chɩŋ peel-la ba sɩɩ yɩrɛ Baal Hɛmɔŋ a kaa mʋ Lebo Hamaf.

1 SAMƲƐL 5:10

Ŋɩɩ nɛ ba sii joŋ Wɩa niiriŋ daga-la a kaa mʋ taŋ-la ba sɩɩ yɩrɛ Ɛkʋrɔŋ. Ba sɩ kaa mʋ dɩ ba jʋʋ, Ɛkʋrɔŋ tɩŋŋaa ŋmoo niiŋ a bʋl, “Iziral tɩŋŋaa Wɩa niiriŋ daga-la nɛ ba kaa kɔ la jaŋ dɩ ʋ kpʋ la dɩ la nɩaa kala.”

1 SAMƲƐL 6:12

Ŋɩɩ nɛ nɛsɩ-la joŋ wombiiŋ ŋɩɩ tegi tegi a tʋʋlɛ Bɛf Sɛmɛs dɩɩrɩŋ mʋmʋ aŋ yiyel. Ba bɩ nadiiŋ koo nagʋa gɛbɛ. Fɩlɩsɩtɩa tɩŋŋaa kuorusu-la to ba harɩŋ ŋɩɩ halɩɩ a mʋ yi Bɛf Sɛmɛs tinteeŋ bʋa.

1 SAMƲƐL 6:4

Ŋɩɩ nɛ Fɩlɩsɩtɩa tɩmma-la bɩra pɩɛsɛ, “Bɛɛ kɩaa nɛ la jaŋ chɛ a kaa mʋ sʋl cheeriŋ Wɩɩsʋlɩɩ-la a pʋ?” Ba sɩ, “Má kɛŋ sɛlɩmɛ a mɛ kɩaa banɔŋ sɩ nagɛ mɔpʋllʋŋ, a bɩra kɛŋ sɛlɩmɛ-la tɩtɩa a mɛ kɩaa dɩ ba nagɛ taatɩaa, ba ma banɔŋ, a chesi Fɩlɩsɩtɩa tɩŋŋaa kuorusu-la sɩɩ bemma niiŋ, bɛɛ wɩaa, nyanyal-bɔmɔ-la jʋʋ ma dɩ ma kuorusu-la kala nɛ.