1 SAMƲƐL 5:4 - WƖA TENIŊ

⁴ Taŋ sɩ bɩra pʋla chʋchʋɔ-fɩɛla, ba sie dɩ Dagɔŋ-la tele chu tinteeŋ, La TƖƖNA niiriŋ daga-la sɩpaaŋ. Bʋa deeŋ-na lɛ, dɩ ʋ nyuŋ yɛrɛ, ʋ nɩsaa ma bori a pɩŋ boiŋ niiŋ, ka ʋ yaraa dʋndʋŋa pɩŋ lee-la.

1 SAMƲƐL 5:4 ပူးပေါင်းရင်းမြစ်များ

AZAAYA 27:9

Wɩɩ-la Iziral tɩŋŋaa sɩ jaŋ ŋaa dɩ La TƖƖNA joŋ ba wʋbɔŋŋɔɔ kala chɛba nɛ ŋ-la: Dɩ ba nɛ ŋmoo ba vʋɩyaa korunu-la tabɩaa kala a yɛrɛ muno muno arɩ ba sɩ bugisi chʋrʋŋ ʋ bii ŋɩɩ, a sɩ́ leŋe dɩ veŋ-haal-la ba sɩɩ yɩrɛ Asɩra daasɩŋ kʋŋkala hɛ nɩmɛ arɩ ba kʋsʋɔrʋsʋŋ sʋɔra sɩ sɩma korunuŋ.

AZAAYA 40:20

Nɩɩ-la sɩ ŋaa summu a bɩ sɛlɩmɛ lɛ wuo yi, ʋ yie chɛ daa-la sɩ bɩ pʋa nɛ, a chɛ saarɩ-gɔgɔ ʋ saa tɔmʋŋ ʋ joŋo bil kʋa nyuŋ dɩ ʋ sɩ́ tel.

JƐRƖMAAYA 10:11

Má bʋl ŋ-la pɩ nɩalɩŋ: “Vʋɩyaa deemba ba sɩ to dee bɩ wɩa-nyuŋ arɩ tinteeŋ ŋaa, ba jaŋ nyɩɩgɛ tinteeŋ lɛ a lɛl dʋnɩa kala lɛ.”

JƐRƖMAAYA 10:14

Nʋʋkala chʋʋla nɛ a bɩ wʋjɩmɩŋ kɛnɛ. Hɩɩsɩŋ dii nɩalɩŋ sɩ kɛŋ sɛlɩmɛ libi vʋɩyaa nɛ, bɛɛ wɩaa ba vʋɩya-la bɩ wʋtɩtɩɩ kɛnɛ, ba bɩ wiese ma kɛnɛ.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

DANƖƐL 11:8

Ʋ jaŋ paa ba vesiŋ arɩ ba tɔmɔ-la ba sɩ kɛŋ hɔɔŋ libi, arɩ ba kʋ-yuŋŋie-la kala ba sɩ kɛŋ hɔpʋla arɩ sɛlɩmɛ ŋaa a kaa mʋ Ijipiti tinteeŋ. Ʋ jaŋ leŋ Siiria kuoru-la yuonuŋ jɩsɩŋ baŋmɛnɛ.

MƖKA 1:7

Mɩ jaŋ ŋmoo tɔmɔ-la kala ʋ sɩ cho yɛrɛ muno muno, aŋ nyɩgɛ kɩalɩŋ kala ba sɩ joŋo dii zile a bil vene dɩa lɛ. Mɩ jaŋ chei Samarɩa tɔŋŋɔɔ kala. Ba kpaarɛ vʋɩyaa nɛ a ŋaa wʋlɩɩlɩŋ a na kɩaa. Ba dʋndɔŋŋɔɔ ma jaŋ paa kɩalɩŋ kaa mʋ tiŋ nɩalɩŋ sɩ kpaarɛ vʋɩyaa aa ŋaa wʋlɩɩlɩŋ.”

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.