1 SAMƲƐL 5:3 - WƖA TENIŊ

³ Taŋ sɩ pʋla chʋchʋɔ-fɩɛla, Asɩdɔd tɩŋŋaa sie dɩ Dagɔŋ-la tele chu tinteeŋ, La TƖƖNA niiriŋ daga-la sɩpaaŋ. Ba kaa chʋʋla kɩɩ ʋ dɩchɩnɩŋ.

1 SAMƲƐL 5:3 ပူးပေါင်းရင်းမြစ်များ

1 KUOROO 18:26

Ŋɩɩ nɛ ba kpʋ nɛ-bele-la ba sɩ lɩɩsa a bɩrɩmɛ, aŋ sʋla yɩrɛ ba vene Baal, a chɩŋ chʋchʋɔŋ a kaa mʋ wɩɩhɛyɛ. Ba faasa ŋaa goŋ a bʋl “Baal, nɩɩ la yɩra.” Ŋɩɩ nɛ ba gʋa gugolli koru-la ba sɩ saa. Ama ba bɩ wɩɩkala nɩa.

WƖA YƖƖLAA 115:7

Ba kɛŋ nɩsaa nɛ, aŋ bɩ jaŋ wuo digi kʋŋ a jɩŋ, a kɛŋ naasɩŋ, aŋ bɩ wuo vɛŋ, a bɩ goŋ ma wuo ŋaa.

WƖA YƖƖLAA 97:7

Hɩɩsɩŋ dii vʋɩ-kpaaraa nɛ, nɩalɩŋ sɩ kɛŋ vʋɩ-pɛɩpɛɩba-la dɩdagɛ ba tɩtɩa, vesiŋ maa kpirimi La Tɩɩna sɩpaaŋ nɛ.

MOSIS KƐŊ IZIRAL TƖŊŊAA LƖƖ 12:12

Tɩtaŋ-la tɩtɩa, mɩ jaŋ gɔllɛ Ijipiti tinteeŋ a kpʋ ba hambolibii-hɩasɩŋ arɩ ba pʋsʋŋ bii-bumbumba sɩ ŋaa belliŋ a leŋ vesi-la kala sɩ hɛ Ijipiti lɛ jɩŋ arɩ ba bɩ kɩaa ŋaa, mɩ nɛ ŋaa ma TƖƖNA.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

AZAAYA 40:20

Nɩɩ-la sɩ ŋaa summu a bɩ sɛlɩmɛ lɛ wuo yi, ʋ yie chɛ daa-la sɩ bɩ pʋa nɛ, a chɛ saarɩ-gɔgɔ ʋ saa tɔmʋŋ ʋ joŋo bil kʋa nyuŋ dɩ ʋ sɩ́ tel.

AZAAYA 41:7

Nɩɩ-la sɩ jɩŋ daasɩŋ kaa saa kɩaa nyagɛ nɩɩ-la sɩ kɛŋ sɛlɩmɛ a ŋaa kɩaa bɔyɛ. Nɩɩ-la ma sɩ yie libi tɔŋŋɔɔ nyagɛ nɩɩ-la sɩ yie paa mɛrɛ dɔŋɔ lɛ bɔyɛ. Ba yie bʋl, “Ba mɛrɛ woruŋ nɛ.” Ʋ yie kpaasɛ tɔŋ-la bil nɛ dɩ ʋ sɩ́ tel.

AZAAYA 46:7

Ba yie joŋo baasɛ, a kaa mʋ bil ʋ chɩŋ, ʋ bɩ wuo vɛŋ. Dɩ nʋʋ nɛ bunso pʋ ma, ʋ yie chɩŋ nɛ, ʋ bɩ wɩɩ wuo laa bʋl. Dɩ ŋ nɛ jʋʋ wɩɩ ma, ʋ bɩŋ wuo laata.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

ZEFANAAYA 2:11

La TƖƖNA jaŋ chei vʋɩya-la kala sɩ hɛ tintee-la lɛ, dɩ fawʋllʋŋ faasa jʋʋba. Tinteyee kala sɩ hɛ dʋnɩa lɛ jaŋ kpirimi ʋ sɩpaaŋ, nʋʋ na-kala jaŋ ŋaa ŋɩɩ ʋ tɩtɩa tinteeŋ lɛ.

Maak 3:11

Jɩŋ-bɔŋŋɔɔ fa kɛŋ nɩalɩŋ dɔnsʋŋ nɛ. Dɩ ba nɛ na Yesu kala, ba yie kʋ tel ʋ sɩpaaŋ a chɩchɩɩrɛ a bʋl, “Ŋ nɛ ŋaa Wɩa Bie.”

1 SAMƲƐL 6:1

La TƖƖNA niiriŋ daga-la fa sɩ hɛ Fɩlɩsɩtɩa tinteeŋ lɛ a mʋ yi chɛnsɩŋ balɩpɛ,

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.