1 SAMƲƐL 6:12 - WƖA TENIŊ

¹² Ŋɩɩ nɛ nɛsɩ-la joŋ wombiiŋ ŋɩɩ tegi tegi a tʋʋlɛ Bɛf Sɛmɛs dɩɩrɩŋ mʋmʋ aŋ yiyel. Ba bɩ nadiiŋ koo nagʋa gɛbɛ. Fɩlɩsɩtɩa tɩŋŋaa kuorusu-la to ba harɩŋ ŋɩɩ halɩɩ a mʋ yi Bɛf Sɛmɛs tinteeŋ bʋa.

1 SAMƲƐL 6:12 ပူးပေါင်းရင်းမြစ်များ

1 KUOROO 4:9

Bɛŋ-Dɛkɛɛ, ʋ ma nɛ faa beŋ tasɩŋ deemba: Makas, Saalɩbɩm, Bɛf Sɛmɛs arɩ Ɛlɔŋ Bɛfɩhanaŋ.

MOSIS KƐŊ IZIRAL TƖŊŊAA LƖƖ 8:15

Ama Ijipiti tinteeŋ kuoro sɩ na dɩ sɔrɔ-la sʋba ŋɩɩ, ʋ tʋɔŋ bɩra dol. Ʋ bɩ chɛ dɩ ʋ nɩɩ Mosis arɩ Arɔŋ teeŋ arɩ La TƖƖNA fa sɩ bʋl ŋɩɩ.

NAMBABA 20:19

Ŋɩɩ nɛ Iziral tɩŋŋaa ma bʋl, “Laa chɛ dɩ la to womporuŋ nɛ a bal, dɩ la kʋŋ koo dɩ la pʋna nɛ nyʋa ma lɩɩŋ, la jaŋ time pɩma. Wombiiŋ dʋndʋŋa nɛ laa chɛ dɩ la to bal. La bɩ ma kʋŋkala ka chɛ.”

JOSUA 15:10

Ŋɩɩ nɛ ʋ bɩra gʋrɛ, a tʋʋlɛ wɩɩjʋʋlʋŋ dɩɩrɩŋ, a lɩɩ Baala a mʋ Sɛɛ peel-la, a joŋ ŋɩɩ a mʋ to peel-la ba sɩɩ yɩrɛ Jɩarɩm wɩɩpɔsʋŋ nagʋa dɩɩrɩŋ lee-la sɩ chullo aa tuu (ʋ nɛ ha Kɛsalɔŋ), a joŋ ŋɩɩ tʋʋ to Bɛf Sɛmɛs a kiele mʋ Tɩmɩna.

1 SAMƲƐL 6:11

Ba joŋ La TƖƖNA niiriŋ daga-la arɩ dagɩ-bie-la tʋɔŋ sɛlɩmɛ taatɩa-la arɩ mɔpʋllʋ-la sɩ hɛ kala daŋ toruko-la nyuŋ.

1 SAMƲƐL 6:13

Bʋa-la lɛ dɩ Bɛf Sɛmɛs tɩŋŋaa ka kʋŋ mɛmpɛ fuonaaŋ lɛ. Ba sɩ bee na Wɩa niiriŋ daga-la, ba tʋɔŋ kala tɔrɛ.

1 SAMƲƐL 6:9

Ama, má chɩŋ a bibeŋ, dɩ ʋ nɛ to lee-la ʋ sɩ lɩɩ kɔ, a mʋ taŋ-la ba sɩɩ yɩrɛ Bɛf Sɛmɛs dɩɩrɩŋ, ŋɩɩ daga arɩ La TƖƖNA nɛ joŋ nyanyal-bɔmɔ-la hɛ la lɛ. Ama dɩ ʋ nɛ bɩ nɩmɛ to, la jaŋ bɩra jɩŋ arɩ ʋ dee bɩ nyanyal-bɔmɔ-la joŋo hɛ la lɛ, ba ma ta paala jʋʋla nɛ.”