1 SAMƲƐL 4:4 - WƖA TENIŊ

⁴ Ŋɩɩ nɛ ba tɩŋ nɩaa ba mʋ Sɩlɔ, a joŋ La TƖƖNA doluŋ kala Tɩɩna niiriŋ daga-la kaa kɔ. Daga-la nyuŋ kɛŋ kɩaa sɩ kɛŋ kɩŋkɛnsɩŋ nɛ a nagɛ Wɩa tɩndaaraa balɩa, La TƖƖNA hɔŋ ba pɛgɛ. Eli hambolibiisiŋ balɩa, Hofini arɩ Finihas ma to Wɩa niiriŋ daga-la harɩŋ a mʋ ba buguŋ.

1 SAMƲƐL 4:4 ပူးပေါင်းရင်းမြစ်များ

2 SAMƲƐL 15:24

Zadɔk arɩ Abɩata Wɩɩsʋllɩ sɩpaalaaraa fa hɛ nɩmɛ. Levi doho nɩaa ma hɛ nɩmɛ a chʋŋ Wɩa niiriŋ daga-la. Ŋɩɩ nɛ ba chʋgɛ daga-la bil, Abɩata kpʋ pʋsʋŋ a sʋl Wɩɩsʋlʋŋ pɩ La TƖƖNA ŋɩɩ deeŋ deeŋ nɩalɩŋ kala lɩɩ taŋ-la lɛ dɛrɛ.

2 SAMƲƐL 6:2

Ʋ dɩ ʋ nɩaa kala sii mʋ taŋ-la ba sɩɩ yɩrɛ Baala sɩ hɛ Juda tinteeŋ lɛ, dɩ ba joŋ Wɩa niiriŋ daga-la a kaa mɩɩra mʋ Jerusalɛm. Ʋ nyuŋ nɛ La TƖƖNA doluŋ kala Tɩɩna hɔŋ ʋ kuoru kpasa lɛ kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ.

2 KUOROO 19:15

aŋ sʋlʋ, “La TƖƖNA, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

WƖA YƖƖLAA 80:1

Nɩɩ-la sɩɩ beŋ Iziral tɩŋŋaa a nagɛ pie-daara sɩɩ beŋ ʋ piesee, jegile nɩɩ la teeŋ. Ŋ nɛ laa Josɛf doho nɩaa sɩpaaŋ a bibemba. Ŋ hɔŋ kɩalɩŋ balɩa sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ nɛ, leŋ dɩ ŋ tʋla chaanɛ Efirem, Bɛnjamɩŋ

WƖA YƖƖLAA 80:2

arɩ Manasɛ doho doho nɩaa sɩpaaŋ. Sii arɩ ŋ doluŋ a kʋ laala ta.

WƖA YƖƖLAA 99:1

La Tɩɩna nɛ kuoro, má leŋ dɩ tinteyee nɩaa kala chel. Ʋ hɔŋ ʋ kuoru kpasa nyuŋ nɛ, kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ, má leŋ dɩ tinteeŋ ma zigili.

AZAAYA 37:16

“La TƖƖNA doluŋ kala Tɩɩna, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

MALAKAƖ 1:9

La TƖƖNA doluŋ kala Tɩɩna bɩra sɩ, “Ma Wɩɩsʋllɩ sɩpaalaaraa, má sʋl mɩ-na Wɩa dɩ mɩ fá ma nenige a laa ma Wɩɩsʋlʋŋ kɩaa. Dɩ mɩ nɛ vɩa, ma nɛ jaŋ tɩɩ.

NAMBABA 4:15

Dɩ Arɔŋ arɩ ʋ hambolibiisiŋ nɛ tɔ Wɩa dɩ-zɔŋ-la kpɩɛrɩ-zɔmɔ-la arɩ ʋ tɩntɩnnɩ kɩalɩŋ kala dɛrɛ, dɩ Iziral tɩŋŋaa kɛŋ ba tɩtɩa hɛ dɔŋɔ dɩ ba vɛŋ, Kohaf doho nɩaa nɛ jaŋ kʋ chʋmba. Ama ba bɩ maga dɩ ba digi Wɩa kʋzɔmɔ-la. Dɩ ba nɛ dige, ba jaŋ sʋʋ. Ba nɛ jaŋ chʋŋ lɛbɩ-la lɛ mɩ sɩ yie kɔ Iziral tɩŋŋaa teeŋ tʋɔŋ kɩaa kala.

NAMBABA 4:5

Dɩ Iziral tɩŋŋaa nɩɩ sii ba dɩhɔnʋŋ, Arɔŋ arɩ ʋ hambolibiisiŋ nɛ jaŋ jʋʋ puri patɩɩsaŋ-la sɩ kɛrɛ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ a kaa tɔ Wɩa niiriŋ daga-la.

NAMBABA 7:89

Mosis sɩ jʋʋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ dɩ ʋ bʋl wɩaa La TƖƖNA teeŋ, ʋ nɩɩ La TƖƖNA yikoro Wɩa niiriŋ daga-la nii-tɔlɔ nyuŋ, kɩalɩŋ balɩa sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ. Ŋɩɩ nɛ ʋ dɩ La TƖƖNA bʋl wɩaa.

1 SAMƲƐL 1:24

Ʋ sɩ kʋ kɛrɛ bile yɩlɩŋ lɛ, bʋa-la sɩ maga dɩ ba bɩra mʋ Sɩlɔ kʋ yi, ʋ sii kɛnʋ arɩ ʋ ha sɩ muuro ma kala, a kɛŋ jɩsɩŋ batori nɛ-bele, a ŋaa munuŋ kuokuo gbansɩŋ banɔŋ arɩ tɩɩnɛnɛɛ sɩnɩŋ puruŋ sɩɩ, a kaa mʋ La TƖƖNA dɩa Sɩlɔ lɛ.

1 SAMƲƐL 14:3

Laalɩyuoro-la tʋɔŋ, Wɩɩsʋllɩ sɩpaalaara nɛ hɛ nɩmɛ baa yɩrɛ Ahija, a laalɛ ʋ gɛrɩ-laala-daŋɩŋ. Ahija nyɩmma nɛ Ahitub. Ahitub naambie nɛ Ɩkabɔd. Ahitub ma nyɩmma nɛ Finihas. Finihas ma nyɩmma nɛ Eli. Eli nɛ fa ŋaa La TƖƖNA Wɩɩsʋllɩ sɩpaalaara Sɩlɔ lɛ. Nʋʋkala fa bɩ jɩŋ arɩ Jonataŋ mʋ lee.

1 SAMƲƐL 2:22

Eli fa hɩɛsa nɛ woruŋ, ŋɩɩ nɛ ʋ nɩɩ wɩalɩŋ kala ʋ hambolibiisiŋ sɩ joŋo ŋaa Iziral tɩŋŋaa lɛ, arɩ ŋɩɩ ba sɩ kɛŋ haala-la sɩɩ tɩŋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ pɩpɩŋ.