1 SAMƲƐL 6:11 - WƖA TENIŊ

¹¹ Ba joŋ La TƖƖNA niiriŋ daga-la arɩ dagɩ-bie-la tʋɔŋ sɛlɩmɛ taatɩa-la arɩ mɔpʋllʋ-la sɩ hɛ kala daŋ toruko-la nyuŋ.

1 SAMƲƐL 6:11 ပူးပေါင်းရင်းမြစ်များ

2 SAMƲƐL 6:3

Ba fa joŋ Wɩa niiriŋ daga-la daŋ nɛsɩŋ toruko falɩŋ lɛ nɛ, a kaa lɩɩ Abɩnadab dɩa-la sɩ chɩŋ dundolo nyuŋ a kʋ lɩɩ. Uza arɩ Ahio sɩ ŋaa Abɩnadab biiriŋ nɛ fa kɛŋ toruko-la vɩvɛŋ,

1 IZIRAL TƖŊŊAA NAABARƖŊ 13:7

Ŋɩɩ nɛ ba joŋ Wɩa niiriŋ daga-la Abɩnadab dɩa lɛ, a joŋo daŋ nɛsɩŋ toruko falɩŋ lɛ. Uza arɩ Ahio nɛ fa kɛŋ toruko-la vɩvɛŋ.

MOSIS BƖRA WULLI WƖA WOMBIIŊ 28:27

La TƖƖNA jaŋ joŋ mɔpʋllʋ-la doho ʋ fa sɩ joŋo hɛ Ijipiti tɩŋŋaa lɛ a hɛ ma lɛ dɩ ma yaraa kala ŋaa naawɩɩlaa a tɩtɩsɛ. Daaluno kala tuo sɩ jaŋ wuo vaarɛma.

1 SAMƲƐL 6:10

Ŋɩɩ nɛ nɩalɩŋ ŋaa ŋɩɩ ba sɩ daga, a kɛsɛ nɛsɩ-la a joŋ toruko hɛba, aŋ kɛrɛ ba biiriŋ tɔ nɛ-dɩa lɛ.

1 SAMƲƐL 6:12

Ŋɩɩ nɛ nɛsɩ-la joŋ wombiiŋ ŋɩɩ tegi tegi a tʋʋlɛ Bɛf Sɛmɛs dɩɩrɩŋ mʋmʋ aŋ yiyel. Ba bɩ nadiiŋ koo nagʋa gɛbɛ. Fɩlɩsɩtɩa tɩŋŋaa kuorusu-la to ba harɩŋ ŋɩɩ halɩɩ a mʋ yi Bɛf Sɛmɛs tinteeŋ bʋa.

1 SAMƲƐL 6:4

Ŋɩɩ nɛ Fɩlɩsɩtɩa tɩmma-la bɩra pɩɛsɛ, “Bɛɛ kɩaa nɛ la jaŋ chɛ a kaa mʋ sʋl cheeriŋ Wɩɩsʋlɩɩ-la a pʋ?” Ba sɩ, “Má kɛŋ sɛlɩmɛ a mɛ kɩaa banɔŋ sɩ nagɛ mɔpʋllʋŋ, a bɩra kɛŋ sɛlɩmɛ-la tɩtɩa a mɛ kɩaa dɩ ba nagɛ taatɩaa, ba ma banɔŋ, a chesi Fɩlɩsɩtɩa tɩŋŋaa kuorusu-la sɩɩ bemma niiŋ, bɛɛ wɩaa, nyanyal-bɔmɔ-la jʋʋ ma dɩ ma kuorusu-la kala nɛ.